இதப்படிங்க முதல்ல...(சினிமா செய்திகள்- வாரமலர்)

**ayyasamy ram** · **ayyasamy ram** Sun Jan 19, 2020 1:34 am

-
பி.வாசு போட்ட, தடை கல்!

ரஜினியை பொறுத்தவரை, 'சூப்பர் ஹிட்' படங்களின் முதல்
பாகத்தை போன்று, இரண்டாம் பாகம் வெற்றி பெறாது என்று
நினைப்பவர்.

அதனால் தான், பாட்ஷா படத்தின் இரண்டாம் பாகத்தில்
நடிக்க, சுரேஷ் கிருஷ்ணா சொன்னபோது, மறுத்து விட்டார்.
இருப்பினும், ரஜினியை வைத்து, தர்பார் படத்தை இயக்கிய,
ஏ.ஆர்.முருகதாஸ், 'தர்பார் படப்பிடிப்பில் இருந்தபோதே,
சந்திரமுகி - 2 படத்தை இயக்க, ரஜினியிடம் கதை சொல்லி
விட்டேன்.

அவர், ஓ.கே., சொன்னால், உடனே, 'ஆக் ஷன்' சொல்லி விடுவேன்...'
என்று, கூறி வருகிறார். இதைக் கேள்விப்பட்ட, சந்திரமுகி படத்தை
இயக்கிய, பி.வாசுவோ, 'சந்திரமுகி- - 2 படத்தை, வேறு நடிகரை
வைத்து இயக்க, கதை சொல்லி விட்டேன்.

அதனால், அந்த தலைப்பை யாருக்கும் விட்டுத்தர மாட்டேன்...'
என்று சொல்லி, ஏ.ஆர்.முருகதாசின் முயற்சிக்கு, தடை கல்
போட்டு விட்டார்.

— சினிமா பொன்னையா-

**ayyasamy ram** · **ayyasamy ram** Sun Jan 19, 2020 1:35 am

'ஆக் ஷன்' கதைகளில், அனுஷ்கா!

'நான் தான், தென் மாநிலத்தின் சூப்பர் ஸ்டார் நடிகை...'
என்று மார்தட்டி வருகிறார், நயன்தாரா. இந்த நேரத்தில்
, 'ஹாரர்' படங்களில் இருந்து விலகி, 'ஆக் ஷன்'
கோதாவில் இறங்கியிருக்கிறார்,

அனுஷ்கா. அதோடு, 'விஜயசாந்தி பாணியில், அதிரடி
, 'ஆக் ஷன்' கதைகளில் நடித்து, அவர் விட்டுச்சென்ற
இடத்தை நிரப்பி, சூப்பர் ஸ்டார் நடிகையாகப்
போகிறேன்...' என்று, ஒரு, 'ஸ்டேட்மென்ட்' விடுத்துள்ளார்

. வகை அறிந்து செய்தால் வாதம் பலிக்கும்!

— எலீசா

**ayyasamy ram** · **ayyasamy ram** Sun Jan 19, 2020 1:36 am

அதிர வைத்த, நந்திதா!

அட்டகத்தி நந்திதா, கர்நாடகாவை சேர்ந்தவர்.
என்றாலும், நடிக்க வந்து சில ஆண்டுகளிலேயே, தமிழ்,
தெலுங்கு மொழிகளை நன்றாக பயின்று,
தனக்குத்தானே, 'டப்பிங்'கும் பேசி வருகிறார்.

அதோடு, தபங் - 3 படத்தில் நடித்த, ஹிந்தி நடிகை,
சோனாக் ஷி சின்ஹாவிற்கு, தமிழ், தெலுங்கு மற்றும்
கன்னடம் என, மூன்று மொழிகளிலும், 'டப்பிங்' பேசினார்,
நந்திதா.

10 ஆண்டுகளுக்கு மேலாக, தென் மாநில சினிமாவில்
நடித்து வந்தபோதும், ஓரிரு வார்த்தைகள் கூட பேச
முடியாமல் தவித்து வரும், காஜல்அகர்வால் மற்றும்
ஹன்சிகா போன்ற நடிகைகள், நந்திதாவை
ஆச்சரியத்துடன் பார்க்கின்றனர். முந்தினோர் பிந்தினோர்
ஆவார்; பிந்தினோர் முந்தினோர் ஆவார்.

எலீசா

**ayyasamy ram** · **ayyasamy ram** Sun Jan 19, 2020 1:36 am

வில்லனாக மாறிய, 'மெகா ஹீரோ'க்கள்!

சினிமாவில், நீண்ட கால நடிகர்களான, அர்ஜுன் மற்றும்
அரவிந்த்சாமி, ஆகிய இருவருக்கும், தற்போது, 'ஹீரோ'
வாய்ப்பு குறைந்து விட்டது. அதனால், வில்லன் வேடங்களில்
நடிக்க, இருவருமே ஆர்வம் காட்டுகின்றனர்.

முக்கியமாக, 'நான், 'டீசன்ட்' ஆன வில்லனாக மட்டுமே
நடிப்பேன்...' என்று, அதற்கேற்ற வேடங்களை, தேர்வு செய்து,
அர்ஜுன் நடிக்க, அரவிந்த்சாமியோ, 'வில்லன் என்று வந்த
பிறகு, என்ன பாகுபாடு வேண்டியிருக்கு. 'டீசன்ட்' ஆக
மட்டுமின்றி, கொடூரமான வில்லனாகவும் நடிக்க, தயாராக
இருக்கிறேன்...' என்று, இறங்கியடித்து வருகிறார்.

— சினிமா பொன்னையா

**ayyasamy ram** · **ayyasamy ram** Sun Jan 19, 2020 1:37 am

சினி துளிகள்!

நடிக்கும் வாய்பை மீ்ண்டும் பிடிக்கும் முயற்சியாக,
குறைந்த சம்பளத்தில், குத்துப் பாட்டுகளுக்கு, 'டூ -பீஸ்'
உடையணிந்து, நடனமாட தயாராக இருப்பதாக,
கோலிவுட்டில் ஒரு சூடான செய்தி வெளியிட்டுள்ளார்,
ஸ்ரேயா.

அவ்ளோதான்!