கோடீஸ்வரர்களுக்கு 40 சதவீத வரி:ரூ.18,000 கோடி நிதி திரட்ட யோசனை

**ayyasamy ram** · **ayyasamy ram** Mon 27 Apr 2020 - 9:11

மும்பை :

'கொரோனா' வைரஸ் பரவலை தடுக்க எடுக்கப்படும் நடவடிக்கைகளுக்கு
நிதி திரட்டுவதற்கு, பெரும் பணக்காரர்களுக்கான வரியை உயர்த்த,
பரிந்துரைக்கப் பட்டுள்ளது.கொரோனா வைரஸ் பரவலைத் தடுக்க
தேவையான நிதியை திரட்ட, மத்திய அரசு பல்வேறு நடவடிக்கைகளை
எடுத்து வருகிறது.

இந்த நிலையில், ஐ.ஆர்.எஸ்., எனப்படும் இந்திய வருவாய் சேவைப் பிரிவு
அதிகாரிகள் சங்கம், சி.பி.டி.டி., எனப்படும், மத்திய நேரடி வரி வாரியத்துக்கு,
தன் பரிந்துரைகளை அனுப்பியுள்ளது.

அதில் கூறப்பட்டுஉள்ளதாவது:வரும், 2020 - 2021ம் ஆண்டுக்கான பட்ஜெட்டில்,
ஆண்டுக்கு 1 கோடி ரூபாய்க்கு மேல் வருமானம் உள்ளவர்களுக்கான வரி
விகிதம், 30 சதவீதமாக குறைக்கப்பட்டுள்ளது. குறுகிய கால நடவடிக்கையாக,
அடுத்த, 3 - 6 மாதங்களுக்கு, இந்த வரி விகிதத்தை, மீண்டும், 40 சதவீதமாக
உயர்த்த வேண்டும்.

அதே போல், 5 கோடி ரூபாய்க்கு மேல் ஆண்டு வருமானம் உள்ளவர்களுக்கு,
மீண்டும் செல்வ வரி விதிக்க வேண்டும்.

நடுத்தர கால நடவடிக்கையாக, அடுத்த, 9 - 12 மாதங்களுக்கு, வெளிநாடுகளைச்
சேர்ந்த நிறுவனங்களுக்கு, உபரி வரி விதிக்கலாம்.
ஆண்டுக்கு, 1 - 10 கோடி ரூபாய் வருமானம் உள்ள நிறுவனங்களுக்கு, 2 சதவீதமும்,
ஆண்டுக்கு, 10 கோடிக்கு மேல் வருமானம் இருந்தால், 5 சதவீத உபரி வரி
வசூலிக்கலாம்.

இதைத் தவிர, ஒருமுறை மட்டும், 4 சதவீத, கொரோனா வரியை கூடுதலாக
வசூலிக்கலாம்.இந்த நடவடிக்கைகள் மூலம், 18 ஆயிரம் கோடி ரூபாய் வரை நிதி
கிடைக்கும்.இவ்வாறு பரிந்துரைகளில் கூறப்பட்டு உள்ளது.

தினமலர்

**பழ.முத்துராமலிங்கம்** · 27/09/2015

என்ன செய்ய, இந்த மாதிரி சூழ்நிலையில் இதை செய்து தான் ஆக வேண்டுமோ??

கோடீஸ்வரர்களுக்கு 40 சதவீத வரி:ரூ.18,000 கோடி நிதி திரட்ட யோசனை

கோடீஸ்வரர்களுக்கு 40 சதவீத வரி:ரூ.18,000 கோடி நிதி திரட்ட யோசனை

Re: கோடீஸ்வரர்களுக்கு 40 சதவீத வரி:ரூ.18,000 கோடி நிதி திரட்ட யோசனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக