ஜூலை 15க்குள் சென்னையில் கொரோனா பாதிப்பு 1.5 லட்சமாகிவிடும்; அக்டோபரில் பலமடங்கு அதிகரிக்கும் ஆபத்து : எம்.ஜி.ஆர் பல்கலை.விஞ்ஞானிகள் திடுக்கிடும் தகவல்

**ayyasamy ram** · **ayyasamy ram** Thu Jun 04, 2020 3:34 pm

சென்னை:
கொரோனா வைரஸ் பரவல் அக்டோபரில் பலமடங்கு அதிகரிக்கும்
என்று எம்.ஜி.ஆர். பல்கலை.ஆய்வில் தகவல் வெளியாகியுள்ளது.

தமிழகத்தில் நாளுக்கு நாள் கொரோனா பாதிப்பு அதிகரித்து
கொண்ட இருக்கிறது. குறிப்பாக சென்னையில் நாளுக்கு நாள்
கொரோனா தொற்று உறுதி செய்யப்படுபவர்களின் எண்ணிக்கை
அதிகரித்து கொண்டே செல்கிறது.

நேற்று வரை தமிழகத்தில் மட்டும் 25,872 பேருக்கு கொரோனா
தொற்று உறுதி செய்யப்பட்டுள்ளது. குறிப்பாக சென்னையில்
நேற்று வரை 17,598 பேர் பாதிக்கப்பட்டுள்ளனர்.

தமிழகத்தில் நாள்தோறும் 500 என்று இருந்த புதிய கொரோனா
பாதிப்பு தற்போது ஆயிரத்தை தாண்டிவிட்டது.

இந்நிலையில் கொரோனா நிலவரம் குறித்து தற்போதைய பாதிப்பு
வேகம் தொடர்ந்தால் ஜூன் 30-ல் மொத்த கொரோனா பாதிப்பு
1.32 லட்சம் ஆகிவிடும் என எம்.ஜி.ஆர். மருத்துவ பல்கலைக்கழக
விஞ்ஞானிகள் தெரிவித்துள்ளனர்.

ஜூன் மாதத்திற்குள் சென்னையில் மட்டும் பலி எண்ணிக்கை
748 ஆகவும், பாதிக்கப்பட்டோரின் எண்ணிக்கை 71,000 ஆகவும்
உயரும் என்று விஞ்ஞானிகள் கூறியுள்ளனர்.

மேலும் ஜூலை 15ம் தேதிக்குள் சென்னையில் மட்டுமே கொரோனா
தொற்று 1.5 லட்சமாகிவிடும் என்றும் தெரிவித்த நிலையில், அடுத்து
வரும் மாதங்களில் கொரோனா உடனான தமிழக அரசின் போர்
தீவிரமடைந்துவிடும் என்பதையும் குறிப்பிட்டுள்ளனர்.

அதே சமயம் ஊரடங்கு முற்றிலும் தளர்த்தப்பட்டால்,
3.5 கோடி மக்களுக்கு கொரோனா பாதிப்பு ஏற்படும் என்று
விஞ்ஞானிகள் எச்சரித்துள்ளனர்.
-
-------------------------
தினகரன்

சிவனாசான் · சிவனாசான் Thu Jun 04, 2020 7:59 pm

தகப்பனுக்கு கட்டுப்படாத பிள்ளையும் தலைவனுக்கு கட்டுப்படாத தொண்டனும் ஆளும் அரசுக்கு கட்டுப்படாத மக்களும் எதிரிகளுக்கு கொடி தூக்கும் கும்பலும் உள்ளபோது இப்படித்தான் அழிவை தரும். ஐந்தறிவு ஜென்மங்கள் அரசை எதிர்த்து பேசுது பார் ஒருமையிலும் மதிப்பு குறைவாகவும் அவர்களை என்ன வென்று சொல்வது. மாற்றானுக்கும் மதிப்பளிப்பவனே மனிதன் .வெறி நாய்போல் குறைப்பது விவேகமானதல்ல.

**T.N.Balasubramanian** · **T.N.Balasubramanian** Thu Jun 04, 2020 9:03 pm

அரசாங்க பதவி வேண்டும் ஆனால் வேலை செய்யமாட்டார்கள்.
அரசு சம்பளம் தந்தாலும் கிம்பளமும் வேண்டும்.
இலவச மருத்துவம், இலவச உணவு பொருட்கள் வேண்டும்
பொங்கல்/தீபாவளி சமயங்களில் இலவச சாமான்கள் வேண்டும்.
இதை தவிர ஸ்கூட்டர் மானியம் இலவச சைக்கிள் வேண்டும்.

ஆனால் அரசு சொல்லும் விதிமுறைகளை கடைபிடிக்க மாட்டோம்.
விதிகளை மீறுவதில் அரசியல் தலைவர்களின் வாரிசுகள்தான் பெரும்பாலும்.

கொரோன ஏன் உச்சத்தை எட்டாது?
கொரோனாவா பாத்து இவர்கள் திருந்த ஏதாவது செய்தால்தான் உண்டு.

ரமணியன்

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக