`நானன்றி யார் வருவார்’ – ஏ.பி.கோமளா

-
1940-களின் இறுதியில் ஆரம்பித்து 1970-களின் ஆரம்பம் வரை
கோமளாவின் பெண்மை பொங்கும் குரல் தமிழ், தெலுங்கு,
மலையாளம், கன்னடம் எனத் தென்னந்திய ரசிகர்களின்
காதுகளைச் சொக்க வைத்திருக்கிறது.

பழைய ‘உத்தமப்புத்திரன்’ படத்தில் நடிகர் சிவாஜி நடித்த
‘ஹா… யாரடி நீ மோகினி’ பாடல் நினைவிருக்கிறதா? ‘அந்தப்
பாட்டை மறக்க முடியுமா’ என்பவர்களுக்கு, அந்தப் பாட்டில்
‘விந்தையான வேதனை; வீராவேசம் ஆகுமா…’ எனத் தன்
குரலிலேயே மான்குட்டி துள்ளலை நம் காதுகளுக்குள் கடத்திய
அந்தப் பின்னணிப் பாடகி ஏ.பி.கோமளாவை நினைவிருக்கிறதா?

1940-களின் இறுதியில் ஆரம்பித்து 1970-களின் ஆரம்பம் வரை
கோமளாவின் பெண்மை பொங்கும் அந்தக் குரல் தமிழ்,
தெலுங்கு, மலையாளம், கன்னடம் எனத் தென்னந்திய ரசிகர்களின்
காதுகளைச் சொக்க வைத்திருக்கிறது.
-

-
A.P. Komala in her young age
‘மாலையிட்ட மங்கை’ படத்தில் ‘நானன்றி யார் வருவார்’
என்றொரு டூயட். டி.ஆர்.மகாலிங்கமும் ஏ.பி.கோமளமும்
பாடியிருப்பார்கள்.

வழக்கமாக மேல் ஸ்தாயியில் ஜஸ்ட் லைக் சஞ்சாரம் செய்கிற
மகாலிங்கம் அந்தப் பாடலில் ‘நானன்றி யார் வருவார்’ எனக்
கீழ் ஸ்தாயியில் கொஞ்ச, கோமளாவோ ‘ஏனில்லை’ என மேல்
ஸ்தாயியில், தன் குரலில் காதல் குழைத்து மிரட்டியிருப்பார்.

‘ராஜராஜனில்’, ‘நிலவோடு வான்முகில் விளையாடுதே’,
‘நான் பெற்ற செல்வ’த்தில் ‘மாதா பிதா குரு தெய்வம்’,
‘தூக்குத் தூக்கி’யில் ‘சுந்தரி செளந்தரி நிரந்தரியே’ எனக்
கோமளாவின் குரலால் புகழ் கொண்ட பாடல்கள் தமிழ்த்
திரையுலகில் எக்கச்சக்கம்.

நன்றி-விகடன்

“நானன்றி யார் வருவார் அன்பே நானன்றி யார் வருவார்
-
படம்- மாலையிட்ட மங்கை
பாடல் – கண்ணதாசன்
இசை – விஸ்வநாதன் – ராமமூர்த்தி
பாடியவர்கள் – டி.ஆர்.மகாலிங்கம் & ஏ.பி.கோமளா

மாலையிட்ட மங்கை
கவியரசர் கண்ணதாசன் சொந்தத் தயாரிப்பு .
வழக்கம்போல் இதில் இவர் கவியில் விளையாட வெறும்
கற்பனை அழகு மட்டுமல்ல , தரமான இலக்கிய ரசனையும்
இதில் இடம்பெற்றுள்ள ஒரு பாடல் :-

புதுமணத் தம்பதியர்… கணவனுக்கு புது மனைவியை
சீண்டிப்பார்க்கும் நினைவு…

டி .ஆர். மகாலிங்கம், எ .பி. கோமளா ….பாடும் பாடல்….
மெல்லிசை மன்னர்களின் இசைக் கோர்வையில்
அமர்க்களமாக ….

“நானன்றி யார் வருவார்
அன்பே நானன்றி யார் வருவார்
இளநங்கை உன்னை வேறு யார் தொடுவார்
நானன்றி யார் வருவார்
அன்பே நானன்றி யார் வருவார்>>”

“ஏன் இல்லை?..”
இது மனைவி …சீண்டும் வகையிலேயே பதில்…
ஆனால் இலக்கிய ரசனையில்…கிளையை வைத்து பாடுகின்றனர்…
…..
ஏன் இல்லை இன்றொருவர் அருகில் வந்தார்
ஏன் இல்லை இன்றொருவர் அருகில் வந்தார்
முத்தம் எனக்கே என்றார்
கொண்டார் தந்தார்
பேசாமல் பேசுகின்றார்
வண்ணம் பாடாமல் பாடுகின்றார்…”

மறுபடியும் கணவன் விடவில்லை…
தொடர்ந்து கேள்விக்கணைகளை அடுக்குகிறார்..
அண்மைய கம்பீரம் குறையாமல் இதமாகப் பாடும்
அழகு தனிச் சுவைத்தான்…

“வண்ண பாவை உந்தன்
இதழ் கோவை தன்னில்
இந்த காயம் என்ன
வந்த மாயம் என்ன?’
அவளோ . அதே கொண்ட பிடி விடாமல் …

“கூண்டுக்கிளி எடுத்து கொஞ்சினேன்
இதழ் கோவை என நினைத்து கொண்டதோ
கூண்டுக்கிளி எடுத்து கொஞ்சினேன்
இதழ் கோவை என நினைத்து கொண்டதோ
முத்தம் தந்ததோ
சொந்தம் கொண்டதோ
இன்னும் சந்தேகமா…?

கண்ணே
கண்ணா
மாதென்னை யார் தொடுவார்
எந்தன் மன்னன் உமையன்றி யார் வருவார்
மாதென்னை யார் தொடுவார்…’
இனி ராசியாகி …

“கன்னி மாலை கண்டும்
இன்ப சோலை வந்தும்
இன்னும் கோபம் என்ன
மின்னும் நாணம் என்ன
நாண கணை பிறந்த உள்ளமே
அதில் ஆசை மடை கடந்த வெள்ளமே
இந்த நெஞ்சமே எந்தன் சொந்தமே
இன்பம் பண்பாடுவோம்..
கண்ணே…”

“கண்ணா
நாமன்றி யார் அறிவார்
அன்பே நாமன்றி யார் அறிவார்
இன்ப நலம் நாடும்
மனை இன்பம் யார் பெறுவார்

நாமன்றி யார் அறிவார்..”

ஏ.பி. கோமளா அம்மா அவர்களின் குரல் இனிமை, இளமை, அருமை ஐயா சார். பாடலை என்றும் கேட்கலாம், அன்றும் அருமை என்றும் அற்புதம்.  இது போன்ற பாடல்களை நீங்கள் அன்று  வேறு யார் தருவார்.   நன்றி ஐயா சார்.