அடப் பாவமே !

**T.N.Balasubramanian** · **T.N.Balasubramanian** Sun May 17, 2020 6:57 pm

தமிழக முதல்வர் பழனிசாமிக்கு,

அடப் பாவமே ! E_1589693490

நான் ஒரு மாற்றுத்திறனாளி. இரண்டு ஆண்டுகளுக்கு முன்னாடி வரைக்கும் நான் நல்லாத்தான் இருந்தேன். கணவருக்கு கூலி வேலை. வருமானத்துக்காக நான் மாவு மில்லு வேலைக்கு போக ஆரம்பிச்சேன். 2018 செப்டம்பர் 29ம் தேதி பணியில இருந்தப்போ ஒரு விபத்து; இயந்திரத்துக்குள்ளே என் வலது கை சிக்கி துண்டாகிடுச்சு.

சிகிச்சைக்கான தாமதத்தால, 'அறுவை சிகிச்சை மூலமா கையை பொருத்த வாய்ப்பில்லை'ன்னு சொல்லிட்டாங்க. அரசு சான்றிதழ் அடிப்படையில, நான் இப்போ 80 சதவீதம் மாற்றுத்திறனாளி. ஆலை நிர்வாகம் எந்த இழப்பீடும் தரலை. மாற்றுத்திறனாளிகள் உதவித்தொகை கேட்டு கோவில்பட்டி தாலுகா அலுவலகத்துல விண்ணப்பிச்சேன். 60 கி.மீ., துாரத்துல இருக்குற துாத்துக்குடி ஆட்சியர் அலுவலகத்துக்கு, மூணு தடவை போயிட்டு வந்துட்டேன்.

கடைசியா, கடந்த மார்ச் 9ம் தேதி குறைதீர்க்கும் கூட்டத்துல மனு கொடுத்தப்போ, 'நிதி இல்லை; வந்தவுடனே தர்றோம்'னு சொல்லிட்டாங்க. இந்த சூழல்ல நவீன செயற்கை கை பொருத்தவும் பதிவு செஞ்சிருக்கேன். ஊரடங்கு காலத்துலேயும் அரசு ஊழியர்களுக்கு தடையில்லாம ஊதியம் தர்ற நீங்க, இந்த ஏழையோட சிரமத்தை புரிஞ்சுக்குவீங்களா?

- மாற்றுத்திறனாளி உதவித்தொகைக்காக தவிக்கும் 25 வயது மகேஸ்வரி, கெச்சிலாபுரம், கோவில்பட்டி, துாத்துக்குடி.

நன்றி தினமலர்

ரமணியன்

**ayyasamy ram** · **ayyasamy ram** Sun May 17, 2020 7:38 pm

அரசு அலுவலகங்களில் சான்று பெற கால தாமதம் ஆனால்
அது குறித்து முதலமைச்சர் தனிப்பிரிவுக்கு மனு செய்யலாம்.
-
மாநில வள ஆதாரப் பயிற்சி மையம் மற்றும் மாவட்டத்
தலைநகரங்களில் உள்ள மாற்றுத்திறனாளிகளுக்கான
அலுவலகங்களைத் தொடர்பு கொள்ளலாம்.

மாற்றுத்திறனாளிகளுக்கான மாநில ஆணையர்,
ஜவகர்லால் நேரு இன்னர் ரிங்க் ரோடு, கே.கே. நகர்,
சென்னை - 600 078, தொலைபேசி எண்: 044-24719942

‌* சென்னை: மாவட்ட மாற்றுத்திறனாளிகள் நல அலுவலக
முகவரி சென்னை -ஃபாரஸ்ட் ஆபீஸ் பில்டிங்,
டி.எம்.எஸ். காம்பவுண்டு, சென்னை - 600 006 தொலைபேசி
எண் 044-24315758
-
மாவட்டங்களில் உள்ள மாவட்ட ஆட்சியர் அலுவலக
வளாகத்திலேயே மாற்றுத்திறனாளிகள் நல அலுவலகம்
அமைந்துள்ளன.

மேலும் விவரங்களுக்கு மேற்கூறிய முகவரிகளில் அவரவர்
மாவட்டத்தில் உள்ள மாற்றுத்திறனாளிகள் நல அலுவலகத்தை
அணுகலாம்.

இதுதவிர மாற்றுத்திறனாளிகளுக்கான தகவல் மையத்தையும்
தொடர்பு கொண்டு தங்கள் சந்தேகங்களை கேட்டறியலாம்.

தொலைபேசி எண்: 044-24719942, 24719943

இலவச தொலைபேசி எண்:18004250111
---
நன்றி- ஆனந்த விகனில் வந்த கட்டுரை
--------------------------------
-
செய்தியை வெளியிட்டவர்கள் கொஞ்சம் மெனக்கெட்டு
சம்மந்தப்பட்ட அலுவர்களை தொலைபேசியில் தொடர்பு
கொண்டு , சான்று வழங்க தாமதம் ஆகும் காரணத்தை
அறிந்து அந்த பெண்ணுக்கு உதவி செய்திருக்கலாம்
-

**T.N.Balasubramanian** · **T.N.Balasubramanian** Sun May 17, 2020 8:08 pm

செய்தியை வெளியிட்டவர்கள் கொஞ்சம் மெனக்கெட்டு
சம்மந்தப்பட்ட அலுவர்களை தொலைபேசியில் தொடர்பு
கொண்டு , சான்று வழங்க தாமதம் ஆகும் காரணத்தை
அறிந்து அந்த பெண்ணுக்கு உதவி செய்திருக்கலாம்

அருமையான தகவல் /முகவரி தந்துள்ளீர் ராம்

தினமலர் நிருபர் தந்த முக்கிய செய்தியுடன் (செய்திக்கு நன்றி) ராம் கூறியபடி மேற்கொண்டு அவரே அந்த மாற்று திறனாளிக்கு உதவிகள் செய்திருந்தால் அவருக்கு அன்பு மலர்