300 படங்கள் நடித்துள்ளேன்!

-
தன் சொந்த வாழ்க்கை மற்றும் சினிமா வாழ்க்கை பற்றி,
பிரபல சினிமா நடிகை சுஹாசினி:

சிவகங்கை மாவட்டம், பரமக்குடியில் பிறந்தேன்;
மதுரையில், 13 வயது வரை வளர்ந்தேன். தாத்தா, அங்கே
பிரபலமான வழக்கறிஞராக இருந்தார்.

அரசியல் பிரபலங்கள் பலர், எங்கள் வீட்டிற்குவந்துள்ளனர்.
சினிமா மீது பாட்டிக்குத் தான் ஆர்வம் அதிகம். பள்ளி
சென்று வந்ததும், அவர் என்னை, சினிமாவுக்கு கூட்டிச்
செல்வார்.

சிறு வயதிலேயே நடிக்க துவங்கி விட்ட கமலின்,
படப்பிடிப்புகளுக்கு என்னை அடிக்கடி அழைத்துச் சென்று,
சினிமா மீதான ஆசையை துாண்டி விட்டார்.

பள்ளியில் படிக்கும் போது, மாநில தடகள அணியின்
கேப்டனாக இருந்தேன்; கிரிக்கெட்டும் விளையாடிக்
கொண்டிருந்தேன்.

பள்ளிப்படிப்பை முடித்ததும், அடையாறு பிலிம்
இன்ஸ்டி டியூட்டில், கமல் தான் என்னை சேர்த்து விட்டார்.
ஒளிப்பதிவாளராக வேண்டும் என்ற ஆசையில், அதற்காக
படித்தேன். சில படங்களில், உதவி இயக்குனராக, உதவி
ஒளிப்பதிவாளராக பணியாற்றினேன்.

நெஞ்சத்தை கிள்ளாதே தான் என் முதல் படம். தொடர்ந்து
பல பட வாய்ப்புகள் வந்தன. அவற்றை மறுத்து, பிலிம்
இன்ஸ்டிடியூட்டில், படித்து முடித்தேன்.

பாலைவனச்சோலை படத்தின், 100வது நாள் விழாவிற்கு
பின், ஒளிப்பதிவாளராக இனி இருப்பதில்லை; நடிப்பு தான்
என்பதில் உறுதியாக முடிவெடுத்தேன்.

பல மொழிகளில், பல படங்களில் நடித்து, முன்னணி
நடிகையாக வலம் வந்தேன்; 300 படங்களுக்கு மேல் நடித்து
உள்ளேன்.மணிரத்னம் எனக்கு கணவராக அமைந்தால்,
நன்றாக இருக்கும் என, என் தந்தை சாருஹாசன் நினைத்தார்.

அவர் விருப்பப்படி, மணிரத்னத்தை திருமணம் செய்து
கொண்டேன்.எங்களுக்கு ஒரு மகன் இருக்கிறான்.

லண்டனில், பிஎச்.டி., படிக்கிறான்.திருமணமானதுமே,
'உன் விருப்பம் போல செயல்படலாம்' என, மணிரத்னம்
அனுமதி அளித்து விட்டார். அவருக்கான மரியாதையை
சரியாக கொடுக்கிறேன்.எனக்கான கட்டுப்பாடுகளை
அவர் விதிப்பதில்லை.

இதனால், 32 ஆண்டு களாக, எங்கள் திருமண வாழ்க்கை
சிக்கலின்றி சுழல்கிறது.என் கணவர் மற்றும் மகனுக்கு,
அரசியலில் அதிக ஆர்வம் உண்டு. அவர்கள் நேரடியாக
அரசியலில் இறங்கினால், நிச்சயம், நியாயமான அரசியலை
மேற்கொள்வர்.

'நாம்' என்ற பெயரில், தொண்டு நிறுவனத்தை நடத்தி
வருகிறேன். பெண்களுக்கு தன்னம்பிக்கை, தொழில்
பயிற்சி, சமூகத்தில் நல்ல முறையில் வாழ
வழிகாட்டுதல்களை, அந்த தொண்டு நிறுவனம் மூலம்
செய்கிறேன். நடிகையாக இருப்பதால், நிறைய
மனிதர்களுடன் என்னால் பழக முடிகிறது!
-
----------------------------
நன்றி
சொல்கிறார்கள் -3.4.20 அவள் விகடன் 31.03.20 பக்:26
& சிறப்பு பகுதி, தினமலர்

Code:


பள்ளிப்படிப்பை முடித்ததும், அடையாறு பிலிம்
இன்ஸ்டி டியூட்டில், கமல் தான் என்னை சேர்த்து விட்டார்.
ஒளிப்பதிவாளராக வேண்டும் என்ற ஆசையில், அதற்காக
படித்தேன். சில படங்களில், உதவி இயக்குனராக, உதவி
ஒளிப்பதிவாளராக பணியாற்றினேன்.

நெஞ்சத்தை கிள்ளாதே தான் என் முதல் படம். தொடர்ந்து
பல பட வாய்ப்புகள் வந்தன. அவற்றை மறுத்து, பிலிம்
இன்ஸ்டிடியூட்டில், படித்து முடித்தேன்.





இவர் பிலிம் இன்ஸ்டிடியூட்டில் படித்த அதே கால கட்டத்தில் அதே கேம்ப்பஸில் நான் டெக்ஸ்டைல் இன்ஸ்ட்டிடியூல் படித்தேன் . அப்போது பல முறை அவரை சந்திக்கும் வாய்ப்பு இருந்தது .வருடம் 1978