'கொரோனாவை வென்றுவிட்டோம்; ஊரடங்கை தளர்த்துகிறோம்': நியூசிலாந்து பிரதமர்

**ayyasamy ram** · **ayyasamy ram** Mon 27 Apr 2020 - 20:35

-
வெலிங்டன்:
'கொரோனா வைரசுக்கு எதிரான போரில் நாங்கள் வென்று
விட்டோம்' என, நியூசிலாந்து பிரதமர் ஜெசிந்தா ஆர்டன்
தெரிவித்துள்ளார்.

நியூசிலாந்து பிரதமர் ஜெசிந்தா ஆர்டன் தெரிவித்துள்ளதாவது:

நியூசிலாந்தில் இதுவரை, 1,500க்கும் குறைவானவர்களுக்கே
கொரோனா நோய்த்தொற்று உறுதிசெய்யப்பட்டது. அதில்,
80 சதவீதத்தினர் ஏற்கனவே குணமடைந்துவிட்டனர்;

19 உயிரிழந்துள்ளனர். இன்று புதிதாக ஒரேயொரு நோய்த்தொற்று
பாதிப்பு கூட பதிவாகவில்லை.

நியூசிலாந்தில் கொரோனா வைரஸ் பரவலின் அனைத்து மூலங்களும்
கண்டறிந்து தடுத்துவிட்டதாகவும், கொரோனா வைரஸ் இல்லா
நிலையை நியூசிலாந்து அடைந்துவிட்டதாகக சுகாதாரத்துறையின்
தலைமை இயக்குநர் ஆஷ்லே ப்ளூம்பீல்ட் தெரிவித்துள்ளார்.

இதனால், நியூசிலாந்தில் கொரோனா வைரஸ் தொற்றே இல்லையென்று
அர்த்தம் கிடையாது. ஆனால், நோய்த்தொற்று பரவலின் அனைத்து
மூலங்களையும் கண்டறிந்ததால் அது மேலும் பரவுவதை தடுத்து
விட்டோம் என்றே அர்த்தம்.

இதனால், நியூசிலாந்தில் அமல்படுத்தப்பட்டுள்ள ஊரடங்கில்,
இன்று நள்ளிரவு முதல் சில தளர்வுகள் கொண்டுவரவுள்ளோம்.
இவ்வாறு அவர் தெரிவித்துள்ளார்.

கொரோனா பரவத் துவங்கியதும், தங்கள் நாட்டின் எல்லைகளை
மூடியதோடு, முழு ஊரடங்கை உடனடியாக அமல்படுத்தி, தொடர்
நடவடிக்கைகளால் இன்று, தங்கள் நாட்டில் கொரோனா பரவலை
முற்றிலும் தடுத்துவிட்டதாக கூறியுள்ள நியூசிலாந்து பிரதமரை,
பல்வேறு நாட்டு தலைவர்களும் பாராட்டி வருகின்றனர்.

தினமலர்

'கொரோனாவை வென்றுவிட்டோம்; ஊரடங்கை தளர்த்துகிறோம்': நியூசிலாந்து பிரதமர்

'கொரோனாவை வென்றுவிட்டோம்; ஊரடங்கை தளர்த்துகிறோம்': நியூசிலாந்து பிரதமர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக