மனத்தைத் தூய்மையாக்கும் மூன்று பழக்கங்கள்.

**ayyasamy ram** · **ayyasamy ram** Fri Mar 06, 2020 11:22 pm

மூன்றிலும் பாக்கி வைக்காதே-

கடன், வியாதி, எதிரி இம் மூன்றையும் அடியோடு
அழிக்காமல் பாக்கி வைத்தால் மறுபடியும் பரவிக்
கொண்டே தான் இருக்கும்.
அதனால் பாக்கி வைக்காமல் இவற்றைப் போக்க
வேண்டும்.
--
--------------------------------
-
தூயதாக்கிக் கொள் -

கண்களால் நன்கு பார்த்த பிறகே அடி எடுத்துவை.
உண்மையால் தூய்மை பெற்ற பேச்சைப் பேசு.
மனத்தால் சுத்தமானதெனத் தெளிந்த பின்
அதன்படி நட.
-
---------------------------------
-
அநீதியால் கிடைத்த பொருள் வேண்டாம்-

அநியாயத்தால் ஈட்டிய பொருளைப் பெறுவதைக்
காட்டிலும் தரித்திரமே நல்லது. வியாதியால் வீங்கி
உடல் பருத்து விடுவதை விட இளைத்திருப்பதே
நல்லது.
-
----------------------------------
-
அவன் எதிரி எனச் சொல்லாதே -

யாரையும் அவன் எனக்கு எதிரி என வெளிப்படையாகக்
குறிப்பிடாதே. அல்லது அவனுக்கு நான் எதிரி எனவும்
கூறாதே. தனக்கு ஏற்பட்ட அவமானத்தைத் தானே
வெளிப்படுத்தாதே.
தனது எஜமானன் தன்னிடம் அபிமானத்துடன் இல்லை
என்பதையும் வெளியாக்காதே.
-
----------------------------------------
-
சக்திக்கு மீறி ஈடுபடாதே -

தேகப்பயிற்சி, இரவில் கண் விழிப்பு, வழி நடத்தல்,
அதிக சிரிப்பு, பேச்சு இவற்றில் சக்திக்கு மீறி ஈடுபடாதே.
யானையை இழுக்கத் துணியும் சிங்கம் வலிவிழந்து
மடிவது போல, இவற்றில் சக்திக்கு மீறி ஈடுபடுபவன்
கேடுறுவான்.
-
----------------------------------
-
மனத்தைக் கவர -

தயை, எல்லோரிடத்திலும் நட்பு, ஈகை, இனிமையான
பேச்சு இவற்றுக்கு ஈடாக பிறர் மனதைக் கவரும்
உபாயம் வேறு ஒன்றுமில்லை.
-
-----------------------------------
-
ஒட்டுதலும் பிரிவும் -

பிரிந்ததைக் கஷ்டத்துடன் தான் ஒட்ட வைக்க முடியும்.
சேர்ந்ததைக் கஷ்டப்பட்டுத் தான் பிரிக்க முடியும்.
பிரிந்த பிறகு ஒட்டி ஏற்பட்ட அன்பு கடைசி வரை
வேதனையைத் தான் அளிக்கும்.
-
-----------------------------------
-
மனம் தூய்மை பெற -

பிறர் சொத்தைக் கபடமாக அபகரிக்க எண்ணாதிருத்தல்,
எல்லோரிடமும் நல்லெண்ணம் கொண்டிருத்தல், தான்
செய்யும் ஒவ்வொரு செயலுக்கும் ஒரு பலனுண்டு
(கெட்டது செய்தால் கெட்டதும் நல்லது செய்தால் நல்லதும்
நடக்கும்) என நினைத்தல் இம் மூன்றும் மனத்தைத்
தூய்மையாக்கும் பழக்கங்கள்.
-
----------------------------------
பேராசிரியர் எஸ். சுவாமிநாதன்,
நன்றி- தினமணி

**பழ.முத்துராமலிங்கம்** · 27/09/2015

Code:: மூன்றிலும் பாக்கி வைக்காதே- கடன், வியாதி, எதிரி இம் மூன்றையும் அடியோடு அழிக்காமல் பாக்கி வைத்தால் மறுபடியும் பரவிக் கொண்டே தான் இருக்கும். அதனால் பாக்கி வைக்காமல் இவற்றைப் போக்க வேண்டும்.

இது நூறு சதவீதம் உண்மை...