செய்தி சுருக்கம் - ஜூலை 13

**ayyasamy ram** · **ayyasamy ram** Mon Jul 13, 2020 7:48 pm

தமிழகம் முழுவதும் ஜூலை 31 வரை பொதுப் போக்குவரத்துக்கு தடை - அரசு உத்தரவு

சென்னை:

தமிழக அரசு இன்று வெளியிட்டுள்ள அறிக்கையில் ஜூலை 31-ந்தேதி வரை
தனியார், அரசு பொது பேருந்து போக்குவரத்து சேவை இயக்கப்படாது
என தெரிவித்துள்ளது. முன்னதாக ஜூலை 15ம் தேதி வரை பொதுப்
போக்குவரத்திற்கு தடை விதிக்கப்பட்ட நிலையில், ஜூலை 31-ந்தேதி வரை
போக்குவரத்திற்கு தடை நீட்டிக்கப்பட்டது.

மாலைமலர்

**ayyasamy ram** · **ayyasamy ram** Mon Jul 13, 2020 7:50 pm

அரசு ஊழியர்கள் குறித்த நேரத்துக்குள் பணிக்கு வர ஆணை

சென்னை:

தமிழக அரசு அலுவலகங்களில் வாரத்தில் ஆறு நாட்கள் வேலை நாட்கள்.
அரசு ஊழியர்கள் இன்று முதல் காலை 10.30 மணிக்குள் அலுவலகங்களுக்குள்
வந்திருக்க வேண்டும். நிலுவையில் உள்ள கோப்புகளுக்கான பணிகளை
விரைந்து முடிக்க வேண்டும்.

அரசு பணியாளர்கள் வருவதை அறிக்கை தயார் செய்து தினமும் பணியாளர்
மற்றும் நிர்வாக சீர்திருத்த துறைக்கு அனுப்ப வேண்டும் என்று அனைத்து
அலுவலகங்களுக்கும் முதன்மைச் செயலாளர் ஹன்ஸ்ராஜ் வர்மா
உத்தரவிட்டுள்ளார்.

ஏற்கனவே கொரோனா காரணமாக 50 சதவீத ஊழியர்களுடன் அரசு அலுவலகங்கள்
இயங்க தமிழக அரசு உத்தரவிட்டுள்ளது என்பது குறிப்பிடத்தக்கது.
-

**ayyasamy ram** · **ayyasamy ram** Mon Jul 13, 2020 7:51 pm

அரசுக்கு 7 முக்கிய ஆலோசனைகள் வழங்கிய ஸ்டாலின்

மக்களிடம் பணப்புழக்கம் அதிகரிக்க நடவடிக்கை எடுக்க வேண்டும்.

பொருளாதார இழப்பை சமாளிக்க அனைவரின் கையிலும் பணப்புழக்கம்
அதிகரிக்க நடவடிக்கை தேவை.

ஒவ்வொரு குடும்பத்திற்கும் அத்தியாவசிய தேவைகளுக்காக குறைந்தபட்சம்
தலா ரூ.5000 வழங்க வேண்டும்.

பொதுமுடக்க காலத்தில் உற்பத்தியாகும் பொருட்களும், மக்களும் வேறு
இடத்திற்கு செல்வதை முறைப்படுத்த வேண்டும்.

மக்கள் செல்வதற்கும், நடமாடுவதற்கும் சில தளர்வுகளுக்கு உட்பட்டு
அனுமதிக்க வேண்டும்.

சிறு, குறு, நடுத்தர தொழில் நிறுவனங்களுக்கு நிலுவைத் தொகையை
உடனே வழங்க வேண்டும்.

ஊரக வேலைவாய்ப்பு திட்டத்தை ஆண்டுக்கு 250 நாட்களாக உயர்த்த
வேண்டும்.

மூலதனச் செலவினங்களை சுகாதாரத் துறையிலும், தேவையான பிற
சேவைகளிலும் அதிகரிக்க வேண்டும்

போன்ற கருத்துக்களை திமுக தலைவர் மு.க.ஸ்டாலின் தெரிவித்துள்ளார்.

Sponsored content · Sponsored content

செய்தி சுருக்கம் - ஜூலை 13

செய்தி சுருக்கம் - ஜூலை 13

Re: செய்தி சுருக்கம் - ஜூலை 13

Re: செய்தி சுருக்கம் - ஜூலை 13

Re: செய்தி சுருக்கம் - ஜூலை 13

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக