இத்தாலியில் மே 4 முதல் ஊரடங்கு தளர்வு அமல்

**ayyasamy ram** · **ayyasamy ram** Mon 27 Apr 2020 - 20:44

ரோம்:
இத்தாலியில் மே 4 முதல் உற்பத்தி, கட்டுமான மற்றும் மொத்த விற்பனை
கடைகள் மீண்டும் செயல்பட துவங்குமென அந்நாட்டு பிரதமர்
கியூசெப் கோண்டே அறிவித்துள்ளார்.

ஐரோப்பிய நாடான இத்தாலியில் கொரோனாவுக்கு இதுவரை 26,644 பேர்
பலியாகியுள்ளனர். 1.97 லட்சம் பேர் கொரோனாவால் பாதிக்கப்பட்டுள்ளனர்.
64,928 பேர் குணமடைந்துள்ளனர். இத்தாலியில் கொரோனா உயிரிழப்பு
மார்ச்.14 முதல் நேற்று (ஏப்.26) தான் குறைந்தபட்சமாக 260 ஆக பதிவாகி
இருந்தது.

இந்நிலையில், மே 4 முதல் முகக்கவசம் அணிந்து மக்கள், தங்களது உறவினர்கள்
வீட்டிற்கு செல்ல அனுமதிக்கப்படுவர். பூங்காக்கள் மற்றும் பொது இடங்கள்
திறக்கப்படும். மக்கள் தங்கள் வீட்டில் இருந்து 200 மீட்டர் தொலைவுக்குள் ஜாக்கிங்
அல்லது பைக் ரைடிங் செல்லலாம்.

அதனை தொடர்ந்து மே 18 முதல் சில்லறை
விற்பனை கடைகள், மியூசியம், நூலகம் உள்ளிட்டவையும், ஜூன் 1 முதல் பார்கள் ,
உணவகங்கள் மற்றும் பியூட்டி பார்லர்கள் செயல்பட துவங்குமென கோண்டே
அறிவித்துள்ளார்

இறுதிச்சடங்கு நிகழ்ச்சியில் சமூக இடைவெளியை பின்பற்றி அதிகபட்சமாக
15 பேர் மட்டுமே பங்கேற்க வேண்டும். அனைத்து வணிக நிறுவனங்களுக்கு
பாதுகாப்பு நெறிமுறைகளை பின்பற்ற வேண்டும்.கொரோனா தடுப்பு
நடவடிக்கையின் ஒரு அங்கமாக, சர்ஜிக்கல் மாஸ்க் ஒன்றின் விலையாக
50 யூரோ செண்ட்ஸ் நிர்ணயம் செய்துள்ளது. வணிக நிறுவனங்களுக்கு சலுகை
மற்றும் இரண்டாவது ஊரடங்கில் சுற்றுலா செயல்பட துவங்குமென தெரிவித்தார்.

நாட்டு மக்களுக்கு உரை நிகழ்த்திய கோண்டே கூறியதாவது:

‛நீங்கள் இத்தாலியை நேசிக்கிறீர்களானால், புதிய கொரோனா தொற்றில் இருந்து
பாதுகாத்து கொள்ள தனிநபர் இடைவெளியை கடைபிடியுங்கள். கொரொனா
தொற்றுடன் வாழும் கட்டத்தை நாம் துவங்க உள்ளோம். நாட்டின் சில பகுதிகளில்
கொரோனா தொற்று பாதிப்பு மீண்டும் உயர வாய்ப்புள்ளதால், நாம் விழிப்புடன்
இருக்க வேண்டும்.

ஆபத்து உள்ளது. அதை நாம் முறையாகவும் கடுமையாகவும் எடுக்க வேண்டும்.
எனவே தான் இரண்டாம் கட்ட ஊரடங்கில், குறைந்தது ஒரு மீட்டர் தனிநபர்
இடைவெளியை பராமரிப்பது மிகவும் முக்கியமானது ஆகும். நாம் இடைவெளியை
பின்பற்றாவிடில், கொரோனா பாதிப்பு மீண்டும் உயர்வடையும் மற்றும் கட்டுப்பாட்டை
இழந்து விடும்.

நம்முடைய இறப்பு விகிதம் அதிகரிக்கும். அதே நேரம், நம் பொருளாதாரம் மீள
முடியாத அளவிற்கு சேதாரத்தை சந்திக்கும். எங்கள் நோக்கம் நலமுடன் அதிக
மக்கள் இருப்பது மட்டுமல்ல. அதிக மக்கள் வேலையுடன் இருப்பதும் தான்.'
இவ்வாறு அவர் பேசினார்.

தினமலர்

இத்தாலியில் மே 4 முதல் ஊரடங்கு தளர்வு அமல்

இத்தாலியில் மே 4 முதல் ஊரடங்கு தளர்வு அமல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக