உத்தர பிரதேசம்: 3000 டன் தங்க சுரங்கம் - எப்போது அகழாய்வு? - விரிவான தகவல்கள்

-
சோன்பத்ரு மாவட்டத்தின் மலைபகுதியில் இருந்து
நிலக்கரி எடுத்துசெல்லும் பெண்.
---

இந்தியாவின் புவியியல் ஆய்வுக் குழு சோன்பத்ரில்
கடந்த பதினைந்து ஆண்டுகளாக ஆய்வு மேற்கொண்டு
வருவதாகக் கூறப்படுகிறது.

சோன்பத்ரில் தங்கம் புதைந்து கிடப்பது எட்டு
ஆண்டுகளுக்கு முன்பே புவியியல் ஆய்வு குழுவால் உறுதி
செய்யப்பட்டது.

இந்த நிலத்தில் உள்ள தங்கத்தைத் தோண்டி எடுக்கும்
நோக்கத்துடன் இணையம் மூலம் நிலத்தை ஏலம் விட்டு
விற்பனை செய்யவும் உத்தர பிரதேச அரசாங்கம் முடிவு
செய்துள்ளது.

இதே சோன்பத்ர மாவட்டத்தில் யுரேனியம் இருப்பதும்
கண்டறியப்பட்டுள்ளது. இது தொடர்பாகவும் மத்திய
அரசாங்க குழுக்கள் சில ஆய்வு நடத்தி வருகின்றனர்
என சுரங்க துறை அதிகாரி கே கே ராய் கூறினார்.

1000 டன் தங்கம், இரும்பு தாதுகள்
படத்தின் காப்புரிமைGETTY IMAGES
சோன்பத்ர மலைப்பகுதியில் மூவாயிரம் டன் தங்கம்
புதைந்திருப்பதாக இந்திய புவியியல் ஆய்வு குழு கூறுகிறது.
மேலும் 600 கிலோ தங்கம் ஹார்டி பகுதியில் புதைந்திருப்பதும்
கண்டறியப்பட்டுள்ளது. இதுமட்டுமின்றி புல்வார் மற்றும்
சலையாதி உள்ளிட்ட பகுதிகளில் இரும்பு தாதுகள் இருப்பதும்
கண்டறியப்பட்டுள்ளது.

இந்த தாதுக்களிலும் தங்கம் கலந்திருக்கும் என
எதிர்பார்க்கப்படுகிறது.

2005ம் ஆண்டு சோன்பத்ர மாவட்டத்தில் தங்கம் இருக்கிறதா
என்பதைக் கண்டறிய ஆய்வுகள் தொடங்கியது.

2012ம் ஆண்டு தங்கம் இருப்பது உறுதி செய்யப்பட்டது.
ஆனால் சுரங்கத்தை தோண்டுவதற்கான எந்த பணிகளும்
மேற்கொள்ளப்படவில்லை. இந்நிலையில் தற்போது நிலத்தை
ஏலம் விடுவதற்காக 7 பேர் கொண்ட குழுவை உத்தர பிரதேச
அரசாங்கம் அமைத்துள்ளது.


பெரிய அளவில் கனிம வளங்கள் கிடைக்கும் என்பதால்
சோன்பத்ர மாவட்டத்தில் ஹெலிகாப்டர் உதவியுடன் ஆய்வு
மேற்கொள்ளப்பட்டது.

நிலத்தில் உள்ள கனிம வளங்கள் குறித்து ஆய்வு மேற்கொள்ளும்
கருவிகளை ஹெலிகாப்டரின் கீழ் பகுதியில் கட்டி தொங்கவிட்டு,
நிலத்திலிருந்து 100 மீட்டர் உயரத்திலிருந்து இந்த ஆய்வு
மேற்கொள்ளப்பட்டது.

08 ஏக்கர் நிலப்பரப்பில் தங்கம் உள்ளது கண்டறியப்
பட்டுள்ளதாக சோன்பத்ர மாவட்டத்தின் மாவட்ட ஆட்சியர்
ராஜலிங்கம் தெரிவித்துள்ளார். மேலும் உத்தர பிரதேசத்தின்
பல்ராம்பூர் பகுதியிலும், மத்தியப் பிரதேசத்தின் சிங்ரவுலி
மாவட்டத்திலும் ஜார்கண்ட் மாநிலத்தின் கார்வா மாவட்டத்திலும்
ஹெலிகாப்டர் பயன்படுத்தி கனிம வளங்கள் குறித்து ஆய்வு
நடத்தப்பட்டு வருகிறது.

இது குறித்து உள்ளூர் செய்தியாளர் தியான் பிரகாஷ் சதுர்வேதி
கூறுகையில், ''சோன்பத்ர மாவட்டத்தை ஆட்சி செய்த மன்னர்
பரியர் ஷாவின் கோட்டை இங்கு உள்ளது. கோட்டைக்கு
சொந்தமான தங்கம் மற்றும் வெள்ளி பொருட்கள் பல மன்னரின்
கோட்டைக்கு இரு புறமும் உள்ள சோன் பஹாடி, ஷிவா பஹாடி
மலைப்பகுதிகளில் புதைத்து வைக்கப்பட்டுள்ளது.

இவரின் காலகட்டத்தில் விலை மதிப்புமிக்க பல உலோகங்கள்
கண்டுபிடிக்கப்பட்டது.'' என்றார்.
-
----------------------------
சமீரத்மாஜ் மிஷ்ரா
பிபிசி ஹிந்தி
நன்றி- பிபிசி-தமிழ்

இந்த செய்தியைக் கேட்டதும் தோன்றியதை கற்பனைக்கதையாக எழுதி இங்கு பதிவு போட்டுள்ளேன் அண்ணா, படித்துப் பாருங்கள் ............... ..........இந்தியாவுக்கு நல்ல காலம் பிறந்து விட்டது என்றே எண்ணுகிறேன்

தமிழிலும் கேட்கலாம்/பார்க்கலாம்.

இதையெல்லாம் கொண்டு போக ஒருவன் வருவான்.போனவனை பிடிக்க இந்தியா உலகமெலாம் தேடும்.

ஊருக்கு காரணப் பெயரோ?
சோன்பத்ரா என்றால்
சோன் பத்தர் என்றால் தங்க கல்
சோன் பத்ர என்றால் தங்க இலை
எப்பிடியோ வட இந்திய பொன்மலை என்று சொல்வோம்.

ரமணியன்

இந்திய புவியியல் ஆய்வு மையம் வெளியிட்டுள்ள அறிக்கை:
-
உத்தரப்பிரதேச மாநிலத்தில் 3,350 டன் அளவில் தங்கம் ஏதும்
கண்டுபிடிக்கவில்லை,

மாறாக வேறு தாதுக்கள் தான் கண்டுபிடிக்கப்பட்டுள்ளது.
அந்த தாதுக்களில் இருந்து தங்கத்தை பிரித்து எடுத்தால் வெறும்
160 கிலோ தங்கம் தான் கிடைக்க வாய்ப்புள்ளதாகவும் அந்த
அறிக்கையில் கூறியுள்ளது.

ஆனால் இது கூட தோராயமான அறிக்கை தானாம்.
பிரித்து எடுத்தால் தானே தெரியவரும். எது எவ்வளவு மதிப்புடையது
என்று.
-
-----------------------------
தமிழ் குட் ரிட்டர்ன்ஸ்