உத்திரம் - ஸ்ரீபெரியப்பிராட்டியார் திருநக்ஷத்திரம் !

இன்று பங்குனி உத்திரம் - ஸ்ரீபெரியப்பிராட்டியார் திருநக்ஷத்திரம் !

சமுத்திரராஜனுக்கும்,காவிரிதாய்க்கும் மகளாக பங்குனி உத்திரம் திருநாளில் அவதரித்தார் ஸ்ரீபெரிய பெருமாள் பத்தினியான ஸ்ரீபெரியப்பிராட்டியார்@ ஸ்ரீரங்கநாச்சியார்.

கருணைமிகு தாயாரின் கருணை சொல்லி மாளாது,ஸேவித்து அநுபவித்தவர்களுக்குதான் உணர முடியும் பிராட்டியாரின் கருணை உள்ளம்.தாயாருடன் சேர்ந்து இருந்தால்தான் எம்பெருமானுக்கே ஏற்றம்.தாய்க்குதான் பிள்ளைகளின் தேவை புரியும்.அதுபோல பிராட்டியாருக்குதான் தன் பக்தர்களின் தேவை தெரியும்.எனவே தாயாரின் திருவடி தாமரையை நாம் பற்றினால் நம் தவறுகளை மன்னித்து,கருணை உள்ளத்தோடு எம்பெருமானின் கடாக்ஷத்தை அடியார்களாகிய நமக்கு பெற்று தருவார்.

பூலோக வைகுண்டம் ஸ்ரீரங்கத்தில் எம்பெருமானுக்கு வருடம் முழுவதும் திருவிழா எடுப்பது வழக்கம்.அதில் பங்குனி உத்திரம் நாளன்று " தாயார் சேர்த்தி ஸேவை" மிகவும் சிறப்பானது.ஆண்டுக்கு ஒருமுறை தான் அதாவது பங்குனி உத்திரம் அன்றுதான் நம்பெருமாளும் பெரியப்பிராட்டியாரும் ஒரு சேர இருப்பார்கள்.இருவரும் ஒரு சேர இருக்கும் காட்சியை "சேர்த்தி ஸேவை "என்றழைப்பர்.
பெருமாளையும் தாயாரையும் ஒரு சேர தரிசிக்கும் பாக்யம் பெற்ற தம்பதியினர் வாழ்க்கை மகிழ்ச்சியுற கடாக்ஷத்துடன் அமையும் என்பது ஐதீகம்.

இந்த வருடம் இப்பொழுது உள்ள சூழ்நிலையில்,அடியார்கள் ஆகிய நமக்கு ஸ்ரீரங்கம் நம்பெருமாள்- ரங்கநாயகி தாயார் "சேர்த்தி ஸேவை" காண பாக்யம் இல்லை.

இருந்தாலும் அடியார்களாகிய நாம்
இன்நன்னாளில் வீட்டில் இருந்தவாறே மனக்கண்ணால் மனமுருகி நினைத்து
பெருமாள்- தாயாரை ஒரு சேர சேர்த்தி
ஸேவை செய்து ,இருவரின் க்ருபா கடாக்ஷத்திற்கு பாத்திரமாவோம்.

தனியன்
நம: ஸ்ரீரங்க நாயக்யை யத் ப்ரோ விப்ரம பேதத:
ஈசேசிதவ்ய வைஷம்ய நிம்நோந்நதம் இதம் ஜகத்

வாழித்திருநாமம்
பங்கயப் பூவிற்பிறந்த பாவை நல்லாள் வாழியே
பங்குனியில் உத்தர நாள் பாருதித்தாள் வாழியே
மங்கையர்கள் திலகமென வந்த செல்வி வாழியே
மாலரங்கர் மணிமார்பை மன்னுமவள் வாழியே
எங்களெழில் சேனைமன்னர்க்கு இதமுரைத்தாள் வாழியே
இருபத்தஞ்சு உட்பொருள் மால் இயம்புமவள் வாழியே
செங்கமலச் செய்யரங்கம் செழிக்கவந்தாள் வாழியே
சீரங்க நாயகியார் திருவடிகள் வாழியே

ஸ்ரீபெரியப்பிராட்டி தாயார் ஸமேத ஸ்ரீபெரிய பெருமாள் திருவடிகளே சரணம்.

அடியேன்
இராமானுஜம் இராமானுஜதாஸன்
சின்னப்பம்பட்டி
சேலம் மாவட்டம்.