மழை -அய்யாசாமி ராம் சார் பதிவு

Guest · Guest Tue May 12, 2020 2:00 pm

காற்றிலே மிதக்கும்மேகம்
கால்கொண்டு நடத்தல் மழை!
-
விண்ணுக்கும் மண்ணுக்குமாய்
விசுவரூப மெடுத்த
வெள்ளிக் கம்பிகள்!

பூமி செழித்திடப்
புனலை வார்க்கும்
அமுத சுரபி!
-
அது என்ன…
அறிவிப்பா…ஆடம்பரமா…

நீ –
பூமியை நோக்கிப்
புறப்படும் போதெல்லாம்
இடியுடம் மின்னல் காட்டி
ஏகமாய்க் கலக்குகின்றாய்!
-
உன்னைப் போலத்தான்
எங்கள் தலைவர்களும்
வண்ண விளக்கென்றும்
வாண வெடியென்றும்
தங்கள் வரவைத்
தம்பட்டம் அடிப்பதில்
உன்னைப் போலத்தான்
எங்கள் தலைவர்களும்!
-
பலதுளி பெருவெள்ளம்
நீ-
பகன்றிடும் தத்துவம்!
-
தூறலில் பிறந்த துளியே,
நீ –
அருவியாய்ச் சிரித்தால்
ஆனந்த சிரிப்பு!
ஆறென நடந்தால்
ஊரெல்லாம் செழிப்பு!
-
மண்ணில் உயிர்கள்
மகிழ்வுடன் வாழப்
புண்ணிய மழையே
பொழிவாய்…அளவாய்…!
-
===============================
>கவித்தென்றல் கி.இராமசாமி
யுகங்களைக் கடந்து…(கவிதைகள்)

(நன்றி -எடுத்துத் தந்த -சிவா ஈகரை)

**ayyasamy ram** · **ayyasamy ram** Tue May 12, 2020 2:15 pm

மழையை ரசித்த தருணங்களை நினைவு கூற வைத்த
சக்தி-க்கு ... மழை -அய்யாசாமி ராம் சார் பதிவு 1571444738

-

மழை -அய்யாசாமி ராம் சார் பதிவு V-kavithai

**ayyasamy ram** · **ayyasamy ram** Tue May 12, 2020 3:29 pm

குழந்தைப் பாடல்கள்/மழை
---
பேயுதம்மா பேயுதம்மா
பேயாய் மழை பேயுது

ஊசி போல மின்னி மின்னி
ஊரெல்லாம் பேயுது

பாசி போல மின்னி மின்னி
பட்டணம் எல்லாம் பேயுது

ஈசுவரன் கிருபையாலே
எங்கெங்கும் பேயுது

மாயவன் கிருபையாலே
வந்து மழை பேயுது

பாடல் -2
மழை வருது மழை வருது
நெல்லு அள்ளுங்க

முக்காப்படி அரிசி போட்டு
முறுக்கு சுடுங்க

ஏரோட்டும் மாமனுக்கு
எண்ணி வையுங்க

சும்மா இருக்குற மாமனுக்கு
சூடு வையுங்க
-
---------------
நன்றி
ta.wikibooks.org/

**ayyasamy ram** · **ayyasamy ram** Tue May 12, 2020 3:37 pm

மழை -அய்யாசாமி ராம் சார் பதிவு Adadaa-mazhai

-

சினிமா பாட்டில் மழை
-
அடடா மழைடா...

யுவன் ஷங்கர் ராஜாவின் அடடா மழைடா பாடலும்
மழையின் கொண்டாட்ட உணர்வை ஏற்படுத்தக்கூடியதுதான்.

பாசமாக பக்கத்தில் உட்கார்ந்து கணக்கு சொல்லி கொடுக்கும்
மூன்றாம் வகுப்பு டீச்சரைப் போல், மிக எளிமையான
வரிகளையே கையாண்டிருப்பார் நா.முத்துக்குமார்.

தமன்னாவை பிக்கப் செய்ய வேண்டுமென்ற நோக்கில்
கார்த்தி காரில் பிக்கப் செய்து போகும்போது இருவரையும்
மழை ஒன்றிணைப்பதால் அவர் மழைக்கு நன்றி சொல்வதைப்
போல பாடல் அமைந்திருக்கும்.

" பின்னி பின்னி மழையடிக்க..
மின்னல் வந்து குடை பிடிக்க
வானம் ரெண்டாச்சு
பூமி துண்டாச்சு
என் மூச்சு காத்தால
மழ கூட சூடாச்சு"

போன்ற வரிகள் மூலம் மழை மற்றும் காதலின் பி
ரம்மாண்டத்தை கையாண்டிருப்பார் நா.முத்துக்குமார்.

வழக்கம்போல யுவன் முத்துக்குமார் மேஜிக்கில்
கலக்கிய பாடல்.
-
---------------------------
நன்றி- தமிழ்.பில்மிபீட்