சீனாவும் அமெரிக்காவும் பகையை மறக்க இத்தனை ஆண்டுகள் ஆகுமாம்

வாஷிங்டன்:

கொரோனா வைரஸ் தாக்கத்தை அடுத்து சீனா-அமெரிக்கா
நாடுகள் இடையே மோதல் போக்கு அதிகரித்து வருகிறது.
இந்நிலையில் இரு நாடுகளின் வர்த்தக உறவுகளும் மேம்பட
இன்னும் பல வருட காலம் ஆகும் என பொருளாதார
நிபுணர்கள் கூறுகின்றனர்.

முன்னதாக சீனா, அமெரிக்கப் பொருளாதாரத்தை முடக்க,
வேண்டுமென்றே கொரோனா வைரஸை பரப்பியது என
அமெரிக்க அதிபர் டிரம்ப் மற்றும் மாநில செயலாலர்
மைக் பாம்பியோ ஆகியோர் குற்றஞ்சாட்டி இருந்தனர்.

இதனையடுத்து அமெரிக்கா தனது ராணுவப்படை வீரர்கள்
மூலமாக சீனாவில் கொரோனாவைப் பரப்பியது என சீனாவும்
குற்றஞ்சாட்டியது. இதேபோல இரு நாடுகளும் மாற்றி மாற்றி
குற்றஞ்சாட்டிக்கொண்டிருக்க, எங்கே இவர்கள் இடையே
மூன்றாவது உலகப் போர் மூண்டுவிடுமோ என மற்ற நாடுகள்
அஞ்சின.

கடந்த ஆண்டு துவங்கியே சீனாவுக்கும் அமெரிக்காவுக்கும்
வர்த்தகத் தகராறு ஏற்பட்டது அனைவரும் அறிந்ததே.
இரு நாடுகளும் தங்கள் எதிரி நாட்டு பொருட்களுக்கு வரி
விதிப்பை அதிகப்படுத்தியது.

அமெரிக்காவுடனான உறவு நிரந்தரமாக முறிந்துவிட்டது என
சீன அதிபர் ஜி ஜிங் பிங் தெரிவித்தார். கொரோனா தாக்கம் அ
மெரிக்காவில் இருந்து நீங்க கிட்டத்தட்ட இரண்டு ஆண்டுகள்
பிடிக்கும் என வைராலஜி விஞ்ஞானிகள் தெரிவிக்கின்றனர்.

இந்நிலையில் கொரோனா தாக்கத்தில் இருந்து மீண்ட
அமெரிக்கா, அடிபட்ட சிங்கம்போல சீனாவைப் பழிவாங்கக்
காத்திருக்கும்.

சீனா மீது பொருளாதாரத் தடை கொண்டுவர கடும் முயற்சிகளை
மேற்கொள்ளும். மேலும் சீன நிறுவனங்கள் அமெரிக்காவில்
கிளைகள் திறக்க அனுமதி மறுக்கும். அமெரிக்காவின் நட்பு
நாடுகளை சீனாவுடன் வர்த்தகத்தை துண்டிக்க வலியுறுத்தும்.

மேலும் உலக வங்கியில் இருந்து சீனா கடன்பெறத் தடையாக
இருக்கும். சீனா தொடுத்த உயிரியல் போருக்கு பதிலடியாக
அமெரிக்கா, சீனா மீது வர்த்தகப் போர் தொடுக்கும் என
பொருளாதார வல்லுனர்கள் தெரிவிக்கின்றனர்.

இந்த பிரச்னையெல்லாம் முடிந்து சீனாவும் அமெரிக்காவும்
இணைந்து தொழிகளில் ஈடுபட வாய்ப்புள்ளதா எனக் கேட்டால்
அதற்கு குறைந்தது 10 ஆண்டுகளாவது ஆகும் எனப்படுகிறது.
பொறுத்திருந்து பார்ப்போம். அனைத்துக்கும் காலமே பதில்
சொல்லும்.
-
------------------
தினமலர்