அமெரிக்காவில் பிரபலங்களின் டுவிட்டர் கணக்குகள் முடக்கம்:

**ayyasamy ram** · **ayyasamy ram** Thu 16 Jul 2020 - 9:29

வாஷிங்டன்:
பிட்காயின் பரிவர்த்தனைக்காக அமெரிக்காவில் ஜோ பைடன்,
பாரக் ஒபாமா, பில்கேட்ஸ், எலன் மஸ்க் உள்ளிட்ட பிரபலங்களின்
டுவிட்டர் கணக்குகள் ஒரே சமயத்தில் ஹேக் செய்யப்பட்டதாக
தகவல் வெளியாகியுள்ளது.

கடந்த சில ஆண்டுகளாக,பிட்காயின் எனப்படும் 'டிஜிட்டல் கரன்சி'
அல்லது, 'கிரிப்டோ கரன்சி' எனும், கணினி வழி பணப் பரிவர்த்தனை
பிரபலம் அடைந்து வருகிறது. இத்தகைய டிஜிட்டல்
நாணயங்களுகென தனி மையங்கள், உலகம் முழுவதும் இயங்குகின்றன.

கறுப்பு பணம் வைத்துள்ளவர்கள், தாவூத் இப்ராகிம் போன்ற
பயங்கரவாதிகளும், பிட் காயின் பரிவர்த்தனையில் ஈடுபட்டு
வருவதாக கூறப்படுகிறது.

இந்நிலையில் அமெரிக்க அதிபர் தேர்தலில் அடுத்த அதிபராக வருவார்
என நம்பப்படும் ஜோபைடன், தொழிலதிபர்கள், எலன் மஸ்க், பில்கேட்ஸ் ,
ஜெப் பெசேஸ்,வாரன் பப்பெட், மைக் புளும்பெர்க் ஆகியோரின்
டுவிட்டர்கள் கணக்குகள் நேற்று ஒரே நேரத்தில் ஹேக் செய்யப்பட்டதாக
தகவல் வெளியாகியுள்ளது.

இதன் பின்னணியில் பிட்காயின் பரிவர்த்தனை செய்யும் கும்பலுக்கு
தொடர்பிருப்பது தெரியவந்தது.

இவர்களை தவிர முன்னாள் அதிபர் பாரக் ஒபாமா, ஆப்பிள், உபேர் ஆகிய
நிறுவனங்களின் டுவிட்டர் கணக்குகளும், , ஹேக் செய்யப்பட்டதாகவும்
புகார் எழுந்துள்ளதால் பெரும் பரபரப்பு ஏற்பட்டுள்ளது.

பிட்காயின் பரிவர்த்தனை செய்யும் கும்பல் சமூக வலைதளமான டுவிட்டர்
கணக்கிற்குள் எப்படி புகுந்தது என்பது குறித்து உரிய விசாரணை நடத்தி
வருவதாக டுவிட்டர் நிர்வாகம் தெரிவித்துள்ளது.

இது போன்ற ஒரு நிகழ்வு மிகப்பெரிய விதிமீறல் நடந்துள்ளதாக கண்டனம்
எழுந்துள்ளது.

தினமலர்

அமெரிக்காவில் பிரபலங்களின் டுவிட்டர் கணக்குகள் முடக்கம்:

அமெரிக்காவில் பிரபலங்களின் டுவிட்டர் கணக்குகள் முடக்கம்:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக