ஓடினாள் ..ஓடினாள் ..மாரத்தானில் ஓடினாள் ..பிள்ளைகள் கைவிட்டதால் ஓடினாள்.

ஓடினாள் ..ஓடினாள் ..மாரத்தானில் ஓடினாள் ..பிள்ளைகள் கைவிட்டதால் ஓடினாள்.'.வறுமையில் வாடி,பணம் தேடி,ரன்னிங் ஓடி புருஷனை காத்த பாட்டி

முதியோர்களை கைவிட்டு,பிள்ளைகளால் அம்போவென அலையவிடும் போக்கு இந்த கம்ப்யூட்டர் யுகத்தில் பெருகி வருகிறது.அப்படி அனாதையாக்கப்பட்ட ஒரு முதிய தம்பதிகளில்,ஒரு பாட்டி தனது கணவனின் மருத்துவ செலவுக்கு மாரத்தான் ஓடி அதில் பரிசு பெற்ற பணத்தில் வைத்தியம் பார்த்து கணவனை காப்பாற்றினார்.

மஹாராஷ்டிராவில் புனேவில் லதா பகவான் கரே என்ற 68 வயது பாட்டியும் அவரது கணவரும் தங்களது மூன்று மகள்களுக்கு கூலி வேலை செய்து சேமித்த பணத்தில் சீரும் சிறப்புமாக திருமணம் செய்து கொடுத்தனர்.பிறகு இருவரும் ஆதரவின்றி தனியாக வசித்து கூலி வேலைக்கு போய் வறுமையில் வாடி வந்தனர்.அப்போது அந்த லதா பாட்டியின் கணவருக்கு திடீரென உடல்நலக்குறைவு ஏற்பட்டு மருத்துவமனையில் அனுமதிக்கப்பட்டார். அவரின் மருத்துவ செலவுக்கு பாட்டி உறவினர் அனைவரிடமும் உதவி கேட்டுபோனார்.ஆனால் யாரிடமிருந்தும் பெரிய அளவில் பண உதவி கிடைக்காத பாட்டி மனம் நொந்தார்.

பிறகு ஒரு தினசரி பத்திரிகையில் மாரத்தான் ஓட்டப்பந்தயம் நடப்பதையும்,அதில் கலந்து  கொண்டு வெற்றிபெற்றால் பணம் பரிசுகள் கிடைப்பதையும் அறிந்து அதில் கலந்து கொண்டு ஓட முடிவு செய்தார்.

அவர் முதன்முதலாக 2013ம் ஆண்டு நடைபெற்ற முதல் மாரத்தானில் ஓட ஆரம்பித்தபோது சிலர் கேலியும் கிண்டலும் செய்தனர்.அதையும் மீறி அந்த பாட்டி  16 வயது சிறுவர்களுக்கிணையாக,வெறும்காலுடன் ,ரத்தம் சொட்ட சொட்ட  ஓடி வெற்றி பெற்று 5000 ரூபாய் பரிசாக வென்றார்.

இப்படி ஒவ்வொரு ஆண்டும் அவர் மாரத்தானில் ஓடி பரிசு பணம் வென்று கணவனை காப்பாற்றி இப்போது தனக்கென ஒரு வீடும் கட்டப்போகிறார்.இவரைப்பற்றி கேள்விப்பட்ட உள்நாடு,வெளிநாடு ஊடகங்கள் செய்திகள் வெளியிட்டது.மேலும் சினிமா டைரக்டர் நவீன் தேஷாபோயின இவரைப்பற்றி ஒரு திரைப்படம் எடுத்துள்ளார்.
BBC