ஒருவருக்காக வந்த சிறப்பு விமானம்

**ayyasamy ram** · **ayyasamy ram** Sun Jun 28, 2020 6:02 am

சென்னை:
சிங்கப்பூரில் இருந்து, கோல்கட்டா வழியாக, சென்னைக்கு வந்த
சிறப்பு விமானத்தில், ஒரே ஒரு பயணி மட்டுமே வந்தார்.

மத்திய அரசு, வெளிநாடுகளில் சிக்கித் தவித்து வரும் இந்தியர்களை
அழைத்து வர, சிறப்பு விமானங்களை இயக்கி வருகிறது. அதன்படி,
சிங்கப்பூரில் இருந்து, மேற்கு வங்கம் மாநிலம், கோல்கட்டா வழியாக,
நேற்று முன்தினம் இரவு, 10:30 மணிக்கு, சிறப்பு விமானம் சென்னை
வந்தது.

அந்த விமானம் வந்து நின்றதும், பயணியர் இறங்கிச் செல்ல,
'ஏரோபிரிட்ஜ்' எனப்படும் தானியங்கி நடைமேடை, விமானத்துடன்
இணைக்கப்பட்டு, விமானத்தின் கதவுகள் திறக்கப்பட்டன.

விமான நிலைய அதிகாரிகள், அந்த விமானத்தில் வந்த பயணியரை
வரவேற்க தயாராகினர்.

ஆனால், அந்த விமானத்தில் இருந்து, சென்னையைச் சேர்ந்த, 40 வயது
மதிக்கத்தக்க, ஒரு பயணி மட்டுமே வெளியே வந்தார். இதனால்,
விமான நிலைய அதிகாரிகள் குழப்பத்தில் ஆழ்ந்தனர்.

அந்த நபரிடம் விசாரித்த போது, 'சிங்கப்பூரில் இருந்து, 145 பேர், இந்த
விமானத்தில் பயணித்தோம். கோல்கட்டாவில், 144 பேர் இறங்கி விட்டனர்.
நான் மட்டும் தனியாக, சென்னைக்கு வந்தேன்' என்றார்.

தினமலர்

**T.N.Balasubramanian** · **T.N.Balasubramanian** Sun Jun 28, 2020 11:18 am

அப்பிடியா? சிறிது கஷ்டமாக இருக்கிறது நம்புவதற்கு.!!!

பொதுவாக அயல்நாட்டிலிருந்து வரும் விமானங்களில் பிரயாணம் செய்யும் பிரயாணிகள் தகவல் -பெயர் .பாஸ்போர்ட் விவரங்கள், அந்த பிரயாணிகள் இறங்கும் விமான நிலையத்திற்கு அயல்நாட்டில் இருந்து விமானம் கிளம்பியவுடன் வந்துவிடும்.முன்பெல்லாம் வருகை விமான நிலையங்களில் இந்த தகவல்களை Flight Manifesto என்று வருகை முகப்பில் ஓட்டுவார்கள்.இப்போதும் இருக்கிறதா என்று தெரியவில்லை.
இந்த தகவல்கள் மூலம்தான் அயல்நாட்டில் ஒளிந்துகொண்டு சிறிது காலம் கழித்துவரும் தேடப்படும் குற்றவாளிகளை குறிவைத்து பிடிக்கிறார்கள்.

ஒருவருக்காக வந்த சிறப்பு விமானம்

ஒருவருக்காக வந்த சிறப்பு விமானம்

Re: ஒருவருக்காக வந்த சிறப்பு விமானம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக