இந்தியா அசத்தல் வெற்றி * தவான், கோஹ்லி, ராகுல் அபாரம்

**ayyasamy ram** · **ayyasamy ram** Fri Jan 17, 2020 7:01 pm

ஆஸ்திரேலியாவுக்கு 341 ரன்கள் வெற்றி இலக்காக நிர்ணயித்துள்ளது இந்தியா

இந்தியா அசத்தல் வெற்றி * தவான், கோஹ்லி, ராகுல் அபாரம் 202001171723498499_INDvAUS-India-341-runs-targets-to-Australia-won-dhawan-virat_SECVPF

இந்தியா அசத்தல் வெற்றி * தவான், கோஹ்லி, ராகுல் அபாரம் 202001171723498499_INDvAUS-India-341-runs-targets-to-Australia-won-dhawan-virat_SECVPF

-
இந்தியா - ஆஸ்திரேலியா இடையிலான 2-வது ஒருநாள் கிரிக்கெட் போட்டி ராஜ்கோட்டில் நடைபெற்று வருகிறது. டாஸ் வென்ற ஆஸ்திரேலியா பந்து வீச்சை தேர்வு செய்தது.

அதன்படி இந்தியாவின் ரோகித் சர்மா, தவான் ஆகியோர் தொடக்க வீரர்களாக களம் இறங்கினர். இருவரும் தொடக்கம் முதலே பந்துக்குபந்து ரன்கள் அடித்தனர். இதனால் இந்தியாவின் ஸ்கோர் சீரான வகையில் உயர்ந்தது.

இந்தியா 8.3 ஓவரில் 50 ரன்னைத் தொட்டது. அணியின் ஸ்கோர் 13.3 ஓவரில் 81 ரன்னாக இருக்கும்போது ரோகித் சர்மா 42 ரன்கள் எடுத்த நிலையில் ஆட்டமிழந்தார். அடுத்து விராட் கோலி களம் இறங்கினார்.

தவான் 60 பந்தில் அரைசதம் அடித்தார். அதன்பின் அதிரடி ஆட்டத்தை வெளிப்படுத்தினார். இதனால் இந்தியாவின் ஸ்கோர் ஜெட் வேகத்தில் உயர்ந்தது. 17.1 ஓவரில் 100 ரன்னைத் தொட்ட இந்தியா 24.5 ஓவரில் 150 ரன்னைத் தொட்டது.

சதம் அடிப்பர் என்று எதிர்பார்த்த தவான் எதிர்பாராத வகையில் 96 ரன்னில் ஆட்டமிழந்தார். அதன்பின் இந்திய அணியை விராட் கோலி வழி நடத்திச் சென்றார். அவர் 50 பந்தில் அரைசதம் அடித்தார்.

ஷ்ரேயாஸ் அய்யர் (7), மணிஷ் பாண்டே (2) சொற்ப ரன்களில் ஆட்டமிழந்தனர். கேஎல் ராகுல் அதிரடி ஆட்டத்தை வெளிப்படுத்த விராட் கோலி நிதானமாக சதத்தை நோக்கி சென்றார்.

ஆனால் ஆடம் ஜம்பாவின் கடைசி ஓவரில் 78 ரன்கள் எடுத்த நிலையில் ஆட்டமிழந்தார். அதன்பின் ஜடேஜாவை துணைக்கு வைத்துக் கொண்டு ராகுல் அதிரடி காட்டினார். 38 பந்தில் 4 பவுண்டரி, 1 சிக்சருடன் அரைசதம் அடித்தார். இவரது அதிரடியால் இந்தியா 45.4 ஓவரில் 300 ரன்னைக் கடந்தது.

**ayyasamy ram** · **ayyasamy ram** Fri Jan 17, 2020 7:02 pm

இந்தியா அசத்தல் வெற்றி * தவான், கோஹ்லி, ராகுல் அபாரம் 202001171723498499_1_ViratKohli001._L_styvpf

350 ரன்னை தொடும் என்ற நிலையில் கடைசி
ஓவரை ஸ்டார்க் சிறப்பாக வீசி ஐந்து ரன்கள்
மட்டுமே விட்டுகொடுக்க இந்தியா 6 விக்கெட் இழப்பிற்கு
340 ரன்கள் எடுத்துள்ளது. கேஎல் ராகுல் 52 பந்தில்
6 பவுண்டரி, 3 சிக்சருடன் 80 ரன்கள் விளாசினார்.

பின்னர் 341 ரன்கள் அடித்தால் வெற்றி என்ற இலக்குடன்
ஆஸ்திரேலியா பேட்டிங் செய்து வருகிறது.

மாலைமலர்

**ayyasamy ram** · **ayyasamy ram** Sat Jan 18, 2020 6:44 am

இந்தியா அசத்தல் வெற்றி * தவான், கோஹ்லி, ராகுல் அபாரம் Gallerye_212948552_2460013

கடின இலக்கைத் துரத்திய ஆஸ்திரேலிய அணிக்கு பின்ச்,
வார்னர் ஜோடி துவக்கம் தந்தது. வார்னர் (15), மணிஷ் பாண்டேயின்
ஒற்றைக் கை 'கேட்சில்' விரைவில் திரும்பினார்.

பின்ச் (33), சர்ச்சைக்குரிய முறையில் 'ஸ்டம்டு' ஆனார்.
பின் ஸ்மித், லபுசேன் இணைந்து ஒன்றும், இரண்டுமாக சேர்த்து
ஸ்கோரை சீராக உயர்த்தினர். ஸ்மித் 24வது அரைசதம் அடிக்க,
லபுசேன் 46 ரன்னுக்கு கிளம்பினார்.

தனது 9வது ஓவரை வீசிய குல்தீப் திருப்பம் தந்தார்.
2வது பந்தில் கேரியை (18) அவுட்டாக்கிய இவர், 5வது பந்தில்
அபாயகரமான ஸ்மித்தை (98) போல்டாக்க, ரசிகர்கள் உற்சாகம்
அடைந்தனர்.

கடைசி 42 பந்தில் ஆஸ்திரேலிய வெற்றிக்கு 82 ரன்கள் தேவைப்பட்டன.
இந்நிலையில் 44வது ஓவரை வீசிய ஷமி, டர்னர் (13), கம்மின்சை (0)
அடுத்தடுத்த பந்துகளில் போல்டாக்கினார்.

கடைசியில் ஜாம்பா (6) அவுட்டாக, ஆஸ்திரேலிய அணி 49.1 ஓவரில்
304 ரன்னுக்கு ஆல் அவுட்டானது. இந்தியா 36 ரன்னில் வெற்றி பெற்றது.
ஒருநாள் தொடர் 1-1 என சமனில் உள்ளது.

தினமலர்

Sponsored content · Sponsored content

இந்தியா அசத்தல் வெற்றி * தவான், கோஹ்லி, ராகுல் அபாரம்

இந்தியா அசத்தல் வெற்றி * தவான், கோஹ்லி, ராகுல் அபாரம்

Re: இந்தியா அசத்தல் வெற்றி * தவான், கோஹ்லி, ராகுல் அபாரம்

Re: இந்தியா அசத்தல் வெற்றி * தவான், கோஹ்லி, ராகுல் அபாரம்

Re: இந்தியா அசத்தல் வெற்றி * தவான், கோஹ்லி, ராகுல் அபாரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக