4.5 லட்சம் கழிப்பறைகளை காணோம்

by Guest Tue Feb 11, 2020 8:40 pm

போபால் : மத்திய பிரதேசத்தில்துாய்மை இந்தியா திட்டத்தின் கீழ் 540 கோடி ரூபாய் மதிப்பில் கட்டப்பட்டதாக கூறப்படும் 4.5 லட்சம் கழிப்பறைகள் காணாமல் போனதால் அதிகாரிகள் அதிர்ச்சியடைந்துள்ளனர்.

மத்திய பிரதேச மாநிலத்தில் முதல்வர் கமல்நாத் தலைமையிலான காங். ஆட்சி நடக்கிறது. கடந்த 2012ம் ஆண்டு மாநிலத்தில் எடுக்கப்பட்ட ஆய்வில் வறுமை கோட்டிற்கு கீழ் இருக்கும் 62 லட்சம் பேர் கழிப்பறை வசதிகள் இல்லாமல் இருந்தது தெரியவந்தது. இதையடுத்து தூய்மை இந்தியா திட்டத்தின் கீழ் மத்திய அரசிடம் இருந்து 540 கோடி ரூபாய் நிதியை பெற்று அவர்களுக்கு 4.5 லட்சம் கழிப்பறைகள் கட்டிக்கொடுக்கப்பட்டதாக தெரிவிக்கப்பட்டது.

இந்நிலையில் துாய்மை இந்தியா திட்டத்தின் மாநில இயக்குநர் தலைமையில் சமீபத்தில் ஆய்வு மேற்கொள்ளப்பட்டது.சுமார் 21 ஆயிரம் தன்னார்வலர்கள் உதவியுடன் நேரில் சென்று நடத்தப்பட்ட அந்த ஆய்வில் கட்டிமுடிக்கப்பட்டதாக கூறப்படும் 4.5 லட்சம் கழிப்பறைகளும் நிஜத்தில் இல்லாதது தெரியவந்தது. புதிய கழிப்பறைகளுக்கு முன் மக்கள் நிற்கும் புகைப்படங்கள் ஆதாரமாக சமர்ப்பிக்கப்பட்டிருந்தன. அவை அனைத்தும் போலியானவை என்பதும் கண்டுபிடிக்கப்பட்டது.

கட்டிமுடிக்கப்பட்டதாக கூறப்படும் கழிப்பறைகளுக்கு ஆன 540 கோடி ரூபாய் நிதி எங்கு சென்றது என்ற மிகப்பெரிய கேள்வி எழுந்துஉள்ளது. இரண்டாம் கட்ட ஆய்வை அதிகாரிகள் விரைவில் மேற்கொள்ள இருக்கின்றனர்.

(தினமலர்)

by **ayyasamy ram** Tue Feb 11, 2020 9:24 pm

by **ayyasamy ram** Tue Feb 11, 2020 9:32 pm

டாய்லெட்ட காணோம்...காணாமல் போன 250 லட்சம் கழிவறைகள்
-
ஊழலால் நாடு முழுவதும் சுமார் 250 லட்சம் கழிவறைகள்
கட்டுப்பட்டுள்ளதாக பொய்க் கணக்குக் காட்டப்பட்டுள்ளதாக
மத்திய தணிக்கைத் துறையின் அறிக்கையில் கூறப்பட்டுள்ளது.
--
Hindustan Times | Updated:Dec 9, 2015, 01:12PM இஷ்ட
-
2015 ம் ஆண்டிலேயே இந்த குறைபாடு
கண்டு பிடிக்கப்பட்டுள்ளது
-
மத்திய தணிக்கைத் துறையின் அறிக்கை
மீது அரசு தரப்பில்
எடுக்கப்பட்ட நடவடிக்கை என்ன என்பதே கேள்வி?