நான் புர்கா போடுவது பத்தி உங்ககிட்ட கேட்டேனா?: சர்ச்சை எழுத்தாளருக்கு ரஹ்மான் மகள் பொளேர்

இசைப்புயல் ஏ.ஆர். ரஹ்மானின் மகள் கதிஜா எப்பொழுதும் புர்கா அணிந்து தான் வெளியே வருவார். ரஹ்மான் விழா மேடையில் ஒரு முறை புர்காவுடன் வர அவரை பலரும் விமர்சித்தார்கள். அம்பானி வீட்டு விசேஷத்தில் கூட கதிஜா புர்காவில் தான் இருந்தார். அவர் விரும்பி புர்கா அணிகிறார். இந்நிலையில் சர்ச்சை எழுத்தாளர் தஸ்லிமா நஸ்ரின் ட்விட்டரில் கூறியிருப்பதாவது, எனக்கு ஏ.ஆர். ரஹ்மான் இசை என்றால் பிடிக்கும். ஆனால் அவரின் அருமை மகளை பார்க்கும்போது மூச்சு முட்டுகிறது. படித்த பெண்கள் கூட எளிதில் மூளைச்சலவை செய்யப்படுவது வருத்தம் அளிக்கிறது என்றார்.

கதிஜா ரஹ்மான் கண்கள் மட்டும் தெரியும்படி புர்கா அணிவதை தான் தஸ்லிமா இப்படி விமர்சித்தார். அதை பார்த்த கதிஜா தஸ்லிமாவுக்கு தக்க பதில் அளித்துள்ளார். கதிஜா இன்ஸ்டாகிராமில் கூறியிருப்பதாவது, ஓராண்டு தான் ஆகிறது இந்நிலையில் மீண்டும் இந்த பேச்சு கிளம்பியுள்ளது. நாட்டில் பல விஷயங்கள் நடக்கிறது. ஆனால் ஒரு பெண் அணிந்திருப்பது பற்றி தான் மக்களுக்கு அக்கறை. ஒவ்வொரு முறை இந்த டாபிக் வரும்போதும் நிறைய சொல்ல வேண்டும் போன்று உள்ளது என்கிறார் கதிஜா.

நான் எடுத்த முடிவுகளை நினைத்து வருத்தப்பட மாட்டேன். நான் செய்வதை நினைத்து மகிழ்ச்சியாகவும், பெருமையாகவும் உள்ளது. என்னை அப்படியே ஏற்றுக் கொண்டவர்களுக்கு நன்றி. என் வேலை எனக்காக பேசும். மேலும் எதுவும் கூற விரும்பவில்லை. என் உடையை பார்த்து உங்களுக்கு மூச்சு திணறுவதற்கு சாரி டியர் தஸ்லிமா நஸ்ரின். எனக்கு மூச்சு முட்டவில்லை. மாறாக நான் பெருமைப்படுகிறேன் என்று கதிஜா கூறுகிறார்.

உண்மையான பெண்ணியம் என்றால் என்னவென்று கூகுள் செய்து பார்க்குமாறு பரிந்துரைக்கிறேன். ஏனென்றால் பிற பெண்களை விமர்சிப்பதும், அவர்களின் தந்தையை அந்த விவகாரத்தில் ஈடுபடுத்துவதும் பெண்ணியம் இல்லை. பரிசீலனை செய்யக் கோரி என் புகைப்படத்தை நான் ஒன்றும் உங்களுக்கு அனுப்பி வைக்கவில்லை என்று தெரிவித்துள்ளார் கதிஜா.
(சமயம்)

நீதா அம்பானியுடன் ரஹ்மான் குடும்பம்.



அவரவர் விருப்பத்திற்கு அணியும் உடை ,ஏன் ஒரு வருடத்திற்குப் பின் மீண்டும் ஆரம்பித்த விவாதம்.SI ஆக இருப்பவர்களின் தேவையற்ற செயல்.

தகவலுக்கு நன்றி ஐயா.

நாம் அவரின் தலையைப் பற்றிக் கேட்டோமா?அவர் ஏன் நம் உடையைப் பற்றி காமெண்ட் கொடுக்கிறார்?
கொடுத்ததால் தான் விசா கிடைத்தது

புர்கா போடுவதை முஸ்லீம் பெண்களே பாரமாக நினைக்காத போதுமற்றவர்கள் ஏன் இதில் தலையிடுகிறார்களோ???? வெறும்வாயை மெல்ல முடியாம அவல் கேக்குது போல இந்தம்மாவுக்கு.