நற்றமிழ் அறிவோம் - மாதாமாதம் , மாதந்தோறும்

**M.Jagadeesan** · **M.Jagadeesan** Tue Aug 11, 2020 5:07 pm

" மாதா மாதம் தவணைத் தொகை கட்டவேண்டும் " என்று சொல்வது சரியா ?

மாதா என்றால் அன்னை என்று பொருள்படும் . எனவே மாதா மாதம் என்றால் அன்னை மாதம் என்று பொருள் கொள்ளவும் இடமுண்டு . எனவே

" மாதந்தோறும் தவணைத் தொகை கட்டவேண்டும் " என்று சொல்வதே சரி .

இதேபோல " வாரா வாரம் சனிக்கிழமையன்று எண்ணெய்க் குளியல் செய்யவேண்டும் " என்று பெரியவர்கள் சொல்வார்கள் .

இதில் வாரா வாரம் என்ற சொல்லுக்கு வராத வாரம் என்றும் பொருள் கொள்ளலாம் . எனவே

" வாரந்தோறும் சனிக்கிழமையன்று எண்ணெய்க் குளியல் செய்யவேண்டும் " என்று சொல்வதே சரி .

இதேபோல வருடா வருடம் என்பதை வருடந்தோறும் என்று சொல்லப் பழகுவோம் .