மகா பெரியவா பக்தர்கள்-- தீபம் ஏற்றி வைத்துப் பிரார்த்திப்போம்.

**T.N.Balasubramanian** · **T.N.Balasubramanian** Wed Apr 08, 2020 11:25 am

கடந்த சில தினங்களாக மகா பெரியவா பக்தர்கள் பலரிடம் இருந்து அடியேனுக்கு ஒரு வேண்டுகோள் வந்து கொண்டே இருக்கிறது.
'மாமா... உலகமே ஸ்தம்பிச்சு இருக்கு. இந்த அசாதாரணமான நிலை மாறி சகஜ நிலைமை திரும்பணும்னு ஏதேனும் ஒரு நாள்ல - குறிப்பிட்ட ஒரு நேரத்துல நாம எல்லாரும் அவரவர்கள் இடத்தில் இருந்து மகா பெரியவாளைப் பிரார்த்திக்கலாமே...'
- இதுதான் அந்த வேண்டுகோளின் சாராம்சம்.
இந்தியா மட்டுமல்லாமல் உலக நாடுகள் பலவற்றில் இருந்து இதே கருத்தைச் சொன்னார்கள்.
இன்றைய காலகட்டத்தில் இது அவசியமான ஒன்றாயிற்றே! உலகம் முழுக்க நலம் பெற வேண்டி கருணா சமுத்திரம் - நடமாடும் தெய்வம் மகா பெரியவாளை நாம் அனைவரும் பிரார்த்திப்போம்.
முக்காலமும் உணர்ந்த திரிகால ஞானி அவர்.
காற்றாலும் நீராலும் தனுஷ்கோடியில் பெரும் சீரழிவு ஏற்படப் போகிறது என்பதை முன்பே உணர்ந்தவர் பெரியவா.
விமான விபத்து, ரயில் விபத்து என்று அடுத்து நடக்க இருக்கும் ஆபத்தை முன்கூட்டியே சம்பந்தப்பட்டவர்களுக்கு உணர்த்தி, தன் பக்தர்களைக் காத்தவர் பெரியவா.
இன்றைக்கு நம்மிடம் இருக்கும் கொரோனா அச்சத்தையும் அந்த மகானே அகற்றி, நம் வாழ்வு பிரகாசிக்க வைக்க அவரது திருவடி பணிவோம்.
நாம் அனைவரும் கூடி வழிபாடு நடத்த வேண்டிய நாள்:
09.04.2020 வியாழன் (குருவாரம்)
நேரம்: மாலை 6 மணி
உலகெங்கும் இருக்கிற மகா பெரியவா பக்தர்கள் அனைவரும் பூஜையறையில் அவரது திருவுருவப் படத்துக்கு முன்னால் தீபம் ஏற்றி வைத்துப் பிரார்த்திப்போம்.
எத்தனை தீபம் என்பது உங்கள் விருப்பம்.
குறைந்தது ஒரு தீபம் ஏற்றப்பட வேண்டும்.
கிடைக்கிற புஷ்பங்களை அர்ப்பணியுங்கள்... தெரிந்த மகா பெரியவா நாமாக்களைச் சொல்லுங்கள்.
எல்லோரும் இந்த வேளையில் அந்த மகானிடம் பிரார்த்தியுங்கள் - 'கொரோனா என்கிற அசுரன் ஒழிந்து, உலகில் சகஜ நிலை மீண்டும் திரும்ப வேண்டும்'.
அநாதரட்சகா... ஆபத்பாந்தவா... மகா பெரியவா... உம் திருவடி பணிகின்றோம்.
காத்தருள்வாய் கண் கண்ட தெய்வமே...
அன்புடன்,
பி. சுவாமிநாதன்
--------------------------------------------------------------------------------------------

முகநூலில் வந்த செய்தி.

ரமணியன்

மகா பெரியவா பக்தர்கள்-- தீபம் ஏற்றி வைத்துப் பிரார்த்திப்போம்.

மகா பெரியவா பக்தர்கள்-- தீபம் ஏற்றி வைத்துப் பிரார்த்திப்போம்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக