‘இந்திய விடுதலை போராட்ட முத்துக்கள்’ நுாலிலிருந்து:

விஜயா பதிப்பகம், ச.தனம் எழுதிய,
‘இந்திய விடுதலை போராட்ட முத்துக்கள்’ நுாலிலிருந்து:

வியாபாரத்திற்காக, கிழக்கிந்திய கம்பெனி,
டிசம்பர் 31, 1600ல், இந்தியாவிற்குள் நுழைந்தது

ஆங்கிலேயரின் ஆதிக்கத்திற்கு எதிராக தோன்றிய
மாபெரும் எதிர்ப்பான, தென்னிந்திய புரட்சி, 1800ல் ஏற்பட்டது

முதன் முதலில், கம்பெனியின் ஆதிக்கத்தை எதிர்த்து
போராடிய பாளையக்காரர், புலித்தேவன்

புலித்தேவன் போராட்டத்தை தொடர்ந்து, கிளர்ச்சியில்
ஈடுபட்டவர், பாஞ்சாலங்குறிச்சியின் பாளையக்காரர், வீரபாண்டிய
கட்டபொம்மன்

அடுத்து, ஆங்கிலேயரை தீரத்துடன் எதிர்த்த, மருது சகோதரர்கள்,
விடுதலை வேட்கையை, தமிழகத்தின் மூலை முடுக்குகளில் பரவச்
செய்தனர். மக்களின் கவனத்தை புரட்சியின் மீது திருப்ப,
ஒரு அறிக்கை தயாரித்தனர். அதற்கு பெயர், ‘திருச்சிராப்பள்ளி
அறிக்கை அல்லது திருச்சிராப்பள்ளி பிரகடனம்!’

மைசூர் மன்னர்களான ஹைதர் அலி, திப்பு சுல்தான் போன்றோர்,
ஆங்கிலேயரை தீரத்துடன் எதிர்த்து, தங்கள் வாழ்வை முடித்துக்
கொண்டனர்

வெற்றிலைகுண்டு எனப்படும், வத்தலக்குண்டில், ஊமைத்துரையின்
தலைமையில் ஆங்கிலேயருடன் போரிட்ட, 65 கிளர்ச்சியாளர்களும்,
வீரமரணம் அடைந்தனர்
-


ராணி வேலு நாச்சியார், வீரத்தின் விளை நிலம்.
இவர், தமிழகத்தின் ஜான்சி ராணி என போற்றப்படுகிறார்
வேலுார் கிளர்ச்சி, 1806, ஜூலை 13ல் துவங்கப்பட வேண்டும் என,
திட்டமிடப்பட்டது. ஆனால், ஜூலை 9ம் தேதியே துவங்கப்பட்டது.

ஜான்சி ராணி லட்சுமி பாயின் வீர தீர செயல்கள், வரலாற்றில்
இன்றளவும் நிலைத்து நிற்கின்றன. ஆங்கிலேயரை எதிர்த்து,
குவாலியரில், ஆண் உடை அணிந்து, தீரத்துடன் போரிட்டார்.
அவரது குதிரை, கால் இடறியதால் கீழே விழுந்தவர், மீண்டும்
எழவே இல்லை

கல்கத்தாவில் (இன்றைய கோல்கட்டா) 1896ல் கூடிய காங்கிரஸ்
மாநாட்டில், ‘வந்தே மாதரம்’ பாடல், முதன் முதலாக பாடப்பட்டது

‘நாங்கள் பிச்சைக்காரர்களல்ல; எங்கள் கட்சி
இரந்து உயிர் வாழும் கட்சியன்று; நாங்கள், மக்களின் துாதுவர்கள்…’
என கூறியவர், மிதவாதிகளின் தலைவர், கோபாலகிருஷ்ண
கோகலே.

இந்திய இளைஞர்களை, தேச சேவையில் ஈடுபட செய்யும்
முயற்சியில் ஈடுபட்டார் அதற்காக, ‘இந்திய ஊழியர்கள் சங்கம்’
என்ற அமைப்பை, 1905ல் ஆரம்பித்தார். ‘சுயராஜ்யம் நமது
பிறப்புரிமை. அதை நாம் அடைந்தே தீருவோம்’ என,
முழக்கமிட்டவர், திலகர்
----

இந்த நேரத்தில் ‘சும்மா வந்ததல்ல சுதந்திரம்!’ என்ற மறைந்த நெல்லை ஜெபமணி அவர்களின் தொடர் கட்டுரை என் நினைவுக்கு வருகிறது !
ஜெபமணியின் இப் படைப்பு பாடமாக வைக்கத் தகுந்தது!