ஆந்திராவில் மேல்சபை கலைக்கப்படும்:அமைச்சரவையில் தீர்மானம் நிறைவேற்றம்

**ayyasamy ram** · **ayyasamy ram** Tue Jan 28, 2020 7:07 am

அமராவதி :ஆந்திராவில், மூன்று தலைநகரங்கள் மசோதாவை
நிறைவேற்ற முடியாததால், செயல்பாட்டில் உள்ள மேல்சபை
கலைக்கப்படும் என, அமைச்சரவை தீர்மானம் நிறைவேற்றியது.

ஒப்புதல்

ஆந்திராவில், முதல்வர் ஜெகன்மோகன் ரெட்டி தலைமையில்,
ஒய்.எஸ்.ஆர்., காங்கிரஸ் ஆட்சி நடக்கிறது. இம்மாநிலத்தில்,
சட்டசபை மட்டு மின்றி மேல்சபையும் செயல்பாட்டில் உள்ளது.
ஆந்திர சட்டசபையில் நிறைவேற்றப்படும் தீர்மானங்களை,
மேல்சபையின் ஒப்புதலுக்கு அனுப்பி வைக்க வேண்டும் என,
விதிகள் உள்ளன.

ஆந்திர மேல்சபையில், ஒய்.எஸ்.ஆர்.காங்., கட்சிக்கு ஒன்பது
உறுப்பினர்கள் மட்டும் உள்ளனர். எதிர்க்கட்சியான தெலுங்கு
தேசத்திற்கு, 28 உறுப்பினர்கள் உள்ளனர். தெலுங்கு தேச
உறுப்பினர்களின், ஆறு ஆண்டு பதவிக்காலம், 2021ல்
முடிவடையும் நிலையில், ஒய்.எஸ்.ஆர்.காங்., மேல்சபையில்
பெரும்பான்மை பலம் பெறும்.

இந்நிலையில், ஆந்திர மாநிலத்திற்கு மூன்று தலைநகரங்கள்
அமைப்பது உள்ளிட்ட, இரண்டு மசோதாக்கள் சட்டசபையில்
நிறைவேற்றப்பட்டு, மேல்சபையின் ஒப்புதலுக்கு அனுப்பப்பட்டன.

யோசிக்க வேண்டும்

மேல்சபையில், ஒய்.எஸ்.ஆர்.காங்., கட்சிக்கு பெரும்பான்மை
இல்லாததால், இந்த மசோதாக்களை நிறைவேற்ற முடியவில்லை.
தெலுங்கு தேசம் கட்சி உறுப்பினர்களின் கோரிக்கையை ஏற்று,
மசோதாக்கள், சிறப்பு குழுவின் பரிசீலனைக்கு அனுப்பி
வைக்கப்பட்டன.

இதைத் தொடர்ந்து, சட்டசபையில் முதல்வர் ஜெகன்மோகன்ரெட்டி
கூறும்போது, ''அரசியல் நோக்கங்களுடன் மட்டுமே செயல்படும்
மேல்சபை, நமக்கு தேவையா என, யோசிக்க வேண்டும்,'' என்றார்.

இதை தொடர்ந்து, மேல்சபையை அகற்றுவது என, ஆந்திர
அமைச்சரவையில் தீர்மானம் நிறைவேற்றப்பட்டது.

தினமலர்

ஆந்திராவில் மேல்சபை கலைக்கப்படும்:அமைச்சரவையில் தீர்மானம் நிறைவேற்றம்

ஆந்திராவில் மேல்சபை கலைக்கப்படும்:அமைச்சரவையில் தீர்மானம் நிறைவேற்றம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக