'ஆக்ஸ்போர்டு' அகராதியில் இடம்பிடித்த, 'ஆதார்'

புதுடில்லி:'
ஆக்ஸ்போர்டு' அகராதியின் சமீபத்திய பதிப்பில், 'ஆதார், ஷாதி' உள்ளிட்ட, ௨௬ புதிய இந்திய ஆங்கில வார்த்தைகள் இடம்பெற்றுள்ளன.

புகழ்பெற்ற ஆக்ஸ்போர்டு அகராதியின், 10வது பதிப்பு நேற்று முன்தினம் வெளியானது. புதிய பதிப்பில், இந்திய மக்களின் தனித்துவ அடையாளமான, ஆதார் உள்ளிட்ட, 26புதிய ஆங்கில வார்த்தைகள் இடம்பெற்றுள்ளன.

கவனம்

அதேபோல், 'சால், டப்பா, ஹர்தால், ஷாதி' உள்ளிட்ட இந்திய வார்த்தைகளும், ஆக்ஸ்போர்டு அகராதியின் புதிய பதிப்பில் இணைக்கப்பட்டுள்ளன.இந்த அகராதியில் மொத்தம், 384 இந்திய ஆங்கில வார்த்தைகள் உள்ளன. இந்த பதிப்பில் சாத்பாட், பேக் நியூஸ், மைக்ரோ பிளாஸ்டிக் உள்ளிட்ட, 1,000 புதிய வார்த்தைகள் சேர்க்கப்பட்டுள்ளன.

இதுபற்றி, ஆக்ஸ்போர்டு பதிப்பின் கல்விப்பிரிவு நிர்வாக இயக்குனர், பாத்திமா தாதா கூறியதாவது:பல ஆண்டுகளாக, மொழி மாற்றம் மற்றும் அதன் பரிணாம வளர்ச்சியில், ஆக்ஸ்போர்டு அகராதி கவனம் செலுத்துகிறது. இதனால் அகராதியின், 10வது பதிப்பில், 26 புதிய இந்திய ஆங்கில வார்த்தைகள் இடம் பிடித்துள்ளன.

இந்த, 26 புதிய வார்த்தைகளில், 22 வார்த்தைகள் அச்சு பதிப்பிலும், நான்கு வார்த்தைகள் டிஜிட்டல் பதிப்பிலும் சேர்க்கப்பட்டுள்ளன. ஆதரவுபுதிய, இந்திய ஆங்கில சொற்களாக, பஸ் ஸ்டாண்ட், எப்.ஐ.ஆர்., நான் வெஜ், டீம்டு யுனிவர்சிட்டி, டெம்போ, டியூப் லைட், வெஜ் மற்றும் வீடியோகிராஃப் உள்ளிட்டவை இடம்பெற்றுள்ளன.

அகராதியின், 10 வது பதிப்பில், வலுவான டிஜிட்டல் ஆதரவு அமைப்பு பொருத்தப்பட்டு உள்ளது. இது, கற்பவர்களையும், அவர்களின் கற்றல் தேவைகளையும், அடிப்படையாக கொண்டு அமைக்கப்பட்டுள்ளது. இவ்வாறு, அவர் கூறினார்.

தினமலர்