பிரதமர் பேச்சின் முக்கிய அம்சங்கள்

புதுடில்லி:
கொரோனா வைரசை கட்டுப்படுத்துவதற்காக, மே 3ம் தேதி
வரை ஊரடங்கு நீட்டிக்கப்படுவதாக பிரதமர் மோடி தெரிவித்தார்.

நாட்டு மக்கள் இடையே சுமார் 25 நிமிடங்கள் இடம்பெற்ற
பிரதமர் மோடியின் பேச்சில் முக்கிய அம்சங்கள்:

* இந்தியாவில், கொரோனா பாதிப்பு ஏற்படாத போது கூட
விமான நிலையத்தில் ஒவ்வொரு பயணிகளையும் சோதனையிட
துவங்கினோம்.

* இந்த பிரச்னை பெரியதாக ஆக வேண்டும் என நாம்
காத்திருக்கவில்லை. வைரஸ் பிரச்னை ஏற்பட்டவுடன், அதனை
தடுக்க வேண்டும் என்பதற்காக துரித கதியில் நடவடிக்கை
எடுத்தோம்.

* உரிய நேரத்தில், உரிய முடிவு எடுக்காமல் இருந்திருந்தால்,
என்ன மாதிரியான பாதிப்பு ஏற்பட்டிருக்கும் என்பதை நாம் எ
ண்ணிபார்க்க முடியாது.

* கொரோனா பாதிப்பு 100ஐ தொடுவதற்கு முன்னரே, வெளிநாட்டில்
இருந்து வந்தவர்கள் 14 நாட்கள் தங்களை தனிமைபடுத்தி கொள்ள
வேண்டும் என உத்தரவு பிறப்பித்தோம்.

பாதிப்பு 500 ஆக அதிகரித்த போது, 21 நாள் ஊரடங்கு அமல்படுத்தப்
பட்டது.

* ஊரடங்கை எப்படி அமல்படுத்தப்படுகிறது என்பதை,
ஏப்., 20 வரை அனைத்து மாவட்டங்கள், மாநிலங்கள் தீவரமாக க
ண்காணிக்கப்படும். அந்த பகுதிகளில், கொரோனா பாதிப்பு
குறைக்கப்பட்டால், சில முக்கியமான நடவடிக்கைகள் துவங்கும்.
ஆனால், அதற்கு சில நிபந்தனைகள் விதிக்கப்படும்.

* இந்தியா முழுவதும் 220 ஆய்வகங்களில் கொரோனா பரிசோதனை
செய்யப்படுகிறது.

* உலக நாடுகளின் அனுபவத்தின்படி, கொரோனா பாதிப்பு
10 ஆயிரத்தை தொடும் போது, 1, 500- 1,600 படுக்கைகள் தேவைப்படும்.
ஆனால், நம்மிடம், தற்போது, கொரோனா நோயாளிகளுக்கு சிகிச்சை
அளிக்க 600 மருத்துவமனைகள் மற்றும் ஒரு லட்சம் படுக்கைகள்
தயார் நிலையில் உள்ளன. அதனை இன்னும் விரிவுப்படுத்தி வருகிறோம்.

* கொரோனாவை எதிர்த்து போரிடும் டாக்டர்கள், நர்சுகள், தூய்மை
பணியாளர்கள், போலீசார் ஆகியோரை மக்கள் மதிக்க வேண்டும்.
உங்கள் பணிகள், தொழிற்சாலையில் உடன் பணியாற்றுபவர்களுடன்
அன்புடன் நடந்து கொள்ளுங்கள்.

பணியாளர்களை வேலையில் இருந்து நீக்க வேண்டாம்.
-
-----------------------------
தினமலர்

பாஜாக வை எனக்குப் பிடிக்காது.இருப்பினும் நான் கேட்ட உலக தலைவர்களின் மக்களுக்கான கொரோனா பற்றிய நேரலைப் பேச்சில் முதலிடம் மோடிக்கும் கடைசி இடம் பிரேசில் அதிபருக்கும் கொடுக்கலாம்.

இந்த போராட்டத்தில் நிச்சயம் வெற்றி கொள்வோம் . ஆனால் மத்திய மற்றும் அரசுகள் சொதப்பி தோல்வி அடைய வேண்டும் என்று நினைக்கிறது ஒரு கூட்டம் . உயிர் போனாலும் பரவாயில்லை அரசு இதில் வெற்றி பெற்று விட கூடாது என்ற கீழ்தரமான எண்ணம் , யார் யார் என்பதை உங்கள் கற்பனைக்கு விட்டுவிடுகிறேன் .