பெண் என்றால் இளக்காரமா?

**ayyasamy ram** · **ayyasamy ram** Mon Jun 29, 2020 7:16 am

தென் அமெரிக்க நாடான பெருவில், லிமா என்ற நகரில்,
லா ரோசா நாடிகா என்ற பிரபலமான ஓட்டல் செயல்பட்டு
வருகிறது; பணக்காரர்களுக்கான ஓட்டல் இது.

இந்த ஓட்டலுக்கு, ஒரு இளம்பெண், தன் காதலருடன் சாப்பிடச்
சென்றார். அங்கு வந்த ஊழியர், இருவருக்கும், ஓட்டலில்
என்னென்ன உணவு வகைகள் உள்ளன என்பதை குறிப்பிடும்,
'மெனு கார்டை' கொடுத்தார்.

இளம் பெண்ணுக்கு கொடுத்த, 'கார்டில்' உணவு பொருட்களின்
விலை குறிப்பிடப்படவில்லை. ஆனால், அவரது காதலருக்கு
கொடுக்கப்பட்டதில், விலை குறிப்பிடப்பட்டிருந்தது.

ஓட்டல் முதலாளியிடம், 'இப்படி வெவ்வேறு, 'கார்டு'களை ஏன்
தருகிறீர்கள்?' என, இளம்பெண் கேட்டார்.

அதற்கு அவர், 'இங்கு ஜோடியாக வருவோரில், ஆண்கள் தான்,
'பில்'லுக்கு பணம் செலுத்துவர். பெண்கள், சாப்பிடுவதுடன் சரி;
பணம் தருவது இல்லை. எனவே, ஜோடியாக வருவோரில்,
பெண்களுக்கு தரும், 'மெனு கார்டில்' விலையை குறிப்பிடுவது
இல்லை...' என, கிண்டலாக பதில் அளித்தார். அந்த பெண்ணுக்கு
அவமானமாகி விட்டது.

பெண்களை அவமதிப்பதாகவும், பாரபட்சம் காட்டுவதுமாகவும்
கூறி, ஓட்டல் நிர்வாகத்துக்கு எதிராக வழக்கு தொடர்ந்தார்.
அந்த இளம் பெண்ணுக்கு, 50 லட்சம் ரூபாய் அபராதமாக
செலுத்தும்படி, ஓட்டல் நிர்வாகத்துக்கு, கோர்ட் உத்தரவிட்டது.
பெண்களை இளக்காரமாக கருதிய ஓட்டல் உரிமையாளர்,
அபராதத்தை செலுத்தி, அழுது புலம்புகிறார்.
-
-----------------------
— ஜோல்னாபையன், வாரமலர்

ranhasan · ranhasan Mon Jun 29, 2020 1:47 pm

சிறப்பு

**T.N.Balasubramanian** · **T.N.Balasubramanian** Mon Jun 29, 2020 5:50 pm

தங்கள் ஆடம்பர செலவுகளை சமாளிக்கவே கல்லூரி /பள்ளி மாணவிகள் ஆண் தோழர்கள் என்ற அணிகலனை வைத்துள்ளனர்.ஆண் தோழர்கள் எல்லோரும் பணக்காரர்களா ?இல்லையே.தாங்கள் பெறும் பாக்கெட் மணிக்கு கணக்கு ஒப்புவிக்கவேண்டிய தருணங்களும் உண்டு.அதை சமாளிக்க சட்ட விரோத சங்கிலி பறிப்பு போன்ற விஷயங்களில் ஈடுபடுகின்றனர்.பெரும்பாலும் பெண்கள் ஆண்கள் செலவழிப்பதையே விரும்புகின்றார்.மேலைநாட்டிலும் சரி கீழை நாடுகளிலும் இந்த *ஒற்றுமையை* காணலாம்.
* ஆண் /பெண் இருவரும் வேலை செய்து சம்பாதிக்கிறவர்கள் என்று இருந்தாலும்* .
ஒரு வேளை மரியாதை நிமித்தமோ.

எது எப்பிடி இருந்தாலும் வழங்கியது சரியான தீர்ப்பே.