கஞ்சன்…

ayyasamy ram wrote:
ஒரு பணக்காரக் கஞ்சனின் வேலைக்காரன் ஒரு
மருந்துக் கடைக்கு வந்து கடைக்காரரிடம் சொன்னான்

,”அய்யா,எங்கள் முதலாளி ஏதோ வருத்தத்தில்
இருக்கிறார்.என்னிடம் பத்து ரூபாயைக் கொடுத்து
ஏதாவது விஷம் வாங்கி வரச் சொன்னார் .எனக்கு
பயமாக இருக்கிறது.”

அவனது முதலாளியை ஏற்கனவே அறிந்திருந்த கடைக்காரர்
,”தம்பி,நீ கவலைப் படாதே,உங்கள் முதலாளியிடம் போய்
இப்போது விசத்தின் விலை பதினோரு ரூபாய் என்று சொல்.
அவன் வேண்டாம் என்று சொல்லிவிடுவான்,”என்றார்.

இந்த பதிவைத் துவங்கியவர் நன்றி கூறியுள்ளார் krishnaamma

ayyasamy ram wrote:செருப்பு திருடியதாக ஒருவன் நீதி மன்றத்தில் நிறுத்தப்பட்டான்.
நீதிபதி அவனுடைய விளக்கத்தைக் கேட்டார்.

அவன் சொன்னான்,”அய்யா,இந்த செருப்பை என் முதலாளி
எனக்குத் தந்தார்.நான் திருடவில்லை.”

அவன் முதலாளி ஊரறிந்த மகாக் கஞ்சன்.

நீதிபதிக்கும் அந்தக் கஞ்சனைப் பற்றி தெரியும்.எனவே அவர்
இவ்வாறு தீர்ப்பு கூறினார்

,”செருப்பு திருடியதற்கு ஆறு மாதம் சிறைவாசம்

.பொய் சொன்னதற்கு ஆறு மாதம் சிறைவாசம்.”

இந்த பதிவைத் துவங்கியவர் நன்றி கூறியுள்ளார் krishnaamma

ayyasamy ram wrote:ஒரு குடும்பத்தில் அண்ணன் தம்பி இருவருமே கஞ்சர்கள்.
அவர்களுக்குள் ஏற்பட்ட பிரச்சினையில் சொல்லாமல்
கொள்ளாமல் தம்பி எங்கோ ஓடி விட்டான்.

பல ஆண்டுகளுக்குப் பின் தான் திரும்ப வருவதாக
அண்ணனுக்கு தந்தி கொடுத்திருந்தான்.அவனை
வரவேற்க அண்ணன் ரயில் நிலையத்திற்கே வந்து
விட்டான்.

தம்பி வந்ததும் அவனை ஆரத்தழுவி ”தம்பி,நலமாக
இருக்கிறாயா?”என்று கேட்டுவிட்டு,
”ஆமாம் ,ஏன் இவ்வளவு நீண்ட தாடியுடன் இருக்கிறாய்?
இங்கிருந்து போனதிலிருந்து நீ முக சவரம் செய்தது
மாதிரி தெரியவில்லையே!”என்று அன்புடன் கேட்டான்.

தம்பி சற்றே வருத்தத்துடன்,”நீ தான் நான் அடிக்கடி
முக சவரம் செய்து காசை விரயம் செய்கிறேன் என்று
சொல்லி நம் இருவருக்கும் பொதுவான ஷேவிங்
சேட்டை ஒளித்து வைத்து விட்டாயே!”என்றானே
பார்க்கலாம்!
----
படித்ததில் பிடித்தது

இந்த பதிவைத் துவங்கியவர் நன்றி கூறியுள்ளார் krishnaamma