தவறான செய்கையால் முறிந்த நட்பு .

ஒரு கிராமத்தில் ஒரு தையல்காரன் ஒருவன் இருந்தான் .
அதே கிராமத்தில் ஒரு கோயில் பூசாரியிடம் ஒரு யானை
இருந்தது . அந்த யானை தினமும் பக்கத்தில் இருக்கும்
குளத்தில் குளிப்பதற்காக அந்த தையல்காரன் கடையை
தாண்டி தான் செல்லும் .

ஒருநாள் தையல்காரன் அந்த யானைக்கு ஒரு சில
வாழைப்பழங்களை கொடுத்தான். யானை பழங்களை
வாங்கி கொண்டு மிகவும் மகிழ்ச்சி அடைந்தது.
அதன் பிறகு அந்த யானை தினமும் தையல்காரரிடம்
வந்து ஏதேனும் ஒரு திண்பண்டத்தை வாங்கி உண்பதை
வழக்கமாகக் கொண்டது.

குளத்திற்கு செல்லும் பொழுது தின்பண்டத்தை வாங்கி
உண்பதும் குளித்து விட்டு திரும்பும் போது அது தினமும்
குளத்தில் இருக்கும் தாமரை மலரைக் கொண்டு வந்து
தையல்காரரிடம் கொடுப்பதுமாக இருந்தது .
இருவரும் நெருங்கிய நண்பர்கள் ஆயினர்.

அந்த ஊர் மக்கள் அனைவரும் இந்த தையல்காரர் மற்றும்
யானையின் நட்பை கண்டு ஆச்சரியமாகப் பார்த்தனர்.
ஒருநாள் தையல் காரனுக்கு அதிகமான வேலை இருந்தது.
யானை அந்தப் பக்கம் வந்த போது தையல்காரனிடம்
திண்பணத்திற்காக துதிக்கையை நீட்டியது.

வேலை அதிகமாக இருந்ததால் அவன் யானைக்கு
வாழைப்பழம் கொடுக்க மறந்து விட்டான்.

யானை தையல்காரரை தன்னை பார்க்க வைக்கும் விதமாக
வேகமாக கத்தியது . தையல்காரர் யானையைப் பின்னே
செல்லுமாறு செய்கையால் கூறினான் ஆனால் அதைப் புரிந்து
கொள்ளாத யானை துதிக்கையை மேலும் உள்ளே நுழைத்தது.

கோபம் கொண்ட தையல்காரன் யானையின் துதிக்கையை
ஒரு தூசியால் குத்தினான்.

யானை வலி பொருக்காமல் அழுதுகொண்டே குளத்திற்கு
குளிக்க சென்றது. திரும்பி வரும்போது தாமரை மலருக்கு
பதிலாக தன் வாய் நிறைய சேற்று தண்ணீரை எடுத்துக்
கொண்டு வந்து தையல்காரன் தவறான செய்கையால்
அவன் மேலே தெளித்தது .

ஊர் மக்கள் அனைவரும் அவன் செய்கையை கண்டு
காறித் துப்பினார்..

அடுத்த நாள் அவன் ஒரு சீப்பு வாழைப்பழத்தை அந்த
யானைக்கு கொடுத்தான் ஆனால் யானை பழங்களை
ஏற்கவில்லை..

அவனது தவறான செய்கையால் நட்பு முறிந்தது ..
-
---------------------------------------
படித்ததில் பிடித்தது

ம்ம்... அதிக் கொஞ்சம் வேறுமாதிரி சிறு வயதில் படித்துளேன் அண்ணா ...அதை நினைவுக்கு கொண்டுவந்து விட்டிர்கள், நான் இப்பொழுதே பாட்டி தாத்தா கதைகளில் இதையும் போடுகிறேன்