ஆர்ப்பாட்டங்களில் பங்கு கொள்ள வேண்டாம்: அன்வார் ஆதரவாளர்களிடம் கூறுகிறார்

**சிவா** · **சிவா** Thu Jan 07, 2010 11:25 pm

கத்தோலிக்க வெளியீடு ஒன்று ‘அல்லாஹ்’ என்னும் சொல்லைப் பயன்படுத்துவதற்கு அனுமதிக்கும் நீதிமன்ற முடிவை எதிர்த்து நாளை நடத்தப்படவிருக்கும் ஆர்ப்பாட்டங்களில் சேர வேண்டாம் என்று பக்காத்தான் ராக்யாட் ஆதரவாளர்களை எதிர்க்கட்சித் தலைவர் அன்வார் இப்ராஹிம் கேட்டுக் கொண்டுள்ளார்.

பக்காத்தான் ஆதரவாளர்களை தாம் நிறுத்தப் போவதில்லை என்று கூறிய அவர் ஆர்ப்பாட்டங்களிலிருந்து ஒதுங்கியிருக்குமாறு அவர்களுக்கு அறிவுரை கூறினார்.

நாளை வெள்ளிக்கிழமை தொழுகைக்குப் பின்னர் நடத்துவதற்கு அரசு சார்பற்ற பல முஸ்லிம் அமைப்புக்கள் திட்டமிட்டுள்ள ஆர்ப்பாட்டங்களுக்கு அனுமதி அளிப்பத்திருப்பதன் மூலம் அரசாங்கம் இரட்டை வேடம் போடுவதாகவும் அவர் சாடினார்.

மற்ற சமயங்கள் ‘அல்லாஹ்’ என்ற வார்த்தையைப் பயன்படுத்துவதற்கு ஆட்சேபம் தெரிவிப்பது தான் நாளை ஆர்ப்பாட்டங்களின் நோக்கமாகும்.

கத்தோலிக்க வெளியீடான ஹெரால்ட் தனது மலாய் மொழிப் பதிப்பில் ‘அல்லாஹ்’ என்ற வார்த்தையைப் பயன்படுத்துவதற்கு அனுமதித்த உயர் நீதிமன்றத் தீர்ப்பு மீது அண்மைய நாட்களில் பல முஸ்லிம் அமைப்புக்கள் கோபத்தை வெளிப்படுத்தியுள்ளன.

அந்தத் தீர்ப்பை நிறுத்தி வைப்பதற்கான ஆனையை உள்துறை அமைச்சர் நேற்று பெற்றுள்ளார்.

அந்த ஆர்ப்பாட்டங்கள் தேசியப் பாதுகாப்புக்கு குந்தகத்தை ஏற்படுத்தினால் மட்டுமே அரசாங்கம் நடவடிக்கை எடுக்கும் என்று கூறியிருப்பதன் மூலம் பிரதமர் நஜிப் அப்துல் ரசாக்கும், உள்துறை அமைச்சர் ஹிஷாமுடின் ஹுசேனும் மறைமுகமான அங்கீகாரத்தை அளித்துள்ளனர்.

இதனிடையே அல்லாஹ் என்ற சொல்லை கிறிஸ்துவர்கள் பயன்படுத்துவது ஏற்றுக் கொள்ளக் கூடியது என்று கூறியிருப்பதின் மூலம் அன்வார் , பிகேஆர் கட்சியின் நிலையை பிரதிபலித்துள்ளார்.

**சிவா** · **சிவா** Thu Jan 07, 2010 11:26 pm

அல்லாஹ் விவகாரம்: ஆர்ப்பாட்டம் இல்லை, சிலாங்கூர் அம்னோ

ஆர்ப்பாட்டங்களில் பங்கு கொள்ள வேண்டாம்: அன்வார் ஆதரவாளர்களிடம் கூறுகிறார் Umnosel

அல்லாஹ் விவாகாரம் சம்பந்தமாக ஆர்ப்பாட்டம் செய்யும் தனது திட்டத்தை மாற்றிக்கொண்டு சிலாங்கூர் அம்னோ சிலாங்கூர் சுல்தானிடம் மனு ஒன்றை வழங்க தீர்மானித்தது.

இன்று மதியம் சிலாங்கூர் அம்னோ சமய குழுவின் தலைவர் இஸ்மாயில் கிஜோ அந்த மனுவை ஷா அலாம் இஸ்தானாவில் சுல்தானின் உதவியாளர் கமாண்டர் அமட் ரமலி கார்டியிடம் வழங்கினார். சுமார் 20 போலீஸ்காரர்கள் அதனைக் கவனித்துக்கொண்டிருந்தனர்.

அத்துடன் மேலும் இரு மனுக்களும் கொடுக்கப்பட்டன. பெர்காசா மற்றும் மஜ்லிஸ் காபுங்ஆன் சுக்கரிலா ஆகிய அரசு சார்பற்ற அமைப்புகள் வழங்கிய மனுக்களில் இவ்விவகாரத்தைச் சுல்தான் ஆட்சியாளர்கள் மாநாட்டில் எழுப்ப வேண்டும் என்று கோரியுள்ளன.

காலிட் சமாட் அகற்றப்பட வேண்டும்

அங்கு குழுயிருந்த சுமார் 100 அம்னோ உறுப்பினர்கள் பாஸ் கட்சியின் ஷா அலாம் நாடாளுமன்ற உறுப்பினர் காலிட் சமாட் அல்லாஹ் என்ற சொல்லை முஸ்லிம் அல்லாதவர்கள் பயன்படுத்துவதற்கான உரிமையைத் தற்காத்து பேசியிருப்பதால் அவரை சிலாங்கூரிலிருந்து தூக்கிஎறிய வேண்டும் என்று கோரினர்.

அக்கூட்டத்தில் பேசிய சிலாங்கூர் அம்னோ சமய குழுவின் துணைத் தலைவர் ஜைனால் அபிடி “அம்முடிவை முஸ்லிம்கள் ஏற்றுக்கொண்டால் ( முஸ்லிம் அல்லாதவர்கள் அல்லாஹ் என்ற சொல்லைப் பாவிக்கலாம்), அது அல்லாவின் அந்தஸ்து தாழ்த்தப்பட்டிருப்பதைக் காட்டுகிறது”, என்று கூறினார்.

ஆர்ப்பாட்டங்களில் பங்கு கொள்ள வேண்டாம்: அன்வார் ஆதரவாளர்களிடம் கூறுகிறார்

ஆர்ப்பாட்டங்களில் பங்கு கொள்ள வேண்டாம்: அன்வார் ஆதரவாளர்களிடம் கூறுகிறார்

Re: ஆர்ப்பாட்டங்களில் பங்கு கொள்ள வேண்டாம்: அன்வார் ஆதரவாளர்களிடம் கூறுகிறார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக