நெதர்லாந்து சாலையை சுத்தம் செய்யும் காகங்கள்!

**ayyasamy ram** · **ayyasamy ram** Tue Jun 16, 2020 4:00 pm

சிகரெட்களின் நகரம் நெதர்லாந்து.
அங்குள்ள சாலைகளில் அதிக அளவில் சிகரெட்
துண்டுகளை வீசுகின்றனர். இதன் காரணமாக
அங்குள்ள பொது இடங்கள் சிகரெட் குப்பைகளால்
நிரம்பி வழிகிறன்றன.

வருடாவருடம் இந்த சிகரெட் குப்பைகளை அகற்றுவது
மிகவும் கடினமான பணியாக மாறிவிட்டது. இதையடுத்து
அந்த சாலைகளில் கிடக்கும் சிகரெட் குப்பைகளை
அகற்ற காக்கைகளை பணிக்கு அமர்த்தியிருக்கிறது
ஒரு குழு.
-
நெதர்லாந்து சாலையை சுத்தம் செய்யும் காகங்கள்! 13

நெதர்லாந்து சாலையை சுத்தம் செய்யும் காகங்கள்! 13

இந்தப் பணியைச் செய்யும் காக்கைகளுக்குச் சம்பளமாக
சிறிய அளவு உணவும் தரப்படுகிறது. காக்கைகள் மிகவும்
புத்திசாலியான உயிரினம் என்பதால் இந்த வேலைக்கு
அவைகள் அமர்த்தப்பட்டுள்ளன.

தவிர, நெதர்லாந்தில் வருடா வருடம் சிகரெட் புகைப்பவர்களின்
எண்ணிக்கை அதிகரித்துக்கொண்டே செல்வதாக ஒரு
கணக்கெடுப்பு கூறுகின்றது.
-
நெதர்லாந்து சாலையை சுத்தம் செய்யும் காகங்கள்! 13a

நெதர்லாந்து சாலையை சுத்தம் செய்யும் காகங்கள்! 13a

மேலும் சிகரெட் புகைப்பவர்களின் எண்ணிக்கை அதிகம்
ஆவதால் அங்கே குப்பையாக வீசப்படும் சிகரெட் துண்டுகளின்
எண்ணிக்கையும் அதி கரிப்பதாகக் கூறப்படுகிறது. சராசரியாக
ஒரு வருடத்திற்கு 6 பில்லியன் சிகரெட் துண்டுகள் சாலைகளில்
வீசப்படுகின்றன.

இந்த துண்டுகளைச் சுத்தப்படுத்த முடியாமல் அந்த நாட்டு அரசு
தவித்து வருகின்றது.

மேலும் இந்த துண்டுகள் மக்குவதற்கு சராசரியாக
12 ஆண்டுகள் ஆவதாகவும் கூறப்படுகிறது. இந்த நிலையில்
இப்பிரச்சனைக்குத் தீர்வு காண காக்கைகளைத் துணைக்கு
அழைக்க முடிவு செய்தது ‘க்ரோடெட் சிட்டி’ என்ற அமைப்பு.
ரூபன் வான் டெர் மற்றும் பாப் ஸஃபிக்மென் என்ற இரண்டு
பேரால் உருவாக்கப்பட்ட இந்த அமைப்பு நெதர்லாந்தில்
அமைதியாக ஒரு புரட்சியே செய்து கொண்டு இருக்கின்றது.

முதலில் நெதர்லாந்தில் இருக்கும் குறிப்பிட்ட சில காக்கைகள்
மட்டும் தேர்வு செய்யப்பட்டு அவைகளுக்கு பயிற்சி
அளிக்கப்பட்டுள்ளது. சாலையில் கிடக்கும் சிக ரெட்
துண்டுகளை சரியாகக் கண்டறிந்து அதை ஆங்காங்கே
வைக்கப்பட்டிருக்கும் தொட்டிகளில் சரியாகப் போடுவதற்கு
பயிற்சி அளிக்கப்பட்டுள்ளது.

இது சரியாய் வேலை செய்ததை அடுத்து நிறைய
காக்கைகளுக்குப் பயிற்சி அளிக்கப்பட்டுள்ளது.

தற்போது இந்த காக்கைகள் அனைத்தும் சரியாக சிகரெட்
குப்பைகளைத் தொட்டியில் வந்து போடுகின்றன. மேலும்
இந்த திட்டம் குறித்து விளக்குவதற்காக இணையதள பக்கம்
ஒன்று கூட உருவாக்கப்பட்டுள்ளது

.சிகரெட் குப்பைகளை சரியாகக் கொண்டு வந்து போடும்
காக்கைகளுக்கு உணவு வழங்கப்படுகிறது. இந்த சிகரெட்
குப்பைகளை காக்கைகள் அதற்கென்று அமைக்கப்பட்டிருக்கும்
பெட்டியில் மட்டுமே போட வேண்டும்.

அப்போது அந்த பெட்டியில் இருக்கும் சென்சார் அதை சரியாக
சோதனை செய்து உண்மையாகவே அது சிகரெட் துண்டா
என்பதை சோதிக்கும். உண்மையாக சிகரெட் துண்டாக இருந்தால்
அதற்கு சம்பளமாக சிறிதளவு உணவை அது வெளியே அனுப்பும்.

இந்த திட்டம் மிகவும் வெற்றிகரமாக அங்கு செயல்பட்டு
வருகின்றது. சிலர் காக்கைகளை சிறிய அளவிலான காயின்களை
தூக்குவதற்குப் பழக்கப்படுத்தியதை பார்த்தே இந்த யோசனை
வந்ததாக அந்த குழு கூறுகின்றது.
---------------
ஆர்.சந்திரசேகர்
நன்றி-முத்தாரம்

Guest · Guest Tue Jun 16, 2020 9:57 pm

2016 இல் செய்தி வெளிவர,2018 இல் BBC பதிவிட, 2020 இல் முத்தாரம் பதிவிடுகிறது.அங்கிருந்து வர இவ்வளவு நாளாகுமா?

நெதர்லாந்து சாலையை சுத்தம் செய்யும் காகங்கள்!

நெதர்லாந்து சாலையை சுத்தம் செய்யும் காகங்கள்!

Re: நெதர்லாந்து சாலையை சுத்தம் செய்யும் காகங்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக