8 மணிநேர சிகிச்சைக்கு ரூ.80 ஆயிரம் ‛பில்'

facebook sharing button
twitter sharing button
whatsapp sharing button
9
மும்பை:
மும்பையில் சுவாசக் கோளாறு காரணமாக அனுமதிக்கப்பட்டிருந்த
ஒருவர் 8 மணிநேரத்தில் உயிரிழந்தார். ஆனால், அந்த 8 மணிநேர
சிகிச்சைக்கு மருத்துவனை நிர்வாகம் ரூ.80 ஆயிரம் கட்டணமாக
வசூலித்தது அதிர்ச்சியை ஏற்படுத்தியுள்ளது.

மும்பையில் ஆடை விற்பனையாளரான முகமது வாஹித் அலி அன்சாரி, 27,
என்பவர், கொரோனா பரிசோதனை மேற்கொண்டார். ஆனால் எதிர்மறையாக
முடிவுகள் வந்தாலும், சுவாச பிரச்னையால் அவதிப்பட்டுள்ளார்.

இதனால், கடந்த ஏப்.,20ம் தேதி அவரை தெற்கு மும்பையில் உள்ள ஒரு தனியார்
மருத்துவமனையில் அவரது சகோதரர் ஷாஹித் அன்சாரி சேர்த்தார்.
சிகிச்சைக்கு முன்னரே ரூ.40 ஆயிரத்தை சேர்க்கை கட்டணமாக செலுத்திய
ஷாஹித், சகோதரர் நலமாக வருவார் என காத்திருந்த நிலையில், அடுத்த
8 மணிநேரத்தில் இறந்துவிட்டார் என்ற செய்தியை கேட்டு அதிர்ந்து போனார்.

அதை விட சிகிச்சைக்கு மொத்தம் ரூ.80 ஆயிரம் செலவானதாக மருத்துவனை
கூறவே, மேலும் அதிர்ச்சியானார்.
-


இது குறித்து ஷாஹித் கூறுகையில், எனது சகோதரரை, அருகிலுள்ள சில அரசு
மருத்துவமனைகளுக்கு அழைத்து செல்ல முயற்சித்தேன். அனைத்தும்
நோயாளிகள் அதிகம் நிரம்பியிருந்ததால், சைபி மருத்துவமனைக்கு சென்றோம்.

காலை 11 மணியளவில் என் மொத்த சேமிப்பு பணமான ரூ.40 ஆயிரத்தை கட்டி,
சிகிச்சைக்கு அனுமதித்தோம். 4 மணிக்கு உடல்நிலை மோசமடைந்து வருவதாகவும்,
7 மணிக்கு இறந்துவிட்டார் எனவும் கூறினர்.

அதுமட்டுமல்லாமல், உடலை ஒப்படைக்க, சிகிச்சை மற்றும் ஆம்புலன்ஸ்
கட்டணங்களாக மேலும் ரூ.40 ஆயிரத்தை செலுத்தவேண்டும் எனவும் தெரிவித்தனர்.
நண்பர்களிடம் கடன் பெற்று ஏப்.,23ம் தேதி மீதத்தொகையை செலுத்திய பின்னர்
காலை 7 மணிக்கு ஆம்புலன்ஸ் மூலமாக கல்லறைக்கு கொண்டு வந்து அடக்கம்
செய்தோம். இவ்வாறு அவர் கூறினார்.

8 மணிநேர சிகிச்சைக்கு 80 ஆயிரம் கட்டணம் வசூலித்த மருத்துவமனை
நிர்வாகமோ, நோயாளி சுவாசக் கோளாறால் பாதிக்கப்பட்டுள்ளதால், கொரோனா
அறிகுறி வழக்காக கருதப்பட்டு அதற்கேற்ப சிகிச்சை அளிக்கப்பட்டது.

அத்தகைய நோயாளிகளை தனிமைப்படுத்துவதற்கும், ஒரு குறிப்பிட்ட பகுதியில்
சிகிச்சை அளிப்பதற்கும் ஒரு நெறிமுறை உள்ளது. அவர் அனுமதிக்கப்பட்ட போது,
ஏற்கனவே மோசமான நிலையில் இருந்தார். ஆனாலும், சில சோதனைகள் நடத்தி,
சிகிச்சையளிக்கும் டாக்டர்களுக்கு பாதுகாப்பு உபகரணங்களை வாங்குவது என
சிகிச்சையின் செலவு அதிகரித்தது, என்றனர்.
-
---------------------------------
தினமலர்

தப்பித்தார் என மகிழ்ச்சி அடைய வேண்டும்.திருவனந்தபுரம் மருத்துவ கல்லூரி மருத்துவர் கூறுகிறார்...........கொரொனா நோயாளிக்கு சிகிச்சை செய்ய மூன்றரை லட்சம் செலவாகுமாம்.

நம் தமிழ்நாட்டு பரம்பரை மருத்துவர் ஓருவர் கூக்குரலிடுகிறார் நான் மருத்தவம் செய்கிறேன் என்னையே சோதனை செய்து கொண்டு நிரூபிக்கிறேன் என்கிறார் .மேலும் உலக சுகாதார மையத்துக்கு சவால் விடுகிறார் .லட்சங்கணக்கில் சம்பாதிப்பவர்கள் இவரின் குரலை ஏற்க வில்லை..... அவரின் குரலுக்கு எனது வரவேற்பும் வாழ்த்தும் அவரின் கண்டுபிடிப்பு வீணாகாது உயர்வை தரப்போகிறது. பல உயிர்களை கொல்லுகிறீர்களே என வேதனை படுகிறார் அவரின் கண்டுபிடிப்புக்கு அரசு கவனம் கொண்டால் நல்லது. அவரின் வீர ஆவேசம் போற்ற தக்கது. பாராட்டுகிறேன்..

சிவனாசான் wrote:நம் தமிழ்நாட்டு பரம்பரை மருத்துவர் ஓருவர் கூக்குரலிடுகிறார் நான் மருத்தவம் செய்கிறேன் என்னையே சோதனை செய்து கொண்டு நிரூபிக்கிறேன் என்கிறார் .மேலும் உலக சுகாதார மையத்துக்கு சவால் விடுகிறார் .லட்சங்கணக்கில் சம்பாதிப்பவர்கள் இவரின் குரலை ஏற்க வில்லை..... அவரின் குரலுக்கு எனது வரவேற்பும் வாழ்த்தும் அவரின் கண்டுபிடிப்பு வீணாகாது உயர்வை தரப்போகிறது. பல உயிர்களை கொல்லுகிறீர்களே என வேதனை படுகிறார் அவரின் கண்டுபிடிப்புக்கு அரசு கவனம் கொண்டால் நல்லது. அவரின் வீர ஆவேசம் போற்ற தக்கது. பாராட்டுகிறேன்..

மேற்கோள் செய்த பதிவு: 1318257

யார் அவர்?