தஞ்சை மாவட்டத்தில் பிப்ரவரி 5-ஆம் தேதி உள்ளூர் விடுமுறை

**ayyasamy ram** · **ayyasamy ram** Wed Jan 22, 2020 10:42 pm

தஞ்சை: தஞ்சை பெரிய கோவில் குடமுழுக்கு விழாவை முன்னிட்டு மாவட்டத்தில் வரும் பிப்ரவரி 5-ஆம் தேதி உள்ளூர் விடுமுறை அறிவிக்கப்பட்டுள்ளது.

உலகப்புகழ் பெற்ற தஞ்சை பெரிய கோயிலில் 23 ஆண்டுகளுக்கு பிறகு 2020, பிப்ரவரி மாதம் 5-ஆம் தேதி குடமுழுக்கு விழா நடத்தத் திட்டமிடப்பட்டுள்ளது. இதை முன்னிட்டு, இக்கோயிலில் ஓராண்டுக்கும் மேலாக திருப்பணிகள் மேற்கொள்ளப்பட்டு வருகின்றன.

குடமுழுக்கு விழாவை சிறப்பாக நடத்த தமிழக அரசின் முதன்மைச் செயலர் சண்முகம் தலைமையில் உயர்நிலைக் குழு அமைக்கப்பட்டுள்ளது. அவரது தலைமையில் 21 பேர் கொண்ட குழுவை அமைத்து தமிழக அரசு சமீபத்தில் அரசாணை பிறப்பித்துள்ளது. இந்த குழுவில் தமிழகத்தின் நிதி, சுற்றுலாத்துறை உட்பட பல்துறை செயலாளர்கள் உள்ளிட்ட 21 ஐஏஎஸ் அதிகாரிகள் இடம்பெற்றுள்ளனர். இவர்கள், தஞ்சை பெரிய கோயில் குடமுழுக்கு விழாவுக்கான ஏற்பாடுகளை கவனித்தல், கண்காணித்தல் உள்ளிட்ட பல்வேறு பணிகளையும் மேற்கொண்டு வருகிறாரகள்.

அதேசமயம் குடமுழுக்கு விழாவை தமிழ் வழியில் நடத்த வேண்டும் என்று ஒரு பிரிவினரும், ஆகம வழியில் நடத்த வேண்டும் என்று ஒரு பிரிவினரும் கூறி வருவதால் விவகாரம் நீதிமன்றம் வரை சென்றுள்ளது.

இந்நிலையில் தஞ்சை பெரிய கோவில் குடமுழுக்கு விழாவை முன்னிட்டு மாவட்டத்தில் வரும் பிப்ரவரி 5-ஆம் தேதி உள்ளூர் விடுமுறை அறிவிக்கப்பட்டுள்ளது.

இதுதொடர்பாக மாவட்ட ஆட்சித் தலைவர் புதனன்று வெளியிட்டுள்ள அறிவிப்பில், 'பெரிய கோவில் குடமுழுக்கு விழாவை முன்னிட்டு மாவட்டத்தில் வரும் பிப்ரவரி 5-ஆம் தேதி உள்ளூர் விடுமுறை விடப்படும் என்றும், அதற்கு பதிலாக பிப்ரவரி 22-ஆம் தேதி வேலை நாளாக செயல்படும் என்றும்' தெரிவிக்கப்பட்டுள்ளது.

தினமணி

தஞ்சை மாவட்டத்தில் பிப்ரவரி 5-ஆம் தேதி உள்ளூர் விடுமுறை

தஞ்சை மாவட்டத்தில் பிப்ரவரி 5-ஆம் தேதி உள்ளூர் விடுமுறை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக