கொரோனா தொற்று உலகில் 1 கோடியைத் தாண்டியது: இறந்தோர் எண்ணிக்கை 5 லட்சம்

**ayyasamy ram** · **ayyasamy ram** Sun Jun 28, 2020 6:13 pm

உலக அளவில் கொரோனா வைரஸ் தொற்றியோர் எண்ணிக்கை
1 கோடியைத் தாண்டியுள்ளது. இந்த வைரஸால் இறந்தவர்கள்
எண்ணிக்கையும் கிட்டத்தட்ட 5 லட்சத்தை எட்டியுள்ளது.

188 நாடுகளில் பரவியுள்ள இந்த உலகத் தொற்று சீனாவில்
தொடங்கியிருந்தாலும், இதனால் மோசமாகப் பாதிக்கப்பட்டுள்ள
நாடு அமெரிக்கா.

அந்நாட்டில் 25 லட்சம் பேர் இந்த தொற்றினால் பாதிக்கப்பட்டு,
1 லட்சத்து 25 ஆயிரம் பேர் உயிரிழந்துள்ளனர்.

அடுத்தபடியாக அதிகம் பேருக்கு தொற்று ஏற்பட்டு, அதிகம் பேரை
பலி கொடுத்த நாடு பிரேசில். அங்கு 13 லட்சம் பேருக்கு மேல் இந்த
நோய் தொற்றியிருப்பது கண்டறியப்பட்டுள்ளது.
இவர்களில் 57 ஆயிரம் பேர் உயிரிழந்துள்ளனர்.

ரஷ்யாவில் 6 லட்சத்து 33 ஆயிரம் பேருக்கு தொற்று கண்டறியப்பட்டுள்ளது.
9 ஆயிரத்துக்கு மேற்பட்டோர் இறந்துள்ளனர்.தொற்று எண்ணிக்கை
கண்டறியப்பட்டதன் அடிப்படையில் 4வது இடத்தில் உள்ள இந்தியாவில்
5.28 லட்சம் பேர் தொற்றுக்கு ஆளாகியுள்ளனர். 16 ஆயிரம் பேர்
உயிரிழந்துள்ளனர்.

3.11 லட்சம் பேருக்கு தொற்று கண்டறியப்பட்டுள்ள பிரிட்டனில்
43 ஆயிரத்துக்கு மேற்பட்டோர் உயிரிழந்துள்ளனர்.

வெறும் எண்ணிக்கையை வைத்து எந்த நாடு மோசமாக
பாதிக்கப்பட்டுள்ளது என்பதை சொல்வது கடினம். நாடுகளின் மக்கள்
தொகை, பரிசோதனைகளின் எண்ணிக்கை, தீவிரம் ஆகியவற்றைப்
பொறுத்தே ஒரு நாடு எந்த அளவுக்கு மோசமாகப் பாதிக்கப்பட்டுள்ளது
என்பதைக் கூற இயலும் என்றாலும், பாதிக்கப்பட்ட நாடுகளின் பட்டியல்
அடிப்படையில் முதலில் இருக்கிற ஐந்து நாடுகள் இவைதான்.

நனி- பிபிசி-தமிழ்

கொரோனா தொற்று உலகில் 1 கோடியைத் தாண்டியது: இறந்தோர் எண்ணிக்கை 5 லட்சம்

கொரோனா தொற்று உலகில் 1 கோடியைத் தாண்டியது: இறந்தோர் எண்ணிக்கை 5 லட்சம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக