இன்னுமா கூகிளை நம்புகிறீர்கள்?இந்தியர்களே!

தமிழரை CEO ஆகக் கொண்ட கூகிளில்……………………….

அமெரிக்காவின் பிரபல நாளேடான வாஷிங்டன் போஸ்ட் ஒரு செய்தி வெளியிட்டு இருக்கிறது. கூகுள் மேப்புகளில் இருக்கும் உலக நாடுகளின் வரைபடங்களை எங்கிருந்து பார்த்தாலும் ஒரே மாதிரிதான் தெரியும் என்று நாம் நம்புகிறோம்.ஆனால்,அப்படி இல்லை என்று அம்பலப்படுத்தி இருக்கிறது வாஷிங்டன் போஸ்ட்!. 



இந்தியாவில் இண்டர்நெட்டில் கூகுள் மேப்பை பார்க்கும்பொழுது காஷ்மீர் இந்தியாவுடன் இணைந்து இருப்பதாக காட்டும்.ஆனால்,அதே மேப்பை இந்தியாவுக்கு வெளியில் இருக்கும் ஒரு நாட்டில் இருந்து பார்த்தால்,அது புள்ளிகளால் ஆன கோடுகளால் சர்ச்சைக்குரிய பகுதியாகத் தெரிகிறது என்று அந்தப் பத்திரிகை செய்தி வெளியிட்டு இருக்கிறது. 



இது குறித்து கூகுள் நிறுவன செய்தித் தொடர்பாளர் கருத்துத் தெரிவித்த போது இந்தியாவில் இந்திய சட்டப்படி இந்திய மேப் இருக்கும்,மற்ற நாடுகளில் இருந்து பார்க்கும்பொழுது சர்ச்சைக்குரிய பகுதியை நியாயப்படி காட்ட வேண்டும் என்கிற நிலையான கொள்கையை கூகுள் பின்பற்றுகிறது.இதன் மூலம் யாருடைய நிலைப்பாடும் உறுதி செய்யப்படவில்லை.மேம்படுத்தப்பட்ட, சரியான வரைபடங்களை முடிந்தவரை சரியாகக் கொடுப்பதில் நாங்கள் உறுதியாக இருக்கிறோம் என்று சொல்லி இருக்கிறார்.

இந்த நிலை இந்திய படங்களில் மட்டுமல்ல உலகில் எல்லா பிரச்சனைக்குரிய இடங்களையும் அப்படியே மாற்றிக் காட்டுகிறது கூகிள்.



(இதேபோல் 2008/2009 இல் நடந்த ஈழப் போரில் தமிழர்கள் அழிக்கப்பட்ட இடங்களை மறைத்து வெளி உலகுக்கு தெரியாமல் செய்தது கூகிள்)

இது காஷ்மீர் பற்றிய FachtCheck காணொலி…………இந்தியா மறுத்தது,உலகம் கண்டறிந்தது.



(நன்றி:வாஷிங்க்டன் போஸ்ட்)

செய்திகள்/படங்கள்/காணொலி எதுவாயினும் தீர விசாரித்து உண்மையை கண்டறியவும்.போலி செய்திகளை/வதந்திகளை நம்பி தவறாக செல்லாதீர்!