பெண்ணென்று சொல்வேன் - (கவிதை) - தொடர்பதிவு

**ayyasamy ram** · **ayyasamy ram** Sat Feb 15, 2020 8:42 pm

அச்சுறுத்திய கள்ளிப்பாலும் நெல்மணிகளும் இன்று
மண் பார்த்து வெட்கி தலை கவிழ,
பெண்மை போற்றும் தமிழ் மண்ணில்
பெருமையுடன் பெண்ணென்று சொல்வேன் !

அடுப்படியே வாழ்வின் எல்லையென்ற பெண்களுக்குள்
வீரமங்கை வேலுநாச்சியாரும் , ராணி இலக்குமிபாயும்
இந்நாளில் மறுபிறவியாய் உரு கொள்ள
இன்று எல்லையில் காவல் வீராங்கனைகளாய் !

விவசாயம் முதல் விண்வெளி ஆராய்ச்சி வரை
ஒவ்வொரு துறையிலும் பெண்கள் திறன் காட்ட,
பெண்ணுரிமைக்காக திடத்துடன் குரல் கொடுக்க,
பெண்களை வழி நடத்தியதே பெண்கல்வி !

அழகு வர்ணனைகளில் மனம் மயங்காது
விவேகத்துடன் சிந்தித்து செயல்பட்டு
தன்னையே செதுக்கும் பெண் சிற்பிகளை
பெருமிதத்துடன் பெண்ணென்று சொல்வோம் !
=====================
- தனலட்சுமி பரமசிவம்

**ayyasamy ram** · **ayyasamy ram** Sat Feb 15, 2020 8:44 pm

*
கோழைகள் பேடிகள்,
மானமிலாது பிழைக்கினும்
உயிர்வாழ்வு பெரிதென
யாவும் துறந்து ,மாண்பை மறந்து
கண்ணீர் விட்ட கதையையே
கண்டது தூக்குக் கயிறு ;

சுதந்திரம் பெரிதென முத்தமிட்டுத்
தானே மாட்டித் தூக்கடா
என்று கண்ணைக்காட்டிய
வீர பாண்டியக் கட்டபொம்மனின்
முதல் முத்தம் பெற்று இளகியது
==================
- -கவிஞர் வையவன்

**ayyasamy ram** · **ayyasamy ram** Sat Feb 15, 2020 8:46 pm

அவளின் மேனி என்னோடு இல்லை
அதனால் எனக்கொரு
கவலை இல்லை;
அவளின் மனதோ என்னோடு இருக்கிறது
அதனால் எனக்கொரு துக்கம் இல்லை

சுத்தமான பெண்ணென்று
சொல்வேன்;
எனது ஆண்மையின் மீது அவளுக்கு மோகமில்லை;
எனது அந்தஸ்தின் மீது அவளுக்கிம்மி ஆசையில்லை;
ஏழ்மை மீது அவளுக்கொரு அவமானமில்லை
எனில் பெண்ணென்று சொல்வேன்;

எனது தாழ்மையின் மீது அவளுக்கு அறுவறுப்பில்லை
எனது உள்ளத்தின் மீதவளின் விருப்பம் கொள்ளை
அதனால் மறக்கமுடியவில்லை அவளே
பெண்ணென்று சொல்வேன்

இதில் வேஷமோ தோஷமோ யில்லை
அவள் என்னிடமோ
நான் அவளிடமோ காதலை வினவவே யில்லை;
இறைவன் சேர்ப்பானோ மாட்டானோ தெரியாது
ஆனாலும் பெண்ணென்று
சொல்வேன்;

சேரும் நாள் வரும்வரை பிரிவு வராது இருக்கட்டுமே
பாறைக்குள்ளும் தேரை நட்பின்றி ஒட்டு
உறவின்றி தனிமையில்
உயிர் வாழ்ந்து கொண்டுள்ளது போல் இருவருமே வாழ்ந்து
கொண்டு இருப்பதாலப் பூவை உரிமை பெண்ணென்று
சொல்வேன்
======================
- ஆபிரகாம் வேளாங்கண்ணி கண்டம்பாக்கத்தான்

Sponsored content · Sponsored content

பெண்ணென்று சொல்வேன் - (கவிதை) - தொடர்பதிவு

பெண்ணென்று சொல்வேன் - (கவிதை) - தொடர்பதிவு

Re: பெண்ணென்று சொல்வேன் - (கவிதை) - தொடர்பதிவு

Re: பெண்ணென்று சொல்வேன் - (கவிதை) - தொடர்பதிவு

Re: பெண்ணென்று சொல்வேன் - (கவிதை) - தொடர்பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக