பக்திப் பாடல்களின் பாடல் வரிகள் மற்றும் காணொளி - தொடர் பதிவு -

**ayyasamy ram** · **ayyasamy ram** Thu Jan 16, 2020 9:53 pm

--
கர்நாடக இசை கலைஞர்கள் பல பக்திப் பாடல்களைப்
பாடியுள்ளனர். திரைப்படங்களிலும் பல பக்தி பாடல்கள்
நம்மை பரவசமடையச் செய்துள்ளன்
-
இந்த திரியில் பக்திப் பாடல்களை தொடர்ந்து
பதிவிட முயலுகிறேன்.
ஈகரை வாசகர்களும் இதே திரியில் தங்களைக்
கவர்ந்த பாடல்களை பதிவிடலாம்
-
-------------------------

**ayyasamy ram** · **ayyasamy ram** Thu Jan 16, 2020 10:03 pm

பக்திப் பாடல்களின் பாடல் வரிகள் மற்றும் காணொளி - தொடர் பதிவு - Murugan+azhagan

--
அழகென்ற சொல்லுக்கு முருகா - உந்தன்
அருளன்றி உலகிலே பொருளேது முருகா (அழகென்ற)

சுடராக வந்த வேல் முருகா - கொடுஞ்
சூரரைப் போரிலே வென்ற வேல் முருகா
கனிக்காக மனம் நொந்த முருகா - முக்
கனியான தமிழ் தந்த செல்வமே முருகா (அழகென்ற)

ஆண்டியாய் நின்ற வேல் முருகா - உன்னை
அண்டினோர் வாழ்விலே இன்பமே முருகா
பழம் நீ அப்பனே முருகா - ஞானப்
பழம் உன்னை அல்லாது பழம் ஏது முருகா (அழகென்ற)

குன்றாறும் குடி கொண்ட முருகா - பக்தர்
குறை நீக்கும் வள்ளல் நீ அல்லவோ முருகா
சக்தி உமை பாலனே முருகா - மனித
சக்திக்கே எட்டாத தத்துவமே முருகா (அழகென்ற)

பிரணவப் பொருள் கண்ட திரு முருகா - பரம்
பொருளுக்கு குருவான தேசிகா முருகா
ஹரஹரா ஷண்முகா முருகா - என்று
பாடுவோர் எண்ணத்தில் ஆடுவாய் முருகா (அழகென்ற)

அன்பிற்கு எல்லையோ முருகா - உந்தன்
அருளுக்கு எல்லை தான் இல்லையே முருகா
கண்கண்ட தெய்வமே முருகா - எந்தன்
கலியுக வரதனே அருள் தாரும் முருகா (அழகென்ற)
-

**ayyasamy ram** · **ayyasamy ram** Thu Jan 16, 2020 10:07 pm

பக்திப் பாடல்களின் பாடல் வரிகள் மற்றும் காணொளி - தொடர் பதிவு - 12853551_ad1abdbaa9

-
திருச்செந்தூரின் கடலோரத்தில் செந்தில்நாதன் அரசாங்கம்
தேடித்தேடி வருவோர்க்கெல்லாம் தினமும் கூடும் தெய்வாம்சம்!

அசுரரை வென்ற இடம் - அது தேவரைக் காத்த இடம்
ஆவணி மாசியிலும் - வரும் ஐப்பசித் திங்களிலும்
அன்பர் திருநாள் காணுமிடம்! அன்பர் திருநாள் காணுமிடம்!

கோவிலின் அருகினில் கூடிய கூட்டங்கள், தலையா கடல் அலையா?
குழந்தைகள் பெரியவர் அனைவரை இழுக்கும், குமரனவன் கலையா?

மங்கையரின் குங்குமத்தைக் காக்கும் முகம் ஒன்று
வாடுகின்ற ஏழைகளைக் காணும்முகம் ஒன்று
சஞ்சலத்தில் வந்தவரை தாங்கும்முகம் ஒன்று
சாதிமத பேதமின்றிப் பார்க்கும்முகம் ஒன்று
நோய்நொடிகள் தீர்த்துவைக்கும் வண்ணமுகம் ஒன்று
நூறுமுகம் காட்டுதம்மா ஆறுமுகம் இங்கு!

பொன்னழகு மின்னிவரும் வண்ணமயில் கந்தா
கண்மலரில் தன்னருளைக் காட்டிவரும் கந்தா
நம்பியவர் வந்தால் நெஞ்சுருகி நின்றால்
கந்தா முருகா வருவாய் அருள்வாய்............முருகா!
--------------

Sponsored content · Sponsored content

பக்திப் பாடல்களின் பாடல் வரிகள் மற்றும் காணொளி - தொடர் பதிவு -

பக்திப் பாடல்களின் பாடல் வரிகள் மற்றும் காணொளி - தொடர் பதிவு -

Re: பக்திப் பாடல்களின் பாடல் வரிகள் மற்றும் காணொளி - தொடர் பதிவு -

Re: பக்திப் பாடல்களின் பாடல் வரிகள் மற்றும் காணொளி - தொடர் பதிவு -

Re: பக்திப் பாடல்களின் பாடல் வரிகள் மற்றும் காணொளி - தொடர் பதிவு -

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக