ஆசைகளைப் பற்றி பரமஹம்சர் என்ன கூறுகிறார்?

ஈகரை தமிழ் களஞ்சியம் :: ஆன்மீகம் :: இந்து

Page 1 of 1 •

ஆசைகளைப் பற்றி பரமஹம்சர் என்ன கூறுகிறார்?

#1316609

ayyasamy ram
வழிநடத்துனர்: பதிவுகள் : 83879
இணைந்தது : 30/09/2013

Post ayyasamy ram Sat Apr 04, 2020 7:52 pm

இன்றைய இளைஞனுக்கு ஷேக்ஸ்பியரைத் தெரியும்;
ஷெல்லியைத் தெரியும்; ஜேம்ஸ்பாண்ட் தெரியும்.
கெட்டுப் போன பின்புதான், அவனுக்குப் பட்டினத்தாரைப்
புரியும்.

ஓய்ந்த நேரத்திலாவது அவன் ராமகிருஷ்ண பரமஹம்சரின்
உபதேசங்களைப் படிப்பானானால், இந்துமதம் என்பது
வெறும் `சாமியார் மடம்’ என்ற எண்ணம் விலகிவிடும்.

நியாயமான நிம்மதியான வாழ்க்கையை நீ மேற்கொள்ள,
உன் தாய் வடிவில் துணை வருவது இந்துமதம்.

ஆசைகளைப் பற்றி பரமஹம்சர் என்ன கூறுகிறார்?

“ஆழமுள்ள கிணற்றின் விளிம்பில் நிற்பவன், அதனுள்
விழுந்துவிடாமல் எப்போதும் ஜாக்கிரதையாக இருப்பதைப்
போல் உலக வாழ்க்கையை மேற்கொண்டவன்
ஆசாபாசங்களில் அமிழ்ந்துவிடாமல் இருக்க வேண்டும்”
என்கிறார்.

“அவிழ்த்து விடப்பட்ட யானை, மரங்களையும் செடி
கொடிகளையும் வேரோடு பிடுங்கிப் போடுகிறது. ஆனால்
அதன் பாகன் அங்குசத்தால் அதன் தலையில் குத்தியதும்,
அது சாந்தமாகி விடுகிறது.”

“அதுபோல, அடக்கியாளாத மனம் வீண் எண்ணங்களில்
ஓடுகிறது.”

“விவேகம் என்ற அங்குசத்தால் அது வீழ்த்தப்பட்டதும்
சாந்தமாகிவிடுகிறது” என்றார்.

அடக்கியாள்வதன் பெயரே வைராக்கியம்.

நீ சுத்த வைராக்கியனாக இரு. ஆசை வளராது. உன்னைக்
குற்றவாளியாக்காது, உன் நிம்மதியைக் கெடுக்காது.
-
------------------------------
அர்த்தமுள்ள இந்துமதம்– கவியரசு கண்ணதாசன்

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: ஆன்மீகம் :: இந்து

Page 1 of 1