மதுரை அரசு மருத்துவமனையில் கரோனா சிறப்பு வாா்டு கட்டுமானப் பணி தீவிரம்

-
மதுரை அரசு ராஜாஜி மருத்துவமனையில் கரோனா சிறப்பு வாா்டுகளுக்கான கட்டுமானப் பணி தீவிரமாக நடைபெற்று வருகிறது.

சீனாவில் தொடங்கிய கரோனா வைரஸ் பாதிப்பு, தற்போது உலக முழுவதும் அச்சுறுத்தி வருகிறது. தமிழக அரசும் கரோனா வைரஸ் பாதிப்பை தடுக்கும் வகையில் கல்வி நிறுவனங்களுக்கு விடுமுறை உள்ளிட்ட பல்வேறு நடவடிக்கைகளை மேற்கொண்டு வருகிறது. கரோனா வைரஸ் பாதிப்பு சீனாவில் ஏற்பட்டவுடனேயே, தமிழகத்தில் அனைத்து மாவட்டங்களில் உள்ள அரசு மருத்துவமனைகளில் பிரத்யேக வாா்டு அமைக்க சுகாதாரத்துறை உத்தரவிட்டது. அதன்படி அரசு மருத்துவமனைகளில் அமைக்கப்பட்ட வாா்டுகள் உலக சுகாதார அமைப்பின் விதிமுறைகளின் படி இல்லை.

இதையடுத்து, உலக சுகாதார அமைப்பு விதிமுறைப்படி கரோனா வைரஸ் பாதித்தவா்களுக்கு சிகிச்சை அளிக்கும் வகையில், ரூ. 97 லட்சம் மதிப்பில் மதுரை அரசு ராஜாஜி மருத்துவமனையிலும், ரூ. 96 லட்சம் மதிப்பில் தோப்பூா் காச நோய் மருத்துவமனையிலும், பிரத்யேக வாா்டுகள் அமைக்க தமிழக அரசு உத்தரவிட்டது. இதையடுத்து, மதுரை அரசு ராஜாஜி மருத்துவமனையில் பயன்பாட்டில் இல்லாத பழைய செவிலியா் கல்லூரி கட்டடத்தின் தரை தளத்தில் பிரத்யேக வாா்டு அமைக்கும் பணிகள் தொடங்கி நடைபெற்று வருகிறது.

11 படுக்கைகளுடன் தனியறைகள்

இதில், காத்திருப்பு அறை, பரிசோதனை அறை, நோயாளிகள் அறைகள் உள்ளிட்ட 20 அறைகள் கட்டப்பட்டு வருகின்றன. நோயாளிகள் அனுமதிக்கப்படவுள்ள 11 அறைகளிலும், கழிவறை, குளிா் சாதன வசதி, மருத்துவ உபகரண வசதிகள் ஏற்படுத்தப்படவுள்ளன.

10 நாளில் திறக்கப்படும்

இது குறித்து முதன்மையா் ஜெ. சங்குமணி கூறியது: கரோனா பாதிப்புக்குள்ளான நோயாளிக்கு சிகிச்சை அளிக்கும் வகையில் பிரத்யேக வாா்டு ஏற்பட்டுத்தப் பட்டுள்ளது. இந்த வாா்டில் 8 படுக்கை வசதிகள் மற்றும் பிற வசதிகளும் ஏற்படுத்தப்பட்டுள்ளன. இருப்பினும், பல மருத்துவப் பிரிவுகளுக்கு நடுவில் இருப்பதால் பாதுகாப்பின்மையைக் கருத்தில் கொள்ள வேண்டி நிலை இருந்தது.

தற்போது அரசு உத்தரவின் பேரில் யாருக்கும் இடையூறு ஏற்படாத வகையில் 11 படுக்கைகளுடன் கரோனா சிறப்பு வாா்டு ஏற்படுத்தப்பட்டு வருகிறது. இந்த பணிகள் இன்னும் 10 நாள்களில் முடிவடைந்து வாா்டு பயன்பாட்டிற்கு வரும்.

முன்னெச்சரிக்கை நடவடிக்கை தீவிரம்

கரோனா பாதிப்பை தடுக்கும் வகையில் மருத்துவமனைக்கு வரும் மருத்துவா்கள் உள்ளிட்ட ஊழியா்கள், வெளி நோயாளிகள், பாா்வையாளா்கள் அனைவரும் கை சுத்திகரிப்பான் பயன்படுத்திய பிறகே உள்ளே அனுமதிக்கப்படுகின்றனா். ஊழியா்கள் அனைவருக்கும் முக கவசங்கள் வழங்கப்பட்டு அணிய உத்தரவிடப்பட்டுள்ளது என்றாா்.

தினமணி