சென்னையில் அறிகுறி இல்லாமல் கொரோனா பரவும் அபாயம்

சென்னை :
சென்னையில், கொரோனா தொற்று தடுப்பு நடவடிக்கைக்காக,
6.50 லட்சம் ரூபாய் மதிப்பில், 'பேட்டரி'யில் இயங்கும், 100 கிருமி நாசினி
தெளிப்பு இயந்திரங்களை, அந்தந்த மண்டலங்களுக்கு, மாநகராட்சி
கமிஷனர் பிரகாஷ் வழங்கினார்.அதன்பின், கமிஷனர் அளித்த பேட்டி:

சென்னையில், தண்டையார்பேட்டை, ராயபுரம், திரு.வி.க.நகர்,
அண்ணா நகர், தேனாம்பேட்டை, கோடம்பாக்கம் மண்டலங்களில்
கொரோனா பாதிப்பு உள்ளது. இதில், தண்டையார்பேட்டை, ராயபுரம்,
திரு.வி.க.நகர் மண்டலங்களில் பாதிப்பு தீவிரமாக உள்ளது.

இந்த ஆறு மண்டலங் களில், 1.75 லட்சம் மக்கள் தனிமைப்படுத்தப்பட்டு
உள்ளனர். அதனால், கொரோனாவை கட்டுப்படுத்துவது சவாலாக உள்ளது.
பாதிப்பு ஏற்பட்டுள்ள பகுதிகள், தெருக்களுக்கு, 'சீல்' வைக்கப்பட்டுள்ளன.

இந்த பகுதி மக்கள் வெளியே வருவதை தவிர்க்கும் வகையில், காய்கறி,
பழங்கள், மளிகை பொருட்கள், வீடுகளுக்கே சென்று, விற்பனை
செய்யப்படும். இது போன்ற பணிகளில், ஆரோக்கியமான இளைஞர்கள்
ஈடுபடுத்தப்பட உள்ளனர்.

கொரோனா அறிகுறி இருப்பவர்களை தனிமைப்படுத்த, 22 ஆயிரம் படுக்கை
வசதிகள் ஏற்படுத்தப்பட்டுள்ளன. சாதாரண பிரச்னை உள்ளவர்களுக்கு
சிகிச்சை அளிக்கவும், 22 ஆயிரம் படுக்கை வசதி ஏற்படுத்தப்பட்டு
வருகிறது.

சென்னையில், சமூக இடைவெளி பின்பற்றாத அலுவலகங்கள், கடைகள்
போன்றவற்றை மூடி, 'சீல்' வைப்பதுடன், மூன்று மாதங்கள் திறக்க தடை
விதிக்கப்படும்.

திறந்தவெளி இடங்கள்கோயம்பேடு மார்க்கெட் பகுதியில், மொத்த
வியாபாரிகளை தவிர, மற்றவர்களுக்கு அனுமதியில்லை. சென்னையில்,
1,600 சிறு வியாபாரிகள் உள்ளனர். அவர்கள் வியாபாரம் செய்யும் வகையில்
, 245 திறந்தவெளி இடங்கள் அடையாளம் காணப்பட்டுள்ளன.

கோயம்பேடு மார்க்கெட் வியாபாரிகளில், அறிகுறி இருந்த, 200 பேருக்கு
பரிசோதனை செய்யப்பட்டுள்ளது.சென்னையில், 70 லட்சம் மக்கள் உள்ளனர்.

அவர்களில், 22 ஆயிரம் பேருக்கு, கொரோனா பரிசோதனை செய்யப்பட்டுள்ளது.
நேற்று வரை, 768 பேருக்கு பாதிப்பு கண்டறியப்பட்டுள்ளது. இந்த நோயால்,
பெரிய நகரங்களில் தான், பெரியளவில் பாதிப்பு ஏற்பட்டு உள்ளது. சென்னையில்,
1 சதுர கிலோ மீட்டரில், 26 ஆயிரம் மக்கள் உள்ளனர்;

வட சென்னை பகுதியில், 55 ஆயிரம் மக்கள் வசிக்கின்றனர். உலக நாடுகளை
ஒப்பிடுகையில், இவ்வளவு பெரிய மக்கள்தொகைக்கு, பாதிப்பு கட்டுப்படுத்தப்
பட்டுள்ளது.

சென்னையில், 59 பத்திரிகையாளர்கள், கொரோனாவால் பாதிக்கப்பட்டுள்ளனர்.
அவர்களில் பெரும்பாலானோருக்கு, அதற்கான அறிகுறிகள் தென்படவில்லை.
இவ்வாறு, அவர் கூறினார்.

தினமலர்