20 தே நிமிடத்தில், குக்கரில் அருமையான கேக்

**krishnaamma** · **krishnaamma** Mon Feb 24, 2020 12:16 pm

First topic message reminder :

20 தே நிமிடத்தில், குக்கரில் அருமையான கேக் . ஆமாம் , எந்த பிஸ்கெட்டைக் கொண்டும் செய்யலாம். நான் நிறைய முறை செய்துவிட்டேன் , நீங்களும் செய்து பாருங்கள். நம் குழந்தைகள் அல்லது கணவர் அல்லது குடும்பத்தாருக்கு பிறந்தநாள் அன்று செய்து அசத்தலாம் சிரி

20 தே நிமிடத்தில், குக்கரில் அருமையான கேக் - Page 2 Rq8uLbxORY6KdtcB0ilu+8d48d8d2-64b0-4f25-954e-28f5172f73e4

ஆரஞ்சு கிரீம் பிஸ்கட்டில் செய்த கேக் இது !

இதோ அந்த குறிப்பு.

அடுப்பில் குக்கரை வைத்து, அதில் தண்ணீர் விட்டு சூடாக்கத் தொடங்குங்கள்.

200 கிராம் கிரீம் - சாக்கலேட் அல்லது ஆரஞ்சு அல்லது உங்களுக்கு விருப்பமான எந்த flavour ஆனாலும் ஓகே தான் புன்னகை

பிஸ்கட் எடுத்துக் கொள்ளுங்கள்.

பிஸ்கட்டுகளை மிக்சி கிரைண்டரில் போட்டு பொடித்துக் கொள்ளுங்கள்.

கலவையை இப்போது ஒரு கிண்ணத்தில் மாற்றி மெதுவாக பால் சேர்க்கவும், தக்காளி சாஸ் போல இருக்க வேண்டும் (தோராயமாக 1-1.5 கப் பால் தேவைப்படும்.)

வட்டமான ஒரு பாத்திரத்தை எடுத்து வெண்ணெய் அல்லது நெய் கொண்டு கிரீஸ் செய்து கொள்ளவும்.

கலவையில் 6 கிராம் Eno Fruit salt plain உப்பை சேர்த்து கலக்கவும்

நீங்கள் தயாரித்த கேக் கலவையை பாத்திரத்தில் ஊற்றவும்.

இந்த பாத்திரத்தை குக்கரில் வைத்து 20 நிமிடங்கள் நீராவி இல் வைக்க வேண்டும்.

சரியாக 20 நிமிடத்த்தில் , அடுப்பை அணைத்து பாத்திரத்தை வெளியே எடுத்து குளிர விடுங்கள்.

ஒரு தட்டை பாத்திரத்தின் மேல் வைத்து, அதை தட்டுடன் தலைகீழாக்குங்கள்.

பிறகு மெதுவாக பாத்திரத்தின் மேல ஒரு தட்டு தட்டிவிட்டு, பாத்திரத்தை எடுங்கள்.

உங்களின் அருமையான கேக் தட்டில் விழுந்திருக்கும்.

பொறுமையாக துண்டங்கள் போட்டு பரிமாறவும்.

குறிப்பு: தேவையானால், நீங்கள் இந்த கேக்கை, பிரெஷ் கிரீம் அல்லது dry fruits கொண்டு அலங்கரிக்கலாம். அல்லது வெள்ளை சாக்லெட்டை உருக்கி ஊற்றி மேலே
செர்ரி வைக்கலாம் அல்லது டுட்டி புரூட்டி போடலாம்.

**krishnaamma** · **krishnaamma** Mon Feb 24, 2020 1:56 pm

மேரி வனிலா கேக் !

20 தே நிமிடத்தில், குக்கரில் அருமையான கேக் - Page 2 Er41XZxMQISHkwRfqa2c+1d49ba6b-a186-4f8e-85fd-4238704a966c-Copy

அடுப்பில் குக்கரை வைத்து, அதில் தண்ணீர் விட்டு சூடாக்கத் தொடங்குங்கள்.

125 கிராம் மேரி பிஸ்கட் எடுத்துக் கொள்ளுங்கள்.

பிஸ்கட்டுகளை மிக்சி கிரைண்டரில் போட்டு பொடித்துக் கொள்ளுங்கள்.

50 கிராம் சர்க்கரை சேர்த்து பிஸ்கட்டுடன் ஒரு பொடியாக அரைக்கவும்.

அடுப்பில் 30 கிராம் வெண்ணெய் உருக்கி, கலவையில் சேர்க்கவும்.

வெண்ணிலா எசன்ஸ் ஒரு சில துளிகள் கலவையில் சேர்க்கவும்.

கலவையை இப்போது ஒரு கிண்ணத்தில் மாற்றி மெதுவாக பால் சேர்க்கவும், தக்காளி சாஸ் போல இருக்க வேண்டும் (தோராயமாக 1-1.5 கப் பால் தேவைப்படும்.)

வட்டமான ஒரு பாத்திரத்தை எடுத்து வெண்ணெய் அல்லது நெய் கொண்டு கிரீஸ் செய்து கொள்ளவும்.

கலவையில் 5 கிராம் Eno Fruit salt plain உப்பை சேர்த்து கலக்க ஆரம்பிக்கவும்

நீங்கள் தயாரித்த கேக் கலவையை பாத்திரத்தில் ஊற்றவும்.

இந்த பாத்திரத்தை குக்கரில் வைத்து 20 நிமிடங்கள் நீராவி இல் வைக்க வேண்டும்.

சரியாக 20 நிமிடத்த்தில் , அடுப்பை அணைத்து பாத்திரத்தை வெளியே எடுத்து குளிர விடுங்கள்.

ஒரு தட்டை பாத்திரத்தின் மேல் வைத்து, அதை தட்டுடன் தலைகீழாக்குங்கள்.

பிறகு மெதுவாக பாத்திரத்தின் மேல ஒரு தட்டு தட்டிவிட்டு, பாத்திரத்தை எடுங்கள்.

உங்களின் அருமையான கேக் தட்டில் விழுந்திருக்கும்.

பொறுமையாக துண்டங்கள் போட்டு பரிமாறவும்.

குறிப்பு: தேவையானால், நீங்கள் இந்த கேக்கை, பிரெஷ் கிரீம் அல்லது dry fruits கொண்டு அலங்கரிக்கலாம். அல்லது வெள்ளை சாக்லெட்டை உருக்கி ஊற்றி மேலே
செர்ரி வைக்கலாம் அல்லது டுட்டி புரூட்டி போடலாம்.

குறிப்பு 2: இதில் நீங்கள் கிரீம் பிஸ்கட் பயன்படுத்தினால், சர்க்கரை, வெண்ணெய் மற்றும் எசென்ஸ் ஆகியவற்றின் கலவையைத் தவிர்க்கலாம் .. கிரீம் தானே இனிப்பு சுவை தரும் என்பதால்