திருச்செந்தூர் – குரு ஸ்தலம்

**ayyasamy ram** · **ayyasamy ram** Sat Aug 01, 2020 3:17 pm

-
முருகனின் அறுபடை வீடுகளான,

திருப்பரங்குன்றம்
திருச்செந்தூர்
பழனி
சுவாமிமலை
திருத்தணி
பழமுதிர்ச்சோலை
ஆகியவற்றில் எது குரு ஸ்தலமாக போற்றப் படுகிறது என்பதை
பார்ப்போம்.

திருச்சீரலைவாய் என்று அழைக்கப்படும் திருச்செந்தூர்
ஆலயமே குரு தலமாக போற்றப்படுகிறது. திருச்செந்தூர்
முருகன் கோவில் தூத்துக்குடி மாவட்டத்தில் இடம்பெற்றுள்ளது.

ஞான குரு
பல அதிசய சக்திகளை பெற்ற சூரபத்மன் தேவர்களுக்கு பல்வேறு
இடையூறுகளை கொடுத்து வந்தான். சூரனை வதம் செய்ய தேவர்களின்
வேண்டுகோளுக்கு இனங்க சிவபெருமானால் அனுப்பப்பட்ட
முருகப்பெருமான் போருக்கு கிளம்பிய இடமே இந்த தலமாகும்.

முருகப்பெருமான் போருக்குச் செல்லும் முன் குரு பகவானிடம்
அசுரர் களை பற்றிய வரலாற்றை அறிந்து கொண்டதால் இத்தலம்
சிறப்பு பெற்றது. மேலும் இத்தலத்தில் முருகப் பெருமான்
ஞான குருவாக அருள்புரிகிறார்

கடற்கரை ஓரத்தில்

இந்த தலம் அறுபடை வீடுகளில் இரண்டாம் படை வீடாகக்
போற்றப்படுகிறது. சங்க இலக்கியங்களிலும் சிலப்பதிகாரத்திலும்
குறிப்பிடப்பட்டுள்ள இத்தலம் 2000 ஆண்டுகள் பழமையானதாக
கருதப்படுகிறது.

முருகப்பெருமான் கடற்கரை ஓரத்தில் அமைந்துள்ள தலமாகவும்
சிறப்பு பெறுகிறது. கடலை பார்த்தபடி கிழக்கு நோக்கி காட்சி
அளிக்கிறார்.

பஞ்சலிங்க தரிசனம்

முருகன் சன்னதிக்கு வலப்புறத்தில் “பஞ்சலிங்க’ சன்னதியும்
இருக்கிறது. இவர்களை மார்கழி மாதத்தில் தேவர்கள் தரிசிக்க
வருவதாக ஐதீகம். சிவனுக்குரிய வாகனமான நந்தியும்,
முருகனுக்கு எதிரே இந்திர, தேவ மயில்களும் மூலஸ்தானம்
எதிரே உள்ளன.

திருச்செந்தூர் – குரு ஸ்தலம்

திருச்செந்தூர் – குரு ஸ்தலம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக