இந்தியாவில் முதல்முறையாக ஒரே நாளில் 45 ஆயிரம் பாதிப்பு, 1,129 பலி

புதுடில்லி:
இந்தியாவில், இதுவரை இல்லாத அளவில், கடந்த 24 மணி
நேரத்தில் 45,720 பேருக்கு கொரோனா உறுதியாகியுள்ளது,
1,129 பேர் உயிரிழந்துள்ளனர். இந்தியாவில் முதன்முறையாக
கொரோனா தொற்று, 45 ஆயிரத்தை தாண்டியுள்ளது.

இதன் மூலம் பாதிக்கப்பட்டவர்களின் எண்ணிக்கை
12,38,635 ஆகவும், மரணம் 29,861 ஆகவும் அதிகரித்துள்ளது.
கொரோனாவிலிருந்து மீண்டவர்களின் சதவீதம்
63.18 சதவீதமாக உள்ளதாகவும், தற்போது வரை
7.82 லட்சம் பேர் கொரோனாவிலிருந்து மீண்டுள்ளதாக
சுகாதாரத்துறை அமைச்சகம் தெரிவித்துள்ளது.

மேலும், இந்தியாவில் பாதிக்கப்படுவோரின் விகிதம் 13.03 ஆக
உள்ளது. இந்திய அளவில் கொரோனா பாதிப்பில் மஹாராஷ்டிரா
மாநிலம் முதலிடத்தில் உள்ளது. இதற்கடுத்த இடங்களில்,
தமிழகம், டில்லி, கர்நாடகா, ஆந்திரா, உ.பி., மற்றும் குஜராத்
மாநிலங்கள் உள்ளன.

அதேபோல், நேற்று (ஜூலை 23) ஒரே நாளில் 1,129 பேர்
உயிரிழந்துள்ளனர். இதில் அதிகபட்சமாக தமிழகத்தில்
518 உயிரிழப்புகள் பதிவாகியுள்ளன.

இந்த உயிரிழப்புகளில் மார்ச் 1 முதல் ஜூன் 1வரையிலான
காலகட்டத்தில் 444 விடுபட்ட மரணங்கள், மத்திய அரசின்
வழிகாட்டுதல்கள் படி சேர்க்கப்பட்டதாக தமிழக
சுகாதாரத்துறை தெரிவித்துள்ளது. இதனால் பலி எண்ணிக்கை
அதிகரித்துள்ளது.

இது குறித்த 5 முக்கிய அம்சங்கள்

01.மஹாராஷ்டிராவில், நேற்று (ஜூலை 23),
ஒரே நாளில் 10,576 பேருக்கு கொரோனா உறுதியானது.
அங்கு, ஒரே நாளில் அதிகபட்ச தொற்று பதிவாவது
இது முதல்முறையாகும்.

இதனால், அங்கு பாதிக்கப்பட்டவர்களின் எண்ணிக்கை
3,37,607 ஆக அதிகரித்துள்ளது.

02. அதேபோல், தமிழகத்தில் இதுவரை இல்லாத அளவாக
5,849 பேருக்கு கொரோனா உறுதி செய்யப்பட்டது.
இதன் மூலம் பாதிக்கப்பட்டவர்களின் எண்ணிக்கை
1.86 லட்சத்தை தாண்டியுள்ளது.

சென்னையில் பாதிப்பு குறைந்து வரும் நிலையில் மற்ற
மாவட்டங்களில் பாதிப்பு அதிகரித்து வருகிறது.

03. ஆந்திராவில் ஒரே நாளில் 6,045 பேருக்கு பாதிப்பு
ஏற்பட்டுள்ளது. இவ்வளவு அதிகமாக பாதிப்பை
அம்மாநிலம் முதன்முறையாக பதிவு செய்துள்ளது.

04. உயிரிழப்புகளில் மஹாராஷ்டிராவில் கடந்த 24 மணி
நேரத்தில் 280 பேர் பலியாகியுள்ளனர்.

05. இந்தியாவில் நேற்று (ஜூலை 23)இதுவரை இல்லாத
அளவாக ஒரே நாளில் 3,50,823 மாதிரிகள்
சோதனையிடப்பட்டுள்ளன. இதுவரை மொத்தம் 1.5 கோடி
மாதிரிகள் சோதனையிடப்பட்டுள்ளன.

தினமலர்

தமிழகத்தில் நாளுக்கு நாள் கொரோனா பாதிப்பு அதிகரித்து
வருகிறது. நேற்று மட்டும் 5,849 பேருக்கு கொரோனா
உறுதியானது. இதனால், பாதிக்கப்பட்டவர்களின் எண்ணிக்கை
1,86,492 ஆக அதிகரித்துள்ளது.

இந்நிலையில், கவர்னர் மாளிகையில் 147 பேருக்கு கொரோனா
பரிசோதனை நடந்தது. அதில் 4 போலீசார், தீயணைப்பு வீரர்கள்
உட்பட 84 பேருக்கு கொரோனா உறுதி செய்யப்பட்டுள்ளது.

எங்கு சென்று முடியப்போகிறதோ இறைவனுக்கு வெளிச்சம்


அனைவரும் இடைவெளி கடைப்பிடித்து பாதுகாப்பாக இருப்பதே சிறந்தது

//தமிழகத்தில் இதுவரை இல்லாத அளவாக
5,849 பேருக்கு கொரோனா உறுதி செய்யப்பட்டது.
இதன் மூலம் பாதிக்கப்பட்டவர்களின் எண்ணிக்கை
1.86 லட்சத்தை தாண்டியுள்ளது.// -

சென்னையில் பாதிப்பு குறைந்து வரும் நிலையில்... - என்பது ஆறுதலான விஷயம். தடுப்பூசியை விரைவாக செயல் படுத்தவேண்டும்.

இன்றைய கணக்குப்படி 13.50 லட்சம் கடந்துவிட்டது

ஊரடங்கையும் கட்டுப்பாடுகளையும் மதிக்காமல் திரிவதால் இந்த நிலைமை. இந்தயர்கள் திருந்தவும் மாட்டார்கள், மாறவும் மாட்டார்கள், எத்தனை தடவை தான் அரசு அறிவறுத்திக் கொண்டிருக்கும்.

மாணிக்கம் நடேசன் wrote:ஊரடங்கையும் கட்டுப்பாடுகளையும் மதிக்காமல் திரிவதால் இந்த நிலைமை. இந்தயர்கள் திருந்தவும் மாட்டார்கள், மாறவும் மாட்டார்கள், எத்தனை தடவை தான் அரசு அறிவறுத்திக் கொண்டிருக்கும்.

மேற்கோள் செய்த பதிவு: 1325653

அவன் அவனுக்கு வரும்போது தான் திருந்துவார்கள் அது தான் பல இந்தியர்களின் பழக்க வழக்கம்