உயர்ந்தது பருப்பு விலை: கட்டுப்படுத்துமா அரசு?

**ayyasamy ram** · **ayyasamy ram** Fri Apr 24, 2020 8:07 am

சென்னை:

பருப்பு வகைகள் விலை உயர்வைகட்டுப்படுத்த தமிழக அரசு
விரைந்து நடவடிக்கை எடுக்க வேண்டிய அவசியம் எழுந்து
உள்ளது.

ஊரடங்கு உத்தரவில் அத்தியாவசிய பொருட்களை எடுத்து
செல்வதற்கு எந்த தடையும் விதிக்கப்படவில்லை. இருப்பினும்
சில நாட்களாக மளிகை கடைகளில் பருப்பு வகைகளின் விலை
கிடுகிடுவென உயர்ந்து வருகிறது.

ரேஷன் கடைகளில் வினியோகம் செய்வதற்கு அரை கிலோ
துவரம் பருப்பு 57.50 ரூபாய்; உளுந்தம் பருப்பு 64.70 ரூபாய் என
விலை நிர்ணயம் செய்யப்பட்டுஉள்ளது.

ஆனால் மளிகை கடைகளில் அனைத்து வகை பருப்புகளும்
அரை கிலோ 135 ரூபாய் முதல் 140 ரூபாய் வரை விற்பனை
செய்யப்படுகிறது.

ரேஷனில் 250 கிராம் புளி 35.50 ரூபாய் என விற்கப்படுகிறது.
ஆனால் கடைகளில் கிலோ புளி 180 - 200 ரூபாய் வரை
விற்கப்படுகிறது. குளிர்பதன கிடங்குகளில் பதப்படுத்தப்படும்
புளி கிலோ 250 ரூபாய்க்கு விற்கப்படுகிறது.

இதேபோல மிளகாய் தனியா மஞ்சள் உள்ளிட்ட மளிகை
பொருட்களின் விலையும் உயர்ந்து வருகிறது.

பருப்பு வகைகளின் விலை உயர்வால் பொது மக்கள்கடுமையாக
பாதிக்கப்பட்டுள்ளனர். வெளி மாநிலங்களில் இருந்து அவற்றை
எடுத்து வர முடியாததால் விலை உயர்ந்துள்ளதாக வியாபாரிகள்
தரப்பில் கூறப்படுகிறது.

ஆனால் சென்னை திருவள்ளூர் காஞ்சிபுரம் மாவட்டங்களில் உள்ள
தனியார் கிடங்குகளில் பருப்பு வகைகள் புளி மிளகாய் பூண்டு
உள்ளிட்ட மளிகை பொருட்கள் தமிழகத்திற்கு ஒரு மாதம் தேவையான
அளவிற்கு இருப்பு வைக்கப்பட்டுள்ளன.

இதேபோல மற்ற மாவட்டங்களிலும் டன் கணக்கில் மளிகை பொருட்கள்
இருப்பு உள்ளன. பொது மக்களின் அத்தியாவசிய தேவை கருதி இவற்றை
வெளிச்சந்தைக்கு கொண்டு வர முதல்வர் பழனிசாமி நடவடிக்கை
எடுத்தால் அவற்றின் விலை குறைவதற்கு வாய்ப்புள்ளது.

தினமலர்

உயர்ந்தது பருப்பு விலை: கட்டுப்படுத்துமா அரசு?

உயர்ந்தது பருப்பு விலை: கட்டுப்படுத்துமா அரசு?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக