ஐந்து நிலங்கள்!

**ayyasamy ram** · **ayyasamy ram** Sun Apr 05, 2020 11:26 pm

மலையும் அதனைச் சார்ந்த இடமும்
மனமகிழ் குறிஞ்சி நிலமாகும்!

தலைபடும் அருவி, குகையும் புதரும்
தன்னிலை கொண்ட களமாகும்!

காடும் அதனைச் சார்ந்த இடமும்
கார்தரும் முல்லை நிலமாகும்!

நீடு மரங்கள் விலங்கினம் பறவைகள்
நிரம்பிய அடர்ந்த தளமாகும்!

முல்லை, குறிஞ்சி கோடை பற்றிட
மூண்டது பாலை நிலமாகும்!

கல்லும் மணலும் வறட்சியும் சூழ்ந்த
கானல் பெருகும் களமாகும்!

வயலும் அதனைச் சார்ந்த இடமும்
வளமிக மருதம் நிலமாகும்!

பயனுறு வேளாண்தொழிலை ஏந்தும்
பசுமை சூழ்ந்த தளமாகும்!

கடலும் அதனைச் சார்ந்த இடமும்
கண்கவர் நெய்தல் நிலமாகும்!

கடல்சார் வணிகம் மீன்பிடி தொழிலும்
கருத்தே நிகழும் களமாகும்!
——-
கடம்பை அறிவு
சிறுவர்மணி

**பழ.முத்துராமலிங்கம்** · 27/09/2015

இந்த பதிவைத் துவங்கியவர் நன்றி கூறியுள்ளார் பழ.முத்துராமலிங்கம்

ஐந்து நிலங்கள்!

ஐந்து நிலங்கள்!

Re: ஐந்து நிலங்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக