பணம் அனைத்தையும் ஆட்டி வைக்கும். ..!!

**ayyasamy ram** · **ayyasamy ram** Mon May 04, 2020 1:09 pm

பணம் அனைத்தையும் ஆட்டி வைக்கும்.
எதுவும் அதன் முன் வாலாட்ட முடியாது என்பதை
பராசக்தி திரைப்படத்தில் ஆர்.சுதர்சனம்
இசையில் உடுமலை நாராயணகவி எழுதினார்.

தேசம் ஞானம் கல்வி ஈசன் பூசை எல்லாம்
காசு முன் செல்லாதடி குதம்பாய் காசு முன் செல்லாதடி
ஈசனும் ஈசனார் பூசையும் தேசத்தில்
காசுக்குப் பின்னாலே குதம்பாய் காசுக்குப் பின்னாலே

அப்படி பணத்தின் திறமையைச் சொல்லும் போது
“ஆரியக் கூத்தாடினாலும் தாண்டவக்கோனே காசு பணம்
காரியத்தில் கண்ணாய் இருக்கனும்”
என்று நமக்கெல்லாம்
அறிவுரையும் சொல்கிறார் உடுமலை நாராயணகவி.

சிதம்பரம் சி.எஸ்.ஜெயராமன் இந்தப் பாடலை மிக
அருமையாகப் பாடியிருக்கிறார்.

இப்படி ஆரியக் கூத்தோ காரியக் கூத்தோ ஆடிச் சம்பாதிக்கும்
பணம் எப்படியெல்லாம் செலவாகிறது என்பது தெரியாமலேயே
செல்வாகிவிடும்.

இன்றுதான் வங்கிக் கணக்கில் சம்பளம் வந்தது போல இருக்கும்.
சில நாட்களிலேயே பழைய நிலைதான். இதையும் பாட்டில்
சொல்ல பட்டுக்கோட்டை கல்யாணசுந்தரத்துக்கு
எஸ்.வி.வெங்கட்ராமன் இசையில் வாய்ப்பளித்தது இரும்புத்திரை
திரைப்படம்.

பாடலுக்குக் குரலால் உயிர் கொடுத்தவர் திருச்சி லோகனாதன்.

கையில வாங்கினேன்
பையில போடல
காசு போன எடம் தெரியல்லே
என் காதலி பாப்பா காரணம் கேப்பா
ஏது சொல்லுவதென்றும் புரியல்லே
ஏழைக்கு காலம் சரியில்லே

இப்படியான நிலையில் பணம் இருப்பவனைத்தான் உலகம்
மதிக்கிறது. அவனே வல்லான். அவன் வகுத்ததே வாய்க்கால்.
எவ்வளவு நல்ல குணமுடையவனாக இருந்தாலும் பணத்தைப்
பார்த்துதான் உற்றாரும் ஊராரும் மதிப்பார்கள் என்பதை
கா.மு.ஷெரிப் ஒரு பாடலில் அழகாகக் காட்டியிருப்பார்.

பணம் பந்தியிலே என்ற திரைப்படத்தில் கே.வி.மகாதேவன்
இசையில் சீர்காழி கோவிந்தராஜன் பாடிய பாடலது.

பணம் பந்தியிலே குணம் குப்பையிலே
அதைப் பார்த்து அறிந்து நடக்காதவன் மனிதனில்லே
-

நன்றி- ஜிரா( நாலு வரி நோட்டு)

**ayyasamy ram** · **ayyasamy ram** Mon May 04, 2020 1:11 pm

**Dr.S.Soundarapandian** · **Dr.S.Soundarapandian** Mon May 04, 2020 1:23 pm

ஈசனும் ஈசனார் பூசையும் தேசத்தில்
காசுக்குப் பின்னாலே குதம்பாய் காசுக்குப் பின்னாலே!
- சரிதான்!
இப்போ-
ஈசனும் ஈசனார் பூசையும் தேசத்தில்
கொரோனாவுக்குப் பின்னாலே குதம்பாய் கொரோனாவுக்குப் பின்னாலே!

இந்த பதிவைத் துவங்கியவர் நன்றி கூறியுள்ளார் Dr.S.Soundarapandian

Sponsored content · Sponsored content

பணம் அனைத்தையும் ஆட்டி வைக்கும். ..!!

பணம் அனைத்தையும் ஆட்டி வைக்கும். ..!!

Re: பணம் அனைத்தையும் ஆட்டி வைக்கும். ..!!

Re: பணம் அனைத்தையும் ஆட்டி வைக்கும். ..!!

Re: பணம் அனைத்தையும் ஆட்டி வைக்கும். ..!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக