இணையத்தில் கொரோனா தொடர்பாக நீங்கள் தேடக்கூடாத 10 விஷயங்கள்

Guest · Guest Sat Mar 07, 2020 6:12 pm

கொரோனா (COVAT-19) தொடர்பான பொய்த்தகவல்களும், தவறான தகவல்களும் அதிகம் உலா வரும் நிலையில், இணையத்தில் கொரோனா தொடர்பாக நீங்கள் தேடக்கூடாத 10 விஷயங்கள்

1. முகமுடி அணிவது நல்லது தான். ஆனால் கொரோனா வைரஸ் பரவுவதை தடுக்க என்று தனியே விஷேசமான முகமுடி எதுவும் இல்லை. எனவே, இத்தகைய விஷேச முகமுடிகளை விற்பனை செய்யும் இ-காமர்ஸ் தளங்களை நம்பி ஏமாற வேண்டாம்.

2.N95 வகை முகமுடி மற்ற வகை முகமுடிகளை விட சிறந்தது என சொல்லப்படுவதில் அர்த்தம் இல்லை. முகமுடி மட்டுமே வைரஸ் தாக்குதலில் இருந்து தற்காக்க போதுமானதல்ல என்று மருத்துவ வல்லுனர்கள் வலியுறுத்துகின்றனர். எனவே, குறிப்பிட்ட எந்த வகை முகமுடி குறித்தும் தேட வேண்டாம்.

3.கொரோனா வைரஸுக்கு எந்த அதிகாரப்பூர்வ சிகிச்சையும் இதுவரை இல்லை. எனவே, வைரசை குணமாக்குவதாகச் சொல்லும் எந்த மருந்து அல்லது எண்ணெய் போன்றவற்றை நம்ப வேண்டாம். இவற்றை ஆன்லைனில் நாட வேண்டாம்.

4.கொரோனா வைரஸ் தொடர்பான தகவல்களை அறிமுகம் இல்லாத இணையதளங்களில் தேட வேண்டாம். அதிகாரப்பூர்வமான தளங்கள் மற்றும் மருத்துவ அமைப்பு தளங்கள் தரும் தகவல்களை மட்டுமே நாடவும்.

5.கொரோனா வைரஸை கண்டறிய எந்த அதிகாரப்பூர்வ பரிசோதனைக் கருவிகளும் இல்லை. இவற்றை விற்பனை செய்வதாகச் சொல்லும் தளங்களை நம்ப வேண்டாம்.

6.கொரோனா வைரஸ் தொடர்பான வாட்ஸ் அப் அல்லது டிக் டாக் வீடியோக்களை நம்ப வேண்டாம்.

7.கொரோனா வைரஸ் தொடர்பாக யூடியூப் பிரபலங்கள் அல்லது செல்வாக்காளர்கள் தகவல்களை நம்ப வேண்டாம்.

8.கொரோனா வைரஸ் தொடர்பான மருத்துவ அறிகுறிகளை ஆன்லைனில் தேட வேண்டாம். சந்தேகம் ஏதேனும் இருந்தால் உங்கள் மருத்துவரை நாடவும்.

9.அதிகாரப்பூர்வம் இல்லாத தகவல்கள் , கட்டுரைகள் அல்லது வீடியோக்களை சமூக ஊடகங்களில் பகிர வேண்டாம்.

10.கொரோனா வைரஸ் தொடர்பான இ-மெயில் மோசடிகள் உள்ளிட்டவை குறித்து விழிப்புடன் இருக்கவும்.

மின் அஞ்சல் மூலம் கணினி வைரஸ்/மால்வெயர் உங்கள் கணினிக்குள் ஊடுருவலாம்.

இதுவரை கொரொனா வைரஸ் பற்றி எதுவித ஆய்வுகளும்/ மருந்துகளும்/தடுப்பு மருந்துகளும் கண்டு பிடிக்கப்படவில்லை.
இணைய மூலம் (Whatsapp/Youtube/twitter/Facebook…..) மருத்துவம் பார்க்காதீர்கள்.ஆலோசனை பெறாதீர்கள்.
(இணையம்)

வைரஸ் பற்றி முடிவு செய்வதற்கு இன்னும் காலம் ஆகும்.இப்போது தடுப்பது, மருந்துகள் எதுபற்றியும் சொல்வது இப்போது முடியாது.போலிச் செய்திகளை நம்ப வேண்டாம். Prof.Didier Houssin (WHO)

நாங்கள் முடிந்தவரை பொய்யான செய்திகள் பரவுவதை தடுக்க நடவடிக்கை எடுத்துள்ளோம். -மார்க் சுக்கர்பேர்க் -

YouTube இல் கொரொனா பற்றி காணொளிகளை பதிவிட்டால் demonetize செய்யப்படும் என எச்சரித்துள்ளது.
(வாஷிங்டன் போஸ்ட்/WHO/UNICEF)
..................................................

இதைவிட நம் இணையக் கில்லாடிகளின் வாட்ஸப் பதிவுகள்………
போகரின் பாடலைக் குறிப்பிட்டு………..
அகத்தியர் சொன்னதை சொல்லி………………..
சிலப்பதிகாரத்தில் சொல்லப்பட்டது என ஆதாரம் காட்டி……….
கொரோனா வைரஸ் பற்றி சிலப்பதிகாரத்தில் இரண்டாயிரம் ஆண்டுகளுக்கு முன்பே கூறிய தமிழன் ………….

……...மொத்தத்தில், மக்கள் படிக்கப் போவதில்லை. இவற்றையெல்லாம் சோதிக்கப் போவதில்லை என்ற துணிவில், இந்த செய்திகள் பரப்பப்படுகின்றன. மக்களாகிய நாமும் நமக்கே தெரியாமல் பொய்யைச் சுமந்து கொண்டு போய் பொதுவெளியில் சேர்த்துக் கொண்டிருக்கிறோம். (தமிழ்சமயம்)

என்னமா யோசிக்கிறான் தமிழன்-இதை நல்லவற்றுக்கு பயன்படுத்தினா……..?

**T.N.Balasubramanian** · **T.N.Balasubramanian** Sat Mar 07, 2020 8:23 pm

படித்து தெளிவு பெற வேண்டிய நல்ல தகவல்கள்.

நன்றி.

ரமணியன்

இணையத்தில் கொரோனா தொடர்பாக நீங்கள் தேடக்கூடாத 10 விஷயங்கள்

இணையத்தில் கொரோனா தொடர்பாக நீங்கள் தேடக்கூடாத 10 விஷயங்கள்

Re: இணையத்தில் கொரோனா தொடர்பாக நீங்கள் தேடக்கூடாத 10 விஷயங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக