தாயின் காலடியில் சுவர்க்கம் இருக்கிறது.

by **ayyasamy ram** on Sat Jun 13, 2020 7:50 am

அண்ணல் நபிகளாரின் பொன் மொழிகள் !!!

1. செயல்கள் அனைத்தும் எண்ணங்களை பொறுத்தே
அமைகின்றன.

2. இறைவன் உங்கள் உருவங்களையோ, உங்கள்
செல்வங்களையோ பார்ப்பதில்லை. மாறா...க உங்கள்
உள்ளங்களையும், செயல்களையும் பார்க்கின்றான்.

3.அமானிதத்தை ( அடைக்கலப் பொருளை) பேணிக்
காக்காதவனிடம் ஈமான் இல்லை (நம்பிக்கை இல்லை)
வாக்குறுதியை நிறைவேற்றாதவரிடம் தீன் (இறைநெறி)
இல்லை.

4. உங்கள் வீடுகளில் இறைவனுக்கு மிக விருப்பமானது
அனாதைகளை அரவணைக்கும் வீடேயாகும்.

5. நிதானம் என்பது இறைவனின் தன்மையாகும்.
அவசரம் ஷெய்த்தானின் தன்மையாகும்.

6. உங்களில் நற்குணம் உடையவரே உங்களில் சிறந்தவர்
ஆவார்.

7. எளிமையாக வாழ்வது இறை நம்பிக்கையின்
பாற்பட்டதாகும்.

8. எந்த மனிதனுக்கு ஒரு பெண் குழந்தை பிறந்து, அவன்
அதை அறியாமைக்கால வழக்கப்படி உயிரோடு
புதைக்கவில்லையோ, அதனை இழிவாக கருதவில்லையோ,
அதைக்காட்டிலும் ஆண் குழந்தைகளுக்கு முன் உரிமை
வழங்கவில்லையோ அத்தகையவனை இறைவன் சுவனத்தில்
புகுத்துவான்.

9. இலஞ்சம் வாங்குபவர் மீதும், இலஞ்சம் கொடுப்பவர் மீதும்
இறைவனின் சாபம் உண்டாகட்டும்.

10. கூலியாளின் வியர்வை உலருவதற்கு முன் அவருடைய
கூலியை கொடுத்துவிடுங்கள்.
-
-------------------------------

by **ayyasamy ram** on Sat Jun 13, 2020 7:51 am

11. பதுக்கல் செய்பவன் பாவியாவான்.

12. தாயின் காலடியில் சுவர்க்கம் இருக்கிறது.

13. பெண்களிடம் நல்ல முறையில் நடந்து கொள்ளுங்கள்.

14. தந்தை தன் மக்களுக்கு அளிக்கும் அன்பளிப்புகளில்
மிகச் சிறந்தது அவர்களுக்குஅளித்திடும் நல்ல கல்வியும்,
நல்லோக்கப் பயிற்சியும் ஆகும்.

15. அனைத்தையும் விடச் சிறந்த சேமிப்பு பொருள்கள்
இறைவனை நினைவு கூரும் நாவு, இறைவனுக்கு நன்றி
செலுத்தும் உணர்வால் நிரம்பிய உள்ளம், இறைவழியில்
நடந்திட தன் கணவனுக்கு உதவிடும் இறை நம்பிக்கையுள்ள
நல்ல மனைவி ஆகியனவே.

16. நான் உங்களுக்கு மிகச்சிறந்த தர்மம் ஒன்றை கூறட்டுமா?
அது, தனக்கு பொருளீட்டி உணவளிக்க வேறு யாருமில்லை
என்ற நிலையில் உன் பக்கம் திருப்பி அனுப்பப்பட்ட உன்
மகள் தான்.

17. அநாதையின் தலையை இரக்கத்துடன் தடவுங்கள்.

18. ஏழை எளியவர்களுக்கு உணவளியுங்கள்.

19. இறைவனின் மீதும் மறுமை நாளின் மீதும் நம்பிக்கை
கொண்டவர்கள் தம் விருந்தாளிகளை உபசரிக்கட்டும்.

20. தன் பக்கத்தில் இருக்கும் அண்டை வீட்டார் பசித்திருக்க
தான் மட்டும் வயிறார உண்பவர் ஓர் இறைநம்பிக்கையாளராய்
இருக்க முடியாது.
-
--------------------------
நன்றி
madhanrajs & ஆழ்கடல் களஞ்சியம்

தாயின் காலடியில் சுவர்க்கம் இருக்கிறது.

தாயின் காலடியில் சுவர்க்கம் இருக்கிறது.

Re: தாயின் காலடியில் சுவர்க்கம் இருக்கிறது.