இலக்கிய சிற்பி, வை.மு.கோதைநாயகி’ நுாலிலிருந்து:

**ayyasamy ram** · **ayyasamy ram** Mon Jul 20, 2020 11:38 am

-
வை.மு.கோதைநாயகி, 1923ல், இந்திர மோகனா என்றொரு
நாடகம் எழுதினார். அதைப் படித்துப் பார்த்த, அந்நாளைய
பிரபல நாவலாசிரியர், வடுவூர் துரைசாமி ஐயங்கார்,
நேரில் வந்து பாராட்டினார்.

தாம் நடத்தி வந்த, ‘ஜகன் மோகினி’ என்ற மாத பத்திரிகையை
வாங்கி, அதில் தொடர்ச்சியாக நாவல்களை வெளியிடலாமே
என்று, கோதைநாயகிக்கு, யோசனை கூறினார்.

அதன்படியே பத்திரிகையை ஆரம்பித்து, அதில், நாவல்களை
எழுதினார். முதல் நாவல் – வைதேகி. பிறகு, தனி நுாலாகவும்
நாவல்களை வெளியிடலானார்.

மொத்தம், 115 நாவல்களை எழுதியிருக்கிறார்.
1938ல்,- அவரது நாவலான, அனாதைப் பெண் மற்றும் ராஜமோகன்
இரண்டும், திரைப்படங்களாக வெளிவந்தன.

தயாநிதி என்ற நாவலை, 1967ல், சித்தி என்று, படமாக தயாரித்தார்,
இயக்குனர் கே.எஸ்.கோபாலகிருஷ்ணன். சிறந்த கதைக்கான,
தமிழக அரசின் பரிசு, அந்தப் படத்திற்கு கிடைத்தது.

கடந்த, 1937ல், ராஜாஜி ஆட்சி நடந்து கொண்டிருந்த போது,
கோதைநாயகியை, ‘பிலிம் சென்சார் போர்டு’ உறுப்பினராக
நியமித்தார்.

முதல் படத்தைப் பார்த்துவிட்டு, கடுமையாக ஆட்சேபித்தனர்.
காரணம், அந்த படத்தில், காந்திஜி, தேசிய இயக்கம், முதலிய சில
காட்சிகளுக்கு பிறகு, கொலை, கொள்ளை, கற்பழிப்பு ஆகிய
சம்பவங்களை கொண்டே, தயாரிக்கப்பட்டிருந்தது தான்.

‘நம் பண்பாட்டுக்கு விரோதமான இந்த படத்தை வெளியிடக் கூடாது…’
என்று, கடுமையாக ஆட்சேபித்தார், கோதைநாயகி. மற்றொரு
உறுப்பினரான, பம்மல் சம்பந்த முதலியாரும் ஆமோதிக்கவே, அந்த
படம் தடை செய்யப்பட்டு, வெளிவராமலே போனது.

சூரிய குமாரி நடித்த, அதிர்ஷ்டம் என்ற படத்தில், குட்டைப் பாவாடை
அணிந்து, ஊஞ்சலாடும் காட்சியொன்றை ஆட்சேபித்து, கருத்து
தெரிவித்தார், கோதைநாயகி. ஆனால், அந்த படத்தின் காட்சி,
வெளியூர்களில் வெளியான போது இடம்பெற்றிருந்தது.

அதை அறிந்த, கோதைநாயகி, மீண்டும் தயாரிப்பாளர்களை எச்சரித்து,
‘நெகடிவ்’ பிரதிகளில், அந்த காட்சியை அழிக்கும்படி செய்தார் .
--------------
நடுத்தெரு நாராயணன்
திண்ணை-வாரமலர்

**ayyasamy ram** · **ayyasamy ram** Mon Jul 20, 2020 11:42 am

1960ம் ஆண்டு பிப்ரவரியில், கோதை நாயகி உடல்நிலை
கவலைக்கிடமாக இருந்தபோது, "குளிர்ந்த நெஞ்சம்' என்ற
நாவல் பூர்த்தியாகாமலே இருந்தது.

"நான் பிழைத்து வந்து எழுத மாட்டேன் என்று நினைக்கிறீர்களா?
நானே தான் அதைப் பூராவும் எழுதுவேன்...' என்றார்.

ஆனால், அந்த நாவலை அவர் முடிக்கவேயில்லை. அதற்குள்
ஆண்டவன் அவரை அழைத்து கொண்டான்.

கடைசி நாவலை, அவள் பூர்த்தி செய்ய இயலவில்லை.
ஆனால், பேத்தி, வை.மு.விஜயலட்சுமி, பாட்டியின் ஆசையை
பூர்த்தி செய்யும் வகையில், அதை எழுதி முடித்தார்.
-------------

— மறைந்த பெண் எழுத்தாளர் வை.மு.கோதை நாயகியின்
கணவர் ஒரு பேட்டியில்
===========
நன்றி-வாரமலர்

இலக்கிய சிற்பி, வை.மு.கோதைநாயகி’ நுாலிலிருந்து:

இலக்கிய சிற்பி, வை.மு.கோதைநாயகி’ நுாலிலிருந்து:

Re: இலக்கிய சிற்பி, வை.மு.கோதைநாயகி’ நுாலிலிருந்து:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக