கொரோனாவின் மூலக்கூறுகளை ஆய்வு செய்யும் 'வைரஸ் ஹண்டர்'

வாஷிங்டன்:
வைரஸ் ஹண்டர் என அழைக்கப்படும், டஸ்ஸாக் என்ற அமெரிக்க
வைரஸ் விஞ்ஞானி, கடந்த 10 ஆண்டுகளில் உலகில் வெளவால்கள்
வாழும் குகைகளுக்கும் மலைகளுக்கும் சென்று ஆராய்ச்சி செய்து
வருகிறார்.

மாலை 6 மணிக்கு மேல் வெளவால்கள் கூட்டம் கூட்டமாக உணவு தேட
வெளியே செல்லும். அப்போது முகக்கவசம், பாதுகாப்பு உடை அணிந்து
டஸ்ஸாக்கின் குழு குகைகளை நோக்கிச் செல்லும்.

வெளவால்களின் சிறுநீர், கழிவுகள் என எது மேலே பட்டாலும் நூற்றுக்
கணக்கான வைரஸ் நமது உடலில் தொற்றிக்கொள்ளும். இதனால்
பாதுகாப்பு உடை அணிந்து விஞ்ஞானிகள் குழு வெளவால்கள் குகைக்குள்
செல்லும்.

வெளவால்களில் கழிவுகள் உட்பட பலவற்றை இந்த விஞ்ஞானிகள் குழு
சேமிப்பர். வெளவால் ஒன்றைப் பிடித்து அதன் இறகில் உள்ள ரத்த
நாளத்தில் இருந்து ரத்தம் எடுக்கப்படும். இந்த ரத்த மாதிரி சேமிக்கப்பட்டு
பரிசோதனைக் கூடத்தில் சோதிக்கப்படும்.
இதுபோல இவர்கள் குழு கோவிட்-19 வைரஸையும் சோதனை
செய்துள்ளது.

டஸ்ஸாக், இதுவரை 15 ஆயிரம் வெளவால் சாம்பிள்களை திரட்டியுள்ளார்.
கடந்த 2013ம் ஆண்டு சீனாவின் யூனான் மாகாணத்தில் உள்ள குகையில்
500 வகையான கொரோனா வைரஸ் சாம்பிள்கள் கண்டுபிடிக்கப்பட்டன.

தற்போது உலகையே அச்சுறுத்திவரும் கோவிட்-19 வைரஸின் பூர்வீகம்
அதிலிருந்துதான் உருவாகி உள்ளது என டஸ்ஸாக்கின் குழு கூறுகிறது.

மனிதர்களைத் தாக்கும் இரண்டு வகை கொரோனா வைரஸ்கள்
முதன்முதலில் 1960ம் ஆண்டு கண்டுபிடிக்கப்பட்டது.

2003ம் ஆண்டு சார்ஸ் வைரஸ் கண்டுபிடிக்கப்பட்டபோது வைரஸ்
விஞ்ஞானிகளின் மொத்த கவனத்தையும் அது பெற்றது.
அப்போது கொரோனா வைரஸ் அதிக கவனம் பெறவில்லை.
பின்நாட்களில் அது உலகையே அச்சுறுத்தும் வைரஸாக மாறும் என
அப்போது விஞ்ஞானிகள் கணிக்கவில்லை.

தற்போது கொரோனா வைரஸ் தடுப்பு மருந்து கண்டுபிடிப்புக்காக
அதன் ஜீன் தகவமைப்பை டஸ்ஸாக் குழு சோதனை செய்து வருகிறது.
இவர்களது முயற்சி வெற்றி பெற்றால் உலகமே இவர்களுக்கு நன்றி
கூறும்.
-
----------------------------தினமலர்
l

இந்த கொரானோ வைரசை உண்டாக்கிய சீன விஞ்ஞானி அபோதே அழிந்தான் அதனால் இதற்கு மருந்து கண்டு பிடிக்க கொஞ்ச நாளாகும்.
கெடுக்க நினைத்தான் கெட்டு போனான். அழிந்தொழிந்தான் .